Matthias Peuker je lětušu Kulturnu zahrodu Serbskeho ludoweho ansambla zahajił. Z cyłej bateriju elektroniskich instrumentow a nastrojow, kotruž sam „mašinu, kotraž je takrjec band“ mjenowaše, předstaji wón wčera adapcije hitow, kaž na přikład „Starfish Coffee“ (Prince) a „Around the world“ (Daft Punk), swójske titule a etno-funkowu wersiju spěwa „Bogi burski“. Dźensa koncertuja pod Budyskej Röhrscheidtowej baštu duwo IndiwiDual, Helena Hejduškec a Jan Brězan, jutře slěduje wustup spěwytwórca Rokotak. Njedźelu zahudźa huslerka Izabela Kałduńska a spěwarka Walburga Wałdźic kaž tež spěwacy husler Paul Geigerzähler, kiž chce mjez druhim swoju nowu EP „Grüße aus der Datscha“ prezentować. Foto: SN/Bojan Benić

Serbske mustwo w SlepomSerbske koparki z Delnjeje Łužicy, srjedźneje Łužicy a z Hornjeje Łužicy zakónča njedźelu připołdnju třidnjowske treningowe lěhwo w Slepom z přihotowanskej koparskej hru přećiwo holcam a žonam FC Energije Choćebuz. Hrać budźe so njedźelu wot 11 hodź. na trawniku sportoweho towarstwa Lok Slepo.Koparjo na cilowej čarjeNa wokrjesnej runinje přewjedu so dźensa a jutře poslednje dypkowe hry sezony 2023/2024.01.06.  13:00  W. Dubrawa/Radwor II –  HZ Ralbicy II/Pančicy II01.06.  15:00  Drježdźanski SC –  SJ Chrósćicy01.06.  15:00  SC Großröhrsdorf –  Módro-běli Kulow01.06.  15:00  HZ Łaz/Běły Chołmc –  Sokoł Ralbicy/Hórki01.06.  15:00  ST Radwor – ST Ćisk02.06.  14:00  Biskopičanske KT 08 –  SG Union Sandersdorf02.06.  15:00  ST Marijina hwězda –  HZ Huska/Hodźij02.06.  15:00  TSV Wjazońca –  SJ Chrósćicy IIKrabatowy firmowy běhSportowy klub Wojerecy přewjedźe 5. junija swój 5. Krabatowy firmowy běh, a to w Čornym Chołmcu. Kóžde mustwo wobsteji z pjeć do dźesać běharkow ...

Rjany wulět do Dubrjenskeho bahna poslednja stacija serije Serbskich NowinSwjatki sobotu su sej štyri pory dwójnikow ze swojimi staršimi do Dubrjenskeho bahna wulećeli. To měješe swoju přičinu, dokelž su Serbske Nowiny z tutym podawkom swoju seriju „dwójniki“ k planowanemu „poslednjemu zelenemu štwórtkej“ zakónčili. Mjeztym su Richard a Ludwig Dittrichec z Ralbic, Lena a Luis Suchec ze Sulšec, Christian a Frederic Langec z Ralbic kaž tež ­Cosimo a Casper Brězanec ze Serbskich Pazlic štyrnaće lět. Zapřahnył je Handrij Krječmar na dworje swojeho burskeho statoka w Dubrjenku koble a zdypkom w dwěmaj so něhdźe 15 kilometrow dołha kołojězba po daloko znatym bahnje započa. Něhdyši braška wědźeše na wulkim kremseru sedźacym hosćom wjele wo tutym přirodoškitnym pasmje powědać. Bórze pak počachu tołste a tučne kuntwory kusać a dokelž machanje ničo njepomhaše, wědźeše sej wosebje młoda bobrija z wotpowědnej žałbičku pomhać. Pomhała pak znajmjeńša w tym nastu­panju ničo njeje, zo by so jim kusk b ...

We wulkich kotołach warja sobudźěłaćerjo pomocnych organizacijow jědź před twarjenjemi, kotrež su při israelskej ofensiwje w měsće Chan Junis na juhu Gazaskeho pasma roztřěleli. Před staciju pomocnikow čakaja samsny čas tysacy palestinskich ­ciwilistow na rozdźělenje nuznje trěbnych žiwidłow. Foto: dpa/Ramadan Abed

Wuměłcy pod hołym njebjomDešno. Domizniski muzej w Dešnje přeproša jutře, sobotu, a slědowacu njedźelu na lětuši Wuměłstwowy zahrodny swjedźeń. Pod hesłom „Künstler unter freiem Himmel“ změja wopytowarjo składnosć, cyłkownje „něhdźe 40 wuměłčam a wuměłcam najwšelakorišich žanrow při kreatiwnym tworjenju přez ramjo hladać a jich wudźěłki kupić“. Mjez druhim prezentuja so molerjo, designerojo a tekstilni wuměłcy. Zarjadowanje je wšědnje wot 11 do 17 hodź. zadarmo přistupne.Brigada swjeći dejmantny jubilejBudyšin. Budyska měšćanska hala „Króna“ je jutře, sobotu, z hosćićelom swjedźenja składnostnje 75. róčnicy załoženja 1. serbskeje kulturneje brigady. Program, kotryž započnje so we 18 hodź., wuhotuja nimo chóra a rejowanskeje skupiny brigady orchester Serbskeho gymnazija Budyšin a skupina Holaski, kotraž zahraje k rejam. Zastupne lisćiki předawa Serbski ludowy ansambl za 24 resp. 18 eurow pod www.ansambl.de.Wudźěłki filmoweje akademije ...

Po wobšěrnym saněrowanju a powjetšenju Budyskeho kina wot lěta 2018 je nětko tež historiska žurla po ponowjenju zaso ­přistupna. Tak mjenowana žurla 1 prezentuje so wotnětka wopytowarjam ze swojim „starym charmom“, ale w nowym błyšću. Wuhotowanje sćěnow a wjercha z 1920tych lět je runje tak zaso widźeć kaž balkon a nabóčne městna. Wčera su žurlu zjawnosći prezentowali a při tej składnosći nowe D-box-městna předstajili, kotrež so wotpowědnje filmej pohibuja. Foto: SN/Bojan Benić

Cyril Pjech z Berlina wupraja so k přinoškej na 2. str. wo wopyće francoskeho prezidenta Macrona w Němskej:Njewěm, hač bě to připad, abo wot skedźbneho redaktora tak planowane: We wutoršich Serbskich nowinach dwěluje Marko Wjeńka w přilopku, hač bě francoski prezident Macron prawje informowany wo wuznamje Myta Westfalskeho měra, kotrež su jemu spožčili. Tutón měr bě tehdom w lěće 1648 takrjec poslednja móžnosć, wulke dźěle Europy, wosebje tehdyše „Swjate romske mócnarstwo němskeho naroda“ zachować před dospołnym, absolutnym zničenjom, absolutnej zahubu. Awtor skedźbnja na to, zo chce francoski prezident francoskich wojakow do Ukrainy pósłać, štož by woznamjenjało, zo wojacy NATO přećiwo Ruskej wojuja. A Wjeńka praji potom absolutnje rozumnje: „Njeby lěpje było, myto w Münsteru jako zakład Europskeho měroweho zrěčenja wobhladować, zo bychmy nowej zahubje kaž 1648 tola hišće zadźěwali?“

Maximilian GruberSerbske Nowiny na Instagramje? Haj! Prawje sće to widźeli. Serbski wječornik je sej do dalokich morjow moderny zwažił. Prawje tak. Tež my jako serbski ludźik njeměli so wuwićam swěta wokoło nas zawěrać. Pola někotrych tute dopóznaće tróšku dlěje traje. Ale: Štož ma derje so radźić, wo tym měł so do toho wadźić. Diskusije a wotwažowanja běchu tež za Instagramowy kanal Serbskich Nowin trěbne. Što je wažniše: Dźěłowa móc za ćišćane wudaće, abo wjace wobsahow za młódši publikum? Wotmołwa na tute prašenje je po mojim měnjenju wočiwidna: Klasiski nowinski žurnalizm, kajkiž jón w Serbach hišće pěstujemy, je dołhodobnje bjez přichoda. Fokus leži tuž na medijach, kotrež tež młoda generacija wužiwa. Instagram je jedyn z nich, TikTok dalši. Wězo wobsteji kumšt nětko w tym, wšelakore zajimy přewšo šěrokeho Serbstwa wotbłyšćować. Přetož nimamy jenož młodych ludźi, kotřiž ćišćanu nowinu jenož jako připlack na blidźe staršeju čitaja. Tež na swěrnych našich čitarjow papjerjanych abo d ...

Pólske knježerstwo planuje wuchodnu mjezu wobšěrnišo zawěsćićWaršawa. Wulku kedźbnosć zbudźiło je pólske knježerstwo ze swojim připowědźenjom, mjezu k Běłoruskej a Ruskej wobšěrnišo zawěsćić, zo by kraj přećiwo migrantam a před wojerskim nadpadom Ruskeje škitany był. Program „Škitna tarč wuchod“ budźe najwjetša operacija k zesylnjenju wuchodneje mjezy a wuchodneje flanki NATO po 1945, rjekny zaki­towanski minister Władysław Kosiniak-Kamysz minjenu póndźelu we Waršawje. Předwidźane su masiwne twarjenja a bunkry, ale tež wulce moderne systemy stražowanja powětroweho ruma a wotwobaranja trutow, minister rozłoži. „Mamy 700 kilometrow mjezy, z nich 400 k Běłoruskej“, praji zastupowacy minister zakitowanja Cezary Tomczyk. Hišće lětsa chcedźa twarić započeć. Projekt ­płaći po dotalnym planowanju dźesać miliardow złotych, štož je něhdźe 2,5 miliardow eurow. Po słowach ministerskeho prezidenta Donalda Tuska nadźija so Pólska pjenježneje pomocy EU. ...