Remis, kotremuž měješe so zadźěwać
FC Energija Choćebuz –
FSV Zwickau 2:2 (0:0)
Zestawa domjacych: Sebald – Hofmann, Kaizer (62. Kusić), Slamar, Bretschneider (62. Milde), Möker (46. Pelivan), Juckel (62. Ndualu), Oesterhelweg (46. Proničew), Shcherbakovski, Hajrulla (62. Bornemann), Halbauer (46. Krauß)
slěd wrotow: 1:0 Hajrulla (47.), 2:0 Shcherbakovski (62.), 2:1 Senkbeil (73.), 2:2 Eixler (90.)
Přećiwo staroznatemu přećiwnikej, kiž hižo tutón kónc tydźenja do noweje sezony regionalneje ligi startuje, docpě FC Energija 2:2. Běchu to njekedźbnosće a njelepe dźěło w škiće, kotrež wobradźichu zapadnym Saksam jenož remis. Njerozsudny wuslědk sposrědkowa hosćom tróšku wjace dowěry, hač njedawno kasěrowana 1:6 poražka přećiwo Herće BSC.
Energija porno tomu dyrbi dale na idealnej formaciji paslić.
Stara garda so wubědźowała
Radworčenjo dobyćerjo serbskeho supercupa
Při horcych temperaturach, ale přiwšěm jara dobrej naledźe, dojědźechu sej njedźelu štyri serbske koparske cyłki z Ralbic, Radworja, Pančic a Chrósćic do Njebjelčic na sedme wudaće serbskeho supercupa. Bjarnat Deleńk a Alojs Mikławšk mustwa wutrobnje witaštaj a turněr oficialnje zahajištaj.
Nimo wěsteho prestiža, je tutón turněr zdobom dobra składnosć za mustwa so na přichodnu sezonu přihotować. Dwoje semifinale wulosowała bě na městnje Elaine Jenčec, kotraž přewza zdobom kmótřistwo za turněr.
W prěnim połfinalu turněra nastupichu Chróšćenjo přećiwo Radworčanam, w druhim Ralbičenjo přećiwo Pančičanam. Wospjet bě so njedźelu mnoho přihladowarjow do Njebjelčic podało, zo bychu sej kopańcu lubić dali. Hry wotměchu so pod nawodom sudnikow Jakuba Kobera, Andreja Strelowa, Clemensa Bětki a Pascala Budarja.
Hrajerjo ST 1922 Radwor: David Matik, Adrian Mička, Casper Dźisławk, Jakub Wróbl, Julien Glücklich, Lenny Schöne, Marvin Paška, Nick Grubert, Niklas Šnajder, Tom Schulze, Marius Adam, Daniel Nuk, Jakub Pěčak, Matej Wjeńka, Lucas Pěčak
Druhi test wuspěšnje absolwowali
ST Porchow –
SJ Chrósćicy 2:6 (1:0, 1:3, 0:3)
Zasadźeni hrajerjo SJC: Škoda – T. Donat, B. Cyž, M. Zahrodnik, Graf, Bogusz, Hawš, Wencel, Matik, Bjeńš, Rätze
Poprawom chcychu Chróšćenjo sobotu přećiwo ST Horni kraj Sprjewja testować. Hosćo pak pjatk hru wotprajichu. Krótkodobnje so trenarska dwójka Filip Mark/Feliks Zahrodnik na hru z wokrjesnym ligistom Porchow dojedna.
Partija wotmě so w třoch połčasach, kóždy połčas traješe 30 mjeńšinow. Domjace mustwo lěpje do hry startowaše a wot spočatka wulki ćišć na SJC wukonješe. Hosćo mějachu swoje ćeže prawje do hry namakać a sej móžnosće wuhrać. Po dźesać hratych mjeńšinach zhubichu Chróšćenjo bul před šěsnatku. Patrick Preusche wuži zmylk a třěli kulowatu kožu k 1:0 do wrotow. Tež po tym so hosćo jenož zrědka strašni před wrotami jewjachu. Po rjanej kombinaciji měješe Jan Bogusz wurunanje na noze. Jeho třělwa pak bu k róžkej wotwobarana.
