Zaměr je jasny: Postup

srjeda, 18. januara 2023 spisane wot:

Před dwěmaj tydźenjomaj witachu mustwo FC Energije Choćebuza po přestawce zaso na trening w stadionje Přećelstwa. Aktuality wozjewi šeftrenar Claus Dieter Wollitz w ekskluziwnym interviewje za Serbske Nowiny. Z nim rozmołwjał je so Georg Zielonkowski.

Běchu pola mustwa wupady, snano tež alternatiwneho zymskeho sporta dla?

Claus-Dieter Wollitz: Ně, sněhakowarjow nimamy, ale bohužel mamy dwaj wupadaj chorosće dla. Axel Borgmann pobrachuje dźensa runje tak kaž Jonas Hofmann. Tim Heike je w natwarjacym treningu, ale Joshua Putze je po swojim torhnjenju křižneho paska zaso połnje poćežomny a so nětko sukcesiwnje na niwow druhich přibliži. Ale naš kader je přeco hišće jara mały, z 13 hrajerjemi a třomi wrotarjemi, trjebamy zesylnjenja.

Wy sće w zakónčacej rozmołwje do swjatych dnjow zdźělili, zo je FCE z nowym hrajerjom w rozmołwje?

Načolnu poziciju dale skrućili

srjeda, 18. januara 2023 spisane wot:
Zašłu sobotu bě sej prěnje wolejbulowe zastupnistwo Viktorije Worklecy do Wojerec na dalšu dypkowu hru sezony dojěło. W sportowni L.-Foucaultoweho gymnazija nastupi wone přećiwo cyłkej Módro-běłych Wojerecy. Z 25:23, 25:21 a 26:24 dobychu hosćo wšitke tři sadźby a zawěsćichu sej z tym tři dalše wulke ličaki w tabulce wobwodneje ligi. Tučasnje steja Worklečanki njeporaženi z 12 dypkami na prěnim městnje. Na foće su widźeć stejo wotlěwa Marina Köhlerowa, trenar Stephan Mühl, Anita Salowskec, Anja Biehlowa, Stefanie Köhlerowa a sedźo wotlěwa Kathrin Spiesec, Constance Pěčcyna, kapitanka Jenny Otto a Rejzka Rawšec. Foto: Tereza Wićazowa

Zazběh do noweho lěta wuspěšny

srjeda, 18. januara 2023 spisane wot:

SZ Přezjednota Picnjo –

FC Energija Choćebuz 0:15 (0:7)

Zestawa Energije Choćebuz: Sebald (46. Bethke) – Hasse (46. Kaizer), Hildebrandt, Böhmert, Wagner – Eisenhuth, Kujović (46. Juckel), Geisler – Badu (46. Oesterhelweg), Wähling (46. Slamar), Abu Alfa

Prěnju přihotowansku hru w nowym lěće je FC Energija pola zastupjerja krajneje klasy jasnje dobyła. Po prěnich třoch treningowych dnjach přeswědči faworit ze swojim běhanskim wjeselom runje tak, kaž z mnohimi kombinacijemi a wulkotnje wuhratymi wrotami.

W druhim wotrězku bě Ali Abu Alfa na lěwej wonkownej čarje dospołnje swobodnje a docpě po wulkotnym přidźěle Jonasa Hildebrandta, w běhu jenož dwanaće mjeńšinow, čisty hatrik. „Hilde“, nominalnje poprawom nutřkowny škitar, čuješe so w nadběhu, hdźež zastupowaše schorjeneho Erica Hottmanna, widźomnje derje a awansěrowaše so ze swojimi pjeć wrotarjemi k nadběhowarjej w rybarskim měsće. Tohorunja schorjełoj staj tuchwilu tež Axel Borgmann a Jonas Hofmann. Georg Zielonkowski

Poradźene sněhakowarske lěhwo

wutora, 17. januara 2023 spisane wot:

