Američan 50 ludźi zezatřělał
Knježerstwje so konsultujetej
Nima słowow za to, štož je widźał
Předsyda SPD Sigmar Gabriel něhdyše lěhwo Auschwitz wopytał
Waršawa (dpa/SN). Něšto dnjow do 25. róčnicy němsko-pólskeho zrěčenja wo dobrym susodstwje je předsyda SPD Sigmar Gabriel něhdyše němske zaničowanske lěhwo Auschwitz-Birkenau wopytał. Na swojej internetnej stronje němski wicekancler po tym pisaše: „Žana jězba do žaneje kónčiny swěta njeje we mni tajki začisć zawostajiła kaž moja prěnja jězba do wopomnišća něhdyšeho koncentraciskeho lěhwa Auschwitz.“ Do wopytowarskeje knihi wopomnišća wón zapisa, zo nima słowow za to, štož je tam widźał. Zdobom pak čerpa wón ze zetkanjow z ludźimi nowu nadźiju, zo čłowjestwo „hižo nihdy zaso njedopušći, štož je so tule stawało“.
Dnja 17. junija budźe tomu 25 lět, zo stej Němska a Pólska zrěčenje wo dobrym susodstwje podpisałoj. Tón dźeń chce sej zwjazkowy prezident Joachim Gauck do Waršawy dojěć. Runočasnje pojědźe durinski ministerski prezident Bodo Ramelow (Lěwica) do Auschwitza, zo by tam wěnc połožił.
To a tamne (13.06.16)
Prěni pasažěrski trut (Drohne) swěta je chinske předewzaće Ehang wuwiło. Nětko chcedźa lětacy nastroj w ameriskej pusćinje Nevada wupruwować, chinske medije rozprawjeja. „Ehang 184“ runa so znatym trutam, je pak wo wjele wjetši a ma kabinu za pasažěra. Tón njetrjeba ani wukubłanje pilota: Po tym zo je zaměr do kompjutera zapodał, doleći mašina dospołnje awtomatisce.
Dokelž je ze swojim synom w chorowni „Rubježnik a žandarm“ hrał, je muž w Pirmasensu zasadźenje wosebiteje jednotki zawinował. 41lětny bě wčera w zachodźe chorownje z pistolu w ruce běhał, kotraž bě na woprawdźitu bróń podobna. Jako muž syna do lifta „wotwjedźe“, zaalarmowachu swědcy policiju. Jako jednotka muža zaja, tón zastojnikam rozłoži, zo je sej z hólcom jeno hrajkał. Hač ma wón nastate kóšty přewzać, hišće njewědźachu.
Žadaja sej chłostanje aktiwistow
Podstupim (dpa/SN). Po protestach klimowych aktiwistow we łužiskim brunicowym rewěrje žada sej opozicionelna CDU w Braniborskim krajnym sejmje jich chłostanje. „Ideologojo a klimowi turisća su strachi a hidu zbudźili“, rjekny wčera hospodarski fachowc CDU Dierk Homeyer w sejmje. Chłostajomne njeskutki měli so konsekwentnje chłostać. Tysacy aktiwistow běchu swjatki brunicowe jamy a samo milinarnju wobsadźili. Homeyer kritizowaše, zo běchu so zapósłancy Zelenych jako parlamentarni wobkedźbowarjo na protestach wobdźělili.
Palestinske kónčiny zawrjene
Ramallah/Gaza (dpa/SN). Reagujo na krawny nadpad w Tel Avivje ze štyrjomi mortwymi je Israel Kraj zapadnje Jordana a Gazaske pasmo zawrěł. Hač do njedźele smědźa Palestinjenjo wobě kónčinje jenož hišće w humanitarnych abo nuzowych padach wopušćić. Srjedu wječor běštaj Palestinjanaj štyrjoch Israelčanow zatřěliłoj a pjeć ludźi zraniłoj.
Obama podpěruje Clinton
Bojowy tank Zwjazkoweje wobory typa Leopard 2A6 steji na naměsće ...
Fanowa milapřed Eiffelowej wěžu
Schulz šwika Erdoğana toho wuprajenjow dla
Městna šmórnyć
Rozprawnistwo přehnate było
Budyšin (CS/SN). Tři a poł měsaca po wohenju w bywšim Budyskim hotelu „Husarenhof“, kotryž bě mysleny jako azylowy dom, je so medialna napjatosć zaso złahodniła. Tak je nětko načasu podawki předźěłać, měni Budyski měšćanski zwjazk CDU, kotryž je so předwčerawšim za stajnym blidom z temu „Přiklesk, wćipni abo tola ničo njebyło?“ rozestajał.
Druhdy móže jeničke słowo rozsudne być. W nowinskej zdźělence wuchadźeše Zhorjelska policajska direkcija z třoch 19- a 20lětnych Budyšanow, kotřiž běchu dźěło wobornikow masiwnje haćili. Někotři ze zdźěla wopitych wćipnych ludźi běchu woheń z wjeselom a negatiwnymi přispomnjenjemi komentowali. Štož je so po tym we wozjewjenjach nadregionalnych medijow wuwiwało, dźensa hišće we wušomaj wobydlerjow klinči. Tak bě rěč wo „hewrjekacej a kleskacej cwólbje“, kotraž bě prawdźepodobnje nadróžnu bitwu z wobornikami a policiju wjedła.
