Inscenacija Thespis-centruma z jasnym aktualnym poćahom
Budyšin (los/SN). „Der Club der geheimen Sorben – Klub potajnych Serbow“ je titul inscenacije, kotraž měješe předwčerawšim, srjedu, na wupředatej žurli Budyskeho Dźiwadła na hrodźe premjeru. Połni napjatosće sćěhowachu přihladowarjo jewišćowej produkciji, kotraž běše jako „moderna, anti-utopiska bajka z dalokeho přichoda“ připowědźena.
Wona powěda wo tym, kak ćmowa móc knjejstwo w Sakskej přewozmje a ludźi, kotřiž smědźa jenož hišće arisko-němscy być, terorizuja. Wšitke dalše rěče, nałožki a tradicije su zakazane. Ludźo su nuzowani tablety brać, zo „bychu swětłu kožu dóstali“, a kóždeho, kiž so tomu spjećuje, přeměnja mócnarjo na kamjeń.
Přećiwo tomu so skupina serbskich dźěći a młodostnych z kuzłarjom po boku wobara. Woni so w tajnym zwjazku wo to prócuja serbski swět wumóžić. Duchi sydom serbskich kralow so z nimi zwjazuja. Z jich pomocu měło so poradźić nad ćmowymi mocami dobyć.
Łaz (AK/SN). We Łazu serbskeho komponista Jana Pawoła Nagela (1934–1997) ze Złyčina w dźakownym, čestnym wopominanju wobchowuja. To je Spěchowanske towarstwo zetkawanišćo Dom Zejlerja a Smolerja předwčerawšim, srjedu, z klawěrnym koncertom podšmórnyło. 40 připosłucharjow je składnostnje 90. narodnin wuměłca přichwatało. Pianistka a komponistka Liana Bertók z Besigheima pola Heilbronna na Nagelowym klawěrje a Annett Baumann ze Sakskeje statneje kapały Drježdźany na huslach stej z wjelestronskim programom zahoriłoj. Zaklinčachu twórby njezabyteho komponista kaž „Šunowska“, 3. sadźba „Suity Kocorjana“, 3. a 4. sadźba „Sonaty za husle a klawěr“ a „Bórkowska“. Kruch „Nazyma“ we wersiji za husle a klawěr dopominaše na hłuboku ból Serbow wotbagrowanja mnohich łužiskich wsow dla. Runje tak běchu twórby Kocora, Bacha, Vivaldija, Medeka a Rachmaninowa słyšeć. Bertók sama bě z Nagelom wot 1981 w hłubokim přećelstwje a zhromadnym dźěle zwjazana. Wón je ju jako komponistku skrućił a posylnił. Swój ...
Wobornicy so zaso wubědźujaPrěnje lětuše wubědźowanje dobrowólnych wohnjowych woborow w hašenju přewjedźe so jutře w Debricach, dalše potom kónc meje w Konjecach.11.05. 16:00 Debricy26.05. 10:30 KonjecyW Radworju hraja sobotuWe wokrjesnej wyšej lize budźe domjaca dypkowa hra prěnjeho koparskeho mustwa sportoweho towarstwa Radwor jutře, sobotu, a nic na zwučenej njedźeli. Přiwisnicy regionalneho koparskeho ligista FC Energije Choćebuz móža njedźelu do Choćebuza jěć a snano postup FCE do třećeje ligi swjećić (13 hodź.).11.05. 14:00 Biskopičanske KT 08 – VfL Halle 9611.05. 15:00 SC 1911 Großröhrsdorf – Sokoł Ralbicy/Hórki11.05. 15:00 ST Radwor – Biskopičanske KT II12.05. 11:00 HZ Wujězd/Łaz/Běły Chołmc – SJ Njebjelčicy12.05. 13:30 FSV Łuty II – HZ Ralbicy II/Pančicy II12.05. 14:00 ST Marijina hwězda – Arnsdorfske KT17.05. 19:00 Motor Kumwałd – SJ Chrósćicy IIDorostowa kopańca w Budyšinje ...
