Serbske šule nimale 300 přizjewjenjow registrowali
Kamjenica/Budyšin (SN/MG). Wosrjedź kónčnych pruwowanjow na wyšich šulach a Serbskim gymnaziju w Budyšinje je přizjewjenski čas za nowych šulerjow pjatych lětnikow w dalokej měrje nimo. Tójšto šulerjow je so přizjewiło. Na serbskim gymnaziju w Budyšinje a wyšich šulach w Budyšinje, Worklecach, Radworju, Ralbicach, Kulowje a Slepom je so dohromady 292 šulerjow přizjewiło. Tole zdźěli krajny zarjad za šule a kubłanje (LaSuB) na naprašowanje našeho wječornika.
Najwjace nowych šulerjow smě po informacijach LaSuB wyša šula w Kulowje witać, 56 jich tam je. Tutych budu w dwěmaj rjadownjomaj wuwučować. Cyłkownje najwjace šulerjow změja na Serbskim gymnaziju w Budyšinje: 78. Woni su do třoch rjadownjow rozdźěleni. Nawodnistwo gymnazija na naprašowanje Serbskich Nowin doda, zo budźetej z nich dwě maćernorěčnej rjadowni. We wšěch druhich serbskich wyšich šulach, hač na serbsku wyšu šulu w Budyšinje, změja jenož jedyn nowy pjaty lětnik. Serbskich šulerjow je nimale wšudźe dosć, tak, zo móža wšudźe serbsku skupinu wutworić.
Přichodne wažne ličaki bě sej njedźelu w Šwikawje młodźina C Budissy Budyšin wuwojowała. Hólcy starobneje klasy U15 hraja w krajnej lize a steja po wonkownym dobyću 2:1 tuchwilu w srjedźnym polu tabulki. A tež maćerje hrajerjow so přez „kwětkace dypki“ wjeselachu. Nawjedowanje za koparjow ze Sprjewineho města docpě Kilian Cyž, dobyćerske wrota třěli Constantin Märcz. Dalši Serbja w mustwje su Matej Kober, Matej Nuk a Pawl Richter. Richterej, čisło 15, pósłachu koparjo wosebity postrow, dokelž bě so njedawno při kulce zranił a na dlěši čas wupadnje. W zbytnych 3 hrach sezony 2023/2024 přijědźe mjez druhim hišće RB Lipsk do sportoweho kompleksa Humboldtowy haj w Budyšinje. Foto: Tadej Cyž
W Rumunskej, kaž w stolicy Bukaresće, su wčera z portretami ludźi wopominali, kotřiž su w komunistiskich jastwach Rumunskeje ćerpjeli abo tam žiwjenje přisadźili. 14. meje 1948 běchu komunistiscy mócnarjo tysacy ludźi zajeć dali, kotrychž mějachu za wohroženje abo přiwisnikow stareho režima. Mnozy z nich w dźěłowych lěhwach zahinychu. Foto: dpa/Vadim Ghirda
Hižo nimale njedźeli syda 15lětny šuler 9. lětnika Serbskeho gymnazija sobu za wulkim blidom w běrowje šefredaktora, hdyž redaktorojo Serbskich Nowin na rańšim posedźenju wo wudaću wuradźuja, kotrež wječor wuńdźe. Młody Hórčan so hižo dawno za žurnalizm zajimuje. Tuž běše za njeho jasna wěcka, zo praktikum w Serbskich Nowinach zabsolwuje. Mjeztym je so ze wšelakimi wobłukami wšědneho dźěła serbskich žurnalistow zeznajomił. Hač su to pokiwy na terminy, předźěłanje interviewa, přełožk němskich tekstow do serbšćiny a rešerše po puću we Łužicy – Milan Jurk je sej w swojim praktikumje, kotryž so pjatk skónči, hižo wobšěrny přehlad tworił.
Analyza kolesowarskeho wobchada na kolesowarskim puću podłu Wódry a Nysy w lěće 2023 je wunjesła, zo tči za tym wuznamny hospodarski faktor. Nadawk k tomu je wokrjes Sprjewja-Nysa dał, projektowy partner bě zdobom Marketingowa towaršnosć Hornja Łužica-Delnja Šleska (MGO).Baršć/Budyšin (SN/at). Přepytowanje je prěnje zwjazkowe kraje Mecklenburgsko-Předpomorsku, Braniborsku a Saksku přesahowace a złožuje so na mnóstwo kolesowacych na dźewjeć stacijach mjez Žitawu a Ahlbeckom na kupje Usedom. Loni mjez junijom a septembrom su so nimokolesowacych na sydom dypkach nastupajo motiwaciju, dołhosć tury a konsumowe zadźerženje woprašowali. Tak chcychu zestawu wužiwanskich skupin zwěsćić. W srjedźišću steješe turistiske kolesowanje, wšědnje tam kolesowacych registrowachu jenož po ličbje.
16.5. – 22.5.2024Budyski filmowy palast:Garfield – Eine Extra Portion Abenteuer: wšědnje 14:40 (nimo štw a srj), 16:00 a 17:00 | nj, pó a wu 12:20 The Fall Guy: wšědnje srj 19:45 Challengers – Rivalen: wšědnje 19:30 (nimo pó a srj) Planet der Affen: New Kingdom: wšědnje 16:30 a 19:30 | pj, so a nj 22:10 Beautiful Wedding: wšědnje 14:10 (nimo štw a srj) a 18:20 | nj, pó a wu 12:00 Arthur der Große: wšědnje 14:10 (nimo štw a srj) a 18:10 | nj, pó a wu 12:00 Sneak Preview: pó 20:00 Chantal im Märchenland: wšědnje 17:00 a 20:00 What Happens Later: wšědnje 16:00 a 20:30 Abigail: pj, so a nj 22.50 Das Geheimnis von la Mancha: wšědnje 14:00 (nimo štw a srj) | nj, pó a wu 12:00 Spy x Family Code: White: pj, so a nj 22:30 Godzilla x Kong: The New Empire: pj, so a nj 22:40 Max und die Wilde 7 – Die Geister-Oma: wšědnje 14:50 (nimo štw a srj) | nj, pó a wu 12:40 Back to Black: pj, so a nj 22:20 IF: Imaginäre Freunde: wšědnje 15:00 (nimo štw a srj), 17:30 a 20:39 | nj, pó a wu 12:30 Bei uns ...
Policija namołwja ludźi k wosebitej kedźbnosći při wuchodźowanjuPraha. W čěskej stolicy su minjeny pjatk 87. swětowe mišterstwo w lodohokeju zahajili. Hač do 26. meje wojuja mustwa ze 16 krajow w Praze a Ostravje wo mišterski titl. Hnydom pjatk wječor hraješe čěske narodne mustwo w kopaty połnym stadionje Prague Arena přećiwo Finam, kotřiž běchu sej lěto do toho pokal zawěsćili. Sobotu, 25. meje, a njedźelu, 26. meje, wotměwaja so w Praze finalne wubědźowanja. Chětro wostrózbjacy bě start za němske mustwo, kotrež Šwedskej kaž tež USA jasnje podleža. Nětko chcedźa z połnej paru dale wojować.
Budyšin (SN). Na wčerawšim posedźenju wothłosowachu čłonojo prezidija 2. naćisk programa Domowiny. Wuběrk za nutřkownu demokratiju a serbsku ciwilnu towaršnosć je so poslednje tydźenje z namjetami zjawnosće za program zaběrał a dotalny naćisk kwalifikował. Tutón so na přichodnym wuradźowanju Zwjazkowemu předsydstwu 7. junija předstaji.Spočatk februara je Domowina zjawnosć namołwjała prašenja zapodać, kotrež móhli jako wólbne kopolaki politiskim stronam sposrědkować. Tute nětko předleža za wotpósłanje. Zastupjerjo stronow maja něhdźe šěsć tydźenjow chwