Wuspěšna premjera

wutora, 01. awgusta 2023 spisane wot:

HZ Sokoł Ralbicy/Hórki II / ST Marijina hwězda II – SG Frankenthal II 3:1 (1:0)

Za hrajne zjednoćenstwo zasadźeni: Jakubaš – Čornak, Zynda, Kocor, Hantsch, Budar, Mjechela, Lešawa, Materna, Seiler, Hübner, Ladewig, Zimmermann, Kubic, Čórlich, Bjeńš

Nowowutworjene koparske zjednoćenstwo druheho zastupnistwa Sokoła Ralbicy/Hórki a rezerwy ST Marijineje hwězdy testowaše njedźelu prěni raz. Cil běše so zahrać a so mjez sobu zeznajomić. Mustwo běše derje měšane a so tež jara spěšnje do hry namaka.

Domjacy dachu bul rjenje w swojich rjadach běžeć a mějachu wjac hrajnych podźělow. Po foulu połoži sebi nazhonity Stefan Bjeńš z něhdźe dwaceći metrow kulowatu kožu k wólnemu kopej a jón k nawjedowanju přetwori. Po rjanych kombinacijach měješe Nick Lešawa dwójce šansu rezultat zwyšić, tola wrotar stajnje sylnje dźeržeše. Tež Bjeńš by dyrbjał krótko do połčasa składnosć wužić, ale třěli hrajny nastroj wyše wrotow.

Dumperowe mišterstwo w Hórkach

wutora, 01. awgusta 2023 spisane wot:
Třeći běh wo Němske dumperowe mišterstwo njedźelu w Hórkach je Zejičan Paul Domš (2. wotlěwa, Dumperowy team Adelsdorf) dobył. Tu wjeseli so dobyćer z nanom Frankom. Dalše městna wobsadźichu Filip Kral z Róžanta, Frank Domš ze Zejic, ­Křesćan Grutka z Chrósćic a Marcus Donat z Baćonja. Lětuše wurisanje w Hórkach bě so srjedź sezony přewjedł a nic na kóncu. Finalnej běhaj budźetej spočatk septembra w Baćonju a kónc oktobra w Ramnowje. Foto: Konstantin Hrjehor

Koparski turněr přewjedli

wutora, 01. awgusta 2023 spisane wot:
W Serbskich Pazlicach su sobotu we wobłuku wjesneho swjedźenja kopańcu z wjesnymi mustwami hrali. Turněr na małym hrajnišću z pjeć cyłkami Pěskečenjo dobychu. Druhe městno wobsadźichu Wotrowčenjo, třeće Serbskopazličenjo, štwórte Njebjelčenjo a pjate stari knježa ze Serbskich Pazlic. Foto: Mia-Katarina Hrjehorjec

Němska wubranka je druhu skupinsku hru na swětowym mišterstwje kopańcy žonow w Awstralskej a Nowoseelandskej dramatisce přećiwo Kolumbiskej z 1:2 přěhrała. Situacija w skupinje H je z tym nětko chětro napjata. Hrube wašnje hraća kopańcy Kolumbičankow, testowa hra do WM přećiwo Irskej bě so po brutalnych foulach dočasnje zakónčiła, Alexandra Popp zahe začuwaše. W chribjeće sudnicy Melissy Borjas z Hondurasa sadźi jej Daniela Arias dyr do kónčiny žołdka. Popp padny, ju dyrbjachu lěkować. Krutosć, kotruž bě trenarka Voss-Tecklenburg do hry připowědźiła, trjechi Němsku z połnej sylnosću. Křidłowe klěšće wobstejo z Klary Bühl a Jule Brand njepřińdźechu přećiwo hosćom do partije a srjedźa bu Popp wot wjacorych hrajerkow z hry wzata. ­Jónu pak zhubichu najstrašnišu Němku z wočow. W 43. min. přizemi wotfalšowana třělwa wot Magul před noze kapitanki. Popp steješe dospołnje swobodna, honješe bul pak direktnje ze šěsć metrow přez kašćik. To bě najlěpša šansa we wurunanym prěnim połčasu.