Poziciji wrotarjow Liškow wobsadźenej
Dalši wrotar je zrěčenje pola Łužiskich lodohokejowych liškow podpisał. 28lětny Němc Daniel Filimonow přińdźe wot Běłych mjedwjedźow Hammer z třećeje ligi do Běłeje Wody do DEL2. Swoje wukubłanje k wrotarjej absolwowaše Filimonow pola EV Regensburg w šulerskej a młodźinskej zwjazkowej lize, kaž tež w Němskej dorostowej lize (DNL). W dalšim přeběhu swojeje karjery steješe wón za Deggendorfer SC w třećej lize, kaž tež Straubing Tigers w DEL na lodźe. Přez Blue Devils Weiden a EHF Passau Black Hawks přińdźe wón w lěće 2021 do Hammera a steješe tam na tři lěta mjez žerdźomaj. Cyłkownje absolwowaše 1,81 metrow wulki a 81 kilogramow ćežki wrotar za Běłe mjedwjedźe 104 partijow we wyšej lize sewjer.
Přidatnje budźe 21lětny Němc Leon Jessler, najprjedy raz hač do přestawki narodnych hrow pola Liškow w DEL2 přebywać a so doporučić. Łužiske liški su za swoje naslědne dźěło z młodymi hrajerjemi znate a poskića Leonej Jesslerej so w Běłej Wodźe dale wuwiwać. Swoje wukubłanje k wrotarjej dósta wón w Krefeldźe. W zašłym lěće steješe wón za Grefrather EG a EV Duisburg na lodźe.
Rozsudne městna za žony
Mumbai (B/SN). W přichodnej etapje swětoweje synody w oktobrje w Romje budu wo sylnišim zapřijeću žonow do rozsudow cyrkwje diskutować. „Je jasne, zo dyrbja žony swoje jim přisłušne městno dóstać“, praji něhdyši arcybiskop w Mumbaiju, indiski kardinal Oswald Gracias a poradźowar bamža w radźe kardinalow.
Sensacionelna namakanka
Jerusalem (B/SN). W rownej cyrkwi w Jerusalemje su archeologojo wjacore tony ćežku kamjentnu platu nadešli, z grafitami pomolowanu. Při wobroćenju platy archeologojo zwěsćichu, zo jedna so wo lěta 1149 poswjećeny dźěl křižneho wulkeho wołtarja w šěrokosći 3,5 metrow, zdźěli Awstriska akademija wědomosćow. Wosebitu techniku marmoroweje dekoracije běchu tehdy jeničce specialisća w Romje wobknježili.
Islamska nabožina
Wuslědki (22.07.24)
Hnydom šěsć staflow dyrbješe hrajny wuběrk za dorost Zapadołužiskeho koparskeho zwjazka loni wutworić.
Młodźina E wokrjesna liga stafla I
1. HZ Huska 9 9:1 25
2. FSV Budissa Budyšin II 9 8:1 24
3. ST Traktor Malešecy 10 8:2 24
4. Rakečanske KT 10 8:3 22
5. ST Huska 9 6:3 18
6. ST 1896 Wulka Dubrawa 9 4:5 12
7. St 1922 Radwor 10 4:7 10
7. ST Módro-běli Njeswačidło10 4:7 10
9. Zeleno-běli Bukecy 9 2:7 6
10. Traktor Malešecy II 10 1:9 3
11. Módro-běli Minakał 9 0:9 0
Młodźina E wokrjesna liga stafla II
1. TSV 90 Wjazońca 9 9:0 27
2. TSV 1859 Wjernarjecy 9 8:1 24
3. ST Horni kraj Sprjewja I 9 6:2 19
4. ST Horni kraj Sprjewja II 9 5:2 17
5. SZ Wjelećin 9 5:4 15
6. TSV 1859 Wjernarjecy II 9 4:6 10
7. SG Steinigtwolmsdorf 9 3:6 9
8. Motor Kumwałd II 9 2:6 7
9. BSG Załom-Wopaka 9 1:8 3
10. TSV 90 Wjazońca II 9 1:9 1
Młodźina E wokrjesna liga stafla III