Wopyt w tradiciskim swójbnym zawodźe w Nowej Wsy nad SprjewjuTwarjenja w swětłej žołtej barbje hnydom při wjesnym zachodźe w Nowej Wsy nad Sprjewju kolesowarjam zawěsće do wočow bija, hdyž su woni ze směra Połpicy po puću k Bjerwałdskemu jězorej. Čista ležownosć nalěwo a naprawo dróhi kónc tydźenja snano tróšku wopušćena skutkuje, wot póndźele do pjatka tam pak čiłe žiwjenje knježi. To je areal tradiciskeho zawoda „Sprjewiny młyn“ na sewjerozapadźe Malešanskeje gmejny.Runje je wulki běły sedłowy wlečak přijěł. Šofer ze swojeje kabiny skoči a so w zarjadniskim twarjenju přizjewi. Mjeztym wopušći firmowe nakładne awto z připowěšakom nakładowansku přestrjeń mjez produkciskimi halemi. Procedura so wosom, druhdy samo dźesać razow w běhu dźěłoweho dnja wospjetuje a zwobraznja wobstajny produkciski kołoběh bjez wulkeho składa na městnje.Z Noweje Wsy do Indiskeje
Po njewšědnje sylnych zliwkach na juhu Brazilskeje wojuja ludźo w regionje přećiwo powodźenjam. W zwjazkowym staće Rio Grande do Sul su dróhi a domy přepławjene. Cyłkownje 107 ludźi je tam dotal zemrěło, zdźělichu wčera lokalne brazilske zarjady. Dale je hišće 134 wosobow zhubjenych. Foto: pa/Xinhua/Claudia Martini
Na mejemjetanje do BukecBukecy. Bukečanska Bjesada a kulturu spěchowace towarstwo Bukecy přeprošujetej jutře, sobotu, wot 15 hodź. na mejemjetanje na wulkim parkowanišću blisko B6. Po tym sćěhuje program z Bukečanskej drastowej skupinu a wosadnymi dujerjemi. Přihotowane je tež program za swójby w „Bukečanskej Hospodźe“. Wo hudźbne wobrubjenje postara so serbska band Logarytmus.Kino a spěwanje w ChrósćicachChrósćicy. Chróšćanska młodźina přeprošuje hižo dźensa dźěći wot 18.30 hodź. do Chróšćanskeho kluba na dźěćace kino. Wot 20.30 hodź. chcedźa zhromadnje spěwać. Sobotu w 16 hodź. potom meju mjetaja. Po tym přeproša na wjesny swjedźeń při klubje z kofejom a tykancom. Za dźěći stej skakanski hród a tombola přihotowanej. Wot 20.30 hodź zahraje skupina Holaski k rejam. Samsny dźeń tež we Wotrowje (16 hodź.) a w Němcach (17 hodź.) meju mjetaja.Program pěstowarnje pod mejuRadwor. Radworski młodźinski klub přeprošuje wšitkich zajimcow na swoje mejemjetanje, kotrež zarjaduje njedźelu, ...
Ze swójbnym swjedźenjom su minjenu njedźelu wuhladnu wěžu nad Liškowskim jězorom w Žylowku po tři tydźenje trajacym zawrjenju zaso wotewrěli. W tymle času je Choćebuski grafitijowy wuměłc Marcus Preuß w nadawku energijoweho předewzaća Leag symbolej jězora nowu čerstwu módro-zelenu barbu spožčił a ze wšelakimi wobrazami porjeńšił. 31 metrow wysoka wěža dowola daloki wid na Liškowski jězor, z 1 900 hektarami najwjetši jězor Braniborskeje. Po skónčenju wudobywanja wuhla wot lěta 2019 wodu do něhdyšeje brunicoweje jamy pušćeja. Hač do lěta 2030 ma jězor doskónčnje napjelnjeny być. Foto: Michael Helbig
Bianka ŠeferowaSće dźensa hižo z woknom hladali a klimowej změnje přihladowali? Ně? Potom pak je wulki čas!Stajnje zaso je rěč wo tym, zo je změna klimy za njezwučene wjedrowe fenomeny abo swojorazne wobswětowe zjawy zamołwita. Horce temperatury k jutram, dwaj tydźenjej pozdźišo zaso zmjerzki, powodźenja w Brazilskej ... . W medijach abo socialnych syćach ludźo na to předewšěm ze spektakularnymi wobrazami pokazuja. Tajkich wšak je wšědnje. Po cyłym swěće so kóždy dźeń něšto njezwučene stawa a dźakowano šmóratkam hodźi so tole z fotami a widejemi dokumentować. Často ludźo twjerdźa, zo su to podawki, kotrež njemóhli so bjez změnjaceje so klimy stać. Fakt pak tohorunja je, zo je stajnje zaso k ekstremam dóšło. Jich ličba pak je minjene lěta přiběrała. Za kóždu dlěšu suchu periodu abo sylny zliwk pak změna klimy zamołwita njeje. Strachi před ekstremnymi wjedrowymi zjawami pak so přewšo rady znjewužiwaja.
Na Budyskim Serbskim šulskim a zetkawanskim centrumje su zawčerawšim meju mjetali. Dwanatkarjo Serbskeho gymnazija rejowachu hromadźe z 5. lětnikom gymnazija, 4. lětnikom zakładneje šule a šulerjemi tamnišeje wyšeje šule wokoło meje. Nimo klasiskeju rejow ,,Katyržinka‘‘ a ,,Takle wjerćimy‘‘ zwažichu so tež na kołoteptanje a finsku reju. Po tym meja padny. Jako prěni běžachu dwanatkarjo wo mejsku hałžku. Jan Šołta bu mejski kral a wuzwoli sej Francisku Bobkec za mejsku kralownu. Pola 5. lětnika gymnazija doby Filip Korch. Maja Młynkec bě jeho kralowna. Dale běžachu hólcy 4. lětnika zakładneje šule napřemo. Mejski kral bu Eddie Graf a mejska kralowna Nina Sterzel. Foto: SN/Bojan Benić
Pólski sudnik knježerstwu wumjetuje, zo kraj do wójny wjedźeWaršawa. Pólska towaršnosć je šokowana a znjeměrnjena: Tomasz Szmydt, sudnik na wobwodnym zarjadniskim sudnistwje we Waršawje, je do Běłoruskeje ćeknył. Tam prošeše mócnarja Aleksandera Lukašenka wosobinsce wo „azyl a škit“. Swoju kročel wopodstatni Szmydt z tym, zo njeje spokojom z politiku knježerstwa, kotraž ćěri Pólsku z pomocu USA a Wulkeje Britaniskeje do wójny, a zo so tohodla wohroženy čuje.