Christoph Kiefersauerzměni do Łužicy

póndźela, 31. julija 2023 spisane wot:

Łužiske lodohokejowe liški su dalšeho nadběhowarja angažowali. Christoph Kiefersauer změni wot Bayreuth Tigers do Běłeje Wody k Liškam.

Rodźeny Bad Tölzski započa z lodohokejom w swojim ródnym měsće a přeběža tam wšitke ­dorostowe mustwa. Wón wobdźěli so z němskim U18 kaž tež z U20 na cyłkownje třoch turněrach swětoweho mišterstwa. 2016 bě Kiefersauer do Ingolstadta do DEL změnił a hraješe ze spěchowanskej licencu za ESV Kaufbeuren. Za ERC Ingolstadt absolwowaše tehdy 19lětny w swojej prěnjej profijowej sezonje 15 hrow, mjeztym zo steješe w Kaufbeurenje jónu na lodźe. Tež w slědowacej hrajnej dobje zasadźi so za tři hry w Ingolstadće. K sezonje 2018/2019 přeńdźe wón k Deggendorfskemu SC do DEL2. ­Hižo lěto pozdźišo hraješe wón za swoje domizniske towarstwo, za Tölzske lawy.

Wyši ligist Biskopičanske KT 08 je do noweje hrajneje doby 2023/2024 z dobyćom 1:0 (0:0) přećiwo SC Freital startowało a sej z tym prěnje tři dypki w boju wo mišterstwo zawěsćił. Rozsudne wrota za mustwo trenarja Franka Ričela docpě w 89. min. ­hrajer Serbskeho mustwa Jonas Krawčik (srjedźa klečo, Biskopicy). Foto: Jörg Stephan

Zazběhowa poražka kaž loni

póndźela, 31. julija 2023 spisane wot:

Viktoria Berlin – FC Energija Choćebuz 2:1 (1:0)

Energija Choćebuz: Bethke (15. Sebald) – Slamar (46. Oesterhelweg), Hildebrandt, Campulka, Hasse, Putze (63. Ndualu), Hofmann, Borgmann, Euschen (46. Heike), Thiele, Halbauer (46. Prokopenko)

sudnik: Neter (Njeswačidło)

slěd wrotow: 1:0 Yildirim (45.+3), 2:0 Mensah (62.), 2:1 Hildebrandt (78./jědnatka)

To jeničke, štož po prěnjej hrě w nowej hrajnej dobje zwostanje, je nadźija. Tež k startej sezony 2022/2023 bě FC Energija k zazběhej podležała, zo by měsacy pozdźišo jako staflowy dobyćer přez cil šła. Wězo wostanje tajki „happyend-scenarij“ po špatnym wustupje w Berlinje-Lichterfeldźe wokomiknje jara njewěsty.

Z tójšto chwalbami z wosom testowych hrajnych dobyćow z wrotowym ­poměrom wot 97:3 je FCE do winowatostnych hrow startował a so jako staflowy faworit blamował. Njesmě tež jako zamołwjenje płaćić, zo je mustwo přez sportowe njezbožo swojeho wrotarja Eliasa Bethke zaměrne hraće přisadźiło. Po šěsć mjeńšinach zrazy Bethke z nadběhowarjom Viktorije Uzoma hromadźe.

Awtor dźensa Clemens Šmit

Chceš-li sej zaso raz wuwědomić, kelko w našim swěće takle wšo křiwje běži, wudani so tele dny wosebje do swěta kopańcy pohladać. Tak zhoniš, zo w Saudi-Arabskej runje w dimensijach z pjenjezami wokoło so mjetaja, kotrež móžeš lědma wopřimnyć. Europskich topkoparjow dosćehnje tak jedyn njemoraliski poskitk po druhim. Cil: Telko koparskeje prominency kaž móžno do pusćiny wabić.