1. Biskopičanske KT 08 III 9 8:1 24
2. HZ Drohotka Ramnow 9 7:2 21
3. SC 1911 Großröhrsdorf II 9 6:3 18
4. Zeleno-běli Halštrow 9 7:4 17
5. Biskopičanske KT 08 II 9 6:4 16
5. Postup Großharthau 9 6:4 16
7. ST Bischheim-Häslich II 9 2:6 7
8. SZ Drjewnica 9 2:7 6
9. ST Bischheim-Häslich III 9 1:7 4
10. ST Porchow 9 1:8 3
Młodźina E wokrjesna liga stafla IV
1. SZ Großnaundorf 10 8:0 26
2. Arnsdorfske KT 10 8:1 25
2. TSV Połčnica 1920 10 8:1 25
4. Lomnitzer SV 10 8:2 24
5. ST Liegau-Augustusbad II 9 5:4 15
6. FV Ottendorf-Okrilla 05 II 9 4:5 12
6. ST Kinspork/Łužnica 9 4:5 12
8. SC 1911 Großröhrsdorf I 9 2:7 6
9. SZ Großnaundorf II 10 2:8 6
9. TSV Wachau 10 2:8 6
Přewšo dobry wothłós při třělenju jědnatkow
We wobłuku Wiesenbeats-festiwala su Sulšečenjo mjeztym hižo 10. raz turněr w třělenju jědnatkow na nohi stajili. Hłowny organizator Stefan Prucha bě hižo do zahajenja cyle napjaty a motiwowany. „Mějachmy tu hižo 24 mustwow, lětsa pak prěni raz 32 a z tym smy tež doskónčnu ličbu mustwow docpěli. Sym hižo nětko chětro hordy a so njesměrnje na turněr wjeselu“, tak Sulšečan při witanju wšěch mustwow. Hakle jónu poradźi so jednomu teamej, mjenujcy Salowčanam, tute wubědźowanje dwójce dobyć. Hewak steješe na prěnim městnje stajnje něchtó druhi. Tak tež lětsa.
Widźał,słyšał, napisał (22.07.24)
Awtor dźensa
Tadej Cyž
Po europskim koparskim mišterstwje a kolesowarskim wubědźowanju Tour de France čaka na přiwisnikow sporta přichodny wulki wjeršk. Pjatk zahaja so we Parisu mjeztym hižo 33te lětne olympiske hry. Z tym je francoska stolica po 1900 a 1904 hižo třeći raz wuhotowar najwjetšeho sportoweho zarjadowanja swěta. Jenož London bě hač dotal tež trójce hosćićel olympiskich hrow. W požadanskim procesu je so Paris mjez druhim přećiwo městam Los Angeles, Budapest a Rom přesadźił. Los Angeles wuhotuje olympiadu 2028.
Kak hrajerjow w přećelskich hrach zasadźić?
Na zakładźe aktualnych pokiwow pokazaja zamołwići Zapadołužiskeho koparskeho zwjazka (WFV) hišće raz na zdźělenje wotrjada Sakskeho koparskeho zwjazka (SFV), kiž je za hrajne dowolnosće zamołwity.
Zasadźenje kóždychžkuli hrajerjow w přećelskich hrach je jenož z płaćiwej hrajnej dowolnosću SFV móžne. Tute dóstanje hrajer jenož po přewjedźenju změny towarstwa abo po zapodaću próstwy wo dowolnosć za hraće jako hósć, a to jenož wot zamołwitych SFV, kiž su za hrajne pasy zamołwite. Wšitke druhe zasadźenja hrajerjow su njewoprawnjene a ćahnu sportoprawniske konsekwency za sobu.
Jeli njeje hrajer na lisćinje woprawnjenjow za hraće elektroniskeje hrajneje rozprawy, dyrbi so z toho wuchadźeć, zo njepředleži prawo hraća. Su jenož jara rědke jednotliwe pady, w kotrychž hrajerja z wućišćanej hóstnej dowolnosću w online-hrajnej rozprawje njenamakaš (wotzjewjeni hrajerjo abo wukrajni hóstni hrajerjo).
Jurij Bjeńš
