Genf (B/SN). Aktualnym rozsudam přećiwo ordinaciji žónskich w Letiskej spřećiwja so přepytowanje Lutherskeho swětoweho zwjazka, zo su mjeztym w 119 ze 145 sobustawskich cyrkwjach na cyłym swěće žónske do słužby słowa a sakramenta ordiněrowane. To je 82 procentow porno 77 procentam w lěće 2012.

Bamž wopyta Auschwitz

Rom (B/SN). Bamž Franciskus chce kónc julija něhdyše koncentraciske lěhwo Ausch­witz wopytać. To wuchadźa z wozjewjeneho programa wo pućowanju bamža do Pólskeje. Franciskus pojědźe wot 27. do 31. julija do domizny swojeho předchadnika Jana Pawoła II. (1920– 2005). Přičina jězby je swětowe zetkanje młodźiny w Krakowje.

Ćišća nowu bibliju Luthera

Z awtowym zběhadłom je policija w Badensko-Württembergskej šupa z nuzy wuswobodźiła. Zwěrjo bě mjez zahrodkowej budku a murju domskeho zatłusnjene, čehoždla wobydler policiju zawoła. Z pomocu zběhadła budku po třištwórć hodźinje trochu wuzběhnychu. Šup wosta njezranjeny a so spěšnje zminy.

Swojeho nana do wuskosćow přinjesł je wosomlětny­ pachoł, kiž nochcyše bjez swojich hrajkanskich pistolow do dowola jěć. Jako 47lětny nan na Bremenskim lětanišću swój kófer woteda, wudyri alarm. Při přeswětlenju wačoka běchu zastojnicy dwě pistoli wuhladali. Potrjecheny dźěl lětanišća zawrěchu. Krótko na to alarm zaso zběhnychu. Hólc přizna, zo bě pistoli skradźu do kófra nana tyknył.

Bagdad (dpa/SN). Ličba smjertnych woporow teroroweho nadpada na woblubowane nakupowanišćo irakskeje stolicy Bagdada je na znajmjeńša 213 rozrostła. Wjace hač 300 ludźi so zrani, irakske strowotniske ministerstwo dźensa zdźěli. Bomba při najwjetšim atentaće lěta bě wčera rano w měšćanskim dźělu Karada rozbuchnyła. Přez detonaciju a woheń so wjacore twarjenja dospołnje zničichu. Teroristiska milica Islamski stat je nadpad přiznała a dalše atentaty přećiwo „njewěriwym“ připowědźiła.

Oettinger žada sej sankcije

Brüssel (dpa/SN). Komisar Europskeje unije Günther Oettinger žada sej sankcije EU přećiwo Španiskej a Portugalskej. Wobaj krajej njejstej loni swoje etatowe zawjazki spjelniłoj. Chcyła-li EU swoju wěrjomnosć w prašenju dodźerženja prawidłow zachować, dyrbjała wona sankcije přećiwo Španiskej a Portugalskej wobzamknyć, rjekny politikar CDU nowinarjam. „Wšo druhe njemóžeš ludźom rozkłasć.“ Wobaj krajej stej wot EU dowoleny deficit třoch procentow jasnje překročiłoj.

Elie Wiesel pochowany