Wuslědki (31.07.23)

póndźela, 31. julija 2023 spisane wot:

Kopańca

regionalna liga muži

Hertha BSC II – BSG Chemija Lipsk3:0 (2:0)

Lok Lipsk – VSG Altglienicke 2:1 (0:1)

Erfurt – F.C. Hansa Rostock II 2:0 (0:0)

BFC Dynamo – FSV Zwickau 3:0 (1:0)

Greifswaldski KK – FC Eilenburg 3:1 (3:0)

Kamjeničanski FC – Jena 0:0 (0:0)

Vikt. Berlin – FCE Choćebuz 2:1 (1:0)

Luckenwalde – Berlinski AK 6:0 (3:0)

SV Babelsberg – ZFC Meuselwitz 2:1 (1:0)

1. FSV 63 Luckenwalde 1 6:0 3

2. BFC Dynamo 1 3:0 3

2. Hertha BSC II 1 3:0 3

4. Greifswaldski KK 1 3:1 3

5. FC Čerwjeno-běli Erfurt 1 2:0 3

6. Lok Lipsk 1 2:1 3

6. SV Babelsberg 1 2:1 3

6. Viktoria Berlin 1 2:1 3

9. Kamjeničanski FC 1 0:0 1

9. FC Carl Zeiss Jena 1 0:0 1

11. FC Energija Choćebuz 1 1:2 0

11. VSG Altglienicke 1 1:2 0

11. ZFC Meuselwitz 1 1:2 0

14. FC Eilenburg 1 1:3 0

15. F.C. Hansa Rostock II 1 0:2 0

16. BSG Chemija Lipsk 1 0:3 0

16. FSV Zwickau 1 0:3 0

18. Berlinski AK 1 0:6 0

wyša liga, mužojo

Biskopičanske KT 08 – SC Freital 1:0 (0:0)

Arnstadt – Budissa Budyšin 2:2 (1:1)

Motor Marienberg – VFC Plauen 1:0 (1:0)

Magdeburg II – Ludwigsfelde 3:1 (1:0)

Jednota Rudolstadt – Kśišow 0:1 (0:0)

Sandersdorf – Halberstadt 1:2 (0:0)

VfB Auerbach – FC Grimma 1:2 (0:2)

Halle – FC Jednota Wernigerode 1:3 (0:1)

1. 1. FC Magdeburg II 1 3:1 3

1. FC Jednota Wernigerode 1 3:1 3

3. FC Grimma 1 2:1 3

3. Germania Halberstadt 1 2:1 3

5. Biskopičanske KT 08 1 1:0 3

5. Motor Marienberg 1 1:0 3

5. VfB 1921 Kśišow 1 1:0 3

8. Budissa Budyšin 1 2:2 1

8. ST 09 Arnstadt 1 2:2 1

10. SG Union Sandersdorf 1 1:2 0

10. VfB Auerbach 1 1:2 0

12. FC Jednota Rudolstadt 1 0:1 0

Sport (28.07.23)

pjatk, 28. julija 2023 spisane wot:

Pytaja stadionoweho rěčnika

Zamołwići Wojerowskeho FC pytaja stadionoweho rěčnika, kotryž tamnišemu prěnjemu a druhemu koparskemu mustwu na domjacych hrach k hišće wjetšej zahoritosći dopomha. Wón abo wona měła wurazliwy hłós, zamóžnosće moderacije, rozpalitosć za kopańcu a lubosć k HFC měć. Požadanje inkluziwnje krótkeho wideja přez e-mejlku na .

Sport w Serbskich Pazlicach

We wobłuku wjesneho swjedźenja w Serbskich Pazlicach wubědźujetej so dźensa wječor wot 19:30 hodź. hornja wjes a delnja wjes přećiwo sebi. Jutře, sobotu, změja na nowym sportnišću wot 13 hodź. koparski turněr.

Kónctydźenski konjacy sport

Serbska debata

nowostki LND