Sněhakowarske lěhwo Budyskeho Serbskeho gymnazija (SGB) bě so w zašłymaj zymomaj koronoweje pandemije dla dwójce wusadźiło. Tuž nachwata so tute w aktualnym šulskim lěće 2022/23 hnydom dwójce, a to prěni raz w Božim Darje. Dohromady 160 šulerkow a šulerjow je sněhakowarske wukubłanje absolwowało. Prěni přechod běchu hižo w decembrje přewjedli. Tam wobdźěli so pjeć wučerjow a 85 šulerjow jedneje rjadownje dźewjateho kaž tež wšitke tři rjadownje dźesateho lětnika. Hižo njedźelu popołdnju startowachu z busomaj do Božeho Dara. Póndźelu rano sej sněhaki wupožčichu, tak zo so po wobjedźe prěnja sněhakowarska hodźina započa. Wuknjacy rozdźělichu so do pjeć započatkarskich, dweju srjedźneju a jedneje profijoweje skupiny. Wučerjo a šulerjo mějachu wulke zbožo, zo móžachu přiwšěm na arealu Novako sněhakowarske wukubłanje přewjesć. A dokelž njedowoli miła zyma kompletne zasněžene pisty, postarachu so mějićeljo areala Novako wo kumštny sněh. Po stajnje pjećhodźinskim wukubłanju z přestawku přizamkny so wječor teorija a wuhódnoćenje.

Zasłuženy domjacy triumf „liškow“

wutora, 17. januara 2023 spisane wot:

Łužiske lodohokejowe liški –

Lodowe mjedwjedźe Regensburg 4:2 (2:0, 2:0, 0:2)

Cyłodnjowski poskitk woblubowany

wutora, 17. januara 2023 spisane wot:
Hižo wjace hač 10 lět přewjedźe so na Serbskimaj wyšimaj šulomaj w Ralbicach a Worklecach cyłodnjowski poskitk motocross. Projekt, kotryž přewjedźe a přewodźa hłownje serbski osteopath Měrćin Špitank, spěchuje so mjez druhim přez ADAC Saksku, MC Jawory a dalšich swěrnych spěchowarjow. Nimo treninga z motorskimi na čarje w Jaworje je tež reparowanje a hladanje motorskich wažny wobstatk projekta. Dalši wobłuk je trening atletiki a koordinacije. Tute hodźiny wotměja so hłownje we Worklečanskej sportowni. K małej tradiciji je so mjeztym kóždolětna adwentnička wuwiła. Za tutón podawk přihotuja młodźi sportowcy jědź sami. Strowe zežiwjenje słuša mjenujcy runje tak k sportej kaž prawidłowny trening. Tak dóstachu młodźi Serbja z rukow Měrćina Špitanka (nalěwo) a Stefana Wornarja (naprawo) tež mały darik a zakónčichu w lóštnym kole minjene lěto. Foto: Tadej Cyž

13. łužiski brunicowy cup

wutora, 17. januara 2023 spisane wot:

Zašłu sobotu bě so w Choćebuzu we Łužiskej arenje 13. łužiski brunicowy cup wuhrał. Dohromady wobdźěli so na koparskim turněrje wosom mustwow, mjez nimi tež Serbske mustwo.

Wobdźělene cyłki hraja w krajnej klasy abo krajnej lize, niwow bě tuž dobry. W rjadach Serbow swjećeše młody Chróšćanski wrotar Jakub Škoda swoju premjeru. Prawidłownje hraje w druhim Chróšćanskim mustwje, měješe pak tež hižo krótke zasadźenja pola prěnjeje gardy. Wón je swój nadawk z brawuru zmištrował a so w kóždej hrě přez wuběrne zasadźenje wuznamjeni.

W předkole trjechichu Serbja na FC Gubin, SZ Bórkowy a ST Motor Saspow. Prěnju hru 0:4 přěhrachu. Přez zmylki w defensiwje dóńdźe přećiwnik k wrotam, ale hač krótko do kónca bě partija wurunana. Druhu hru přećiwo SC Motorej Saspow z 0:1 přěhrachu. Serbja nje­móžachu wuhrate šansy wužić. W poslednjej hrě přećiwo FC Gubinej mustwo dołho z 1:0 nawjedowaše. Christian Rinza docpě jara zahe nawjedowanje. Hač krótko do kónca wupadaše za tym, zo dobudu­. W běhu někotrych mjeńšin zwjertny přećiwniske mustwo hru na 1:2, škoda.

1. halowy cup dorosta

póndźela, 16. januara 2023 spisane wot:

Tójšto wrotow a napjate hry we Worklecach

W kopatej połnej sportowni we Worklecach wotmě so sobotu 1. halowy cup za dorostowe mustwa młodźiny E. Cyłkownje štyri towarstwa je sebi sportowa jednotka Njebjelčicy z hłownym organizatorom Robertom Lejnartom k tomu přeprosyła. Tak nastupichu přeco dwaj cyłkaj Sokoła Ralbicy Hórki, SJ Chrósćicy a SJ Njebjelčicy. Turněr wudospołnichu mustwje z Radworja a koparjo Marijineje hwězdy. Po modusu kóždy přećiwo kóždemu so dypkownje w 10 hodź. prěnja hra, wot cyłkownje 28, zahwizda. A hnydom w tutej dóstaštaj starši a tamni fanojo, mjez nimi tež zapósłanc krajneho sejma Alojs Mikławšk a jednaćel Zapadołužiskeho koparskeho zwjazka (WFV) Gojko Sinde dobry zaćišć, što halowu kopańcu wučinja. Po 8 mjeńšinach skónči so hra z njerozsudnym 1:1. Spěšne akcije, žana wostuda, napjate a zmužiće wjedźene dwuboje, emocije a kopica šansow. Wšitko to su wažne nazhonjenja, kotrež trjeba młoda koparka/młody kopar zo bych so dale a dale polěpšił/a. Mjez dźěćimi knježeše fairny wobchad a sudnicy njetrjebachu tuž docyła wulce do jednotliwych hrow zapřimnyć.

Widźał,słyšał, napisał (16.01.23)

póndźela, 16. januara 2023 spisane wot:

Awtor dźensa

Clemens Šmit

Ně, štóž tajke něšto pisa, njeje zymski sport ženje lubował! Abo hišće hóršo, tajke słowa tla přińdu jenož z erta lěwicarsko-zeleneho klimoweho terorista! Njewěm, hač móhło so mi tole woprawdźe wumjetować. Zhladujo pak na někotryžkuli nastajenje sobučłowjekow našeje towaršnosće, nochcył tež to tuchwilu wuzamknyć.

Sport (13.01.23)

pjatk, 13. januara 2023 spisane wot:

Halowy cup juniorow

Sportowa jednotka Njebjelčicy budźe jutře zarjadowar a wuhotowar haloweho koparskeho turněra we Worklecach. Wot dopołdnja dźesaćich hraje tam starobna klasa młodźiny E. Njebjelčanski dorost je sej cyłki z Radworja, Ralbic, Pančic-Kukowa a Chrósćic přeprosył.

Brunicowy cup w Choćebuzu

Na 28. halowym koparskim festiwalu w Choćebuzu, kotryž přewjedźe so dźensa, jutře a njedźelu we Łužiskej arenje, wobdźěli so jutře při 8. brunicowym cupje tež serbske mustwo muži. Turněr z wosom mustwami započnje so w 14 hodź. Nastupić budu tam mjez druhim cyłki SZ Bórkowy, ST Wacker Choćebuz -Strobice, 1. FC Gubin a Přezjednota Picnjo.

Worklečanki we Wojerecach

Prěnje wolejbulowe mustwo žonow Sportoweho towarstwa Worklecy nastupi we wobwodnej lize jutře we Wojerecach pola prěnjeho mustwa Módro-běłych Wojerecy. Dotal njeporaženy načolnik hraje pola předposlednjeho tabulki. Worklečanscy mužojo nastupja w samsnym času pola VfL Pirna-Copitz.

14.01.  14:00  MB Wojerecy –

  Viktoria Worklecy I (ž.)

14.01.  14:00  VfL Pirna-Copitz –

  Viktoria Worklecy (m.)

16.01.  19:30  Sokoł Budyšin –

  ST Hnašecy-Dobruša

nawěšk

nowostki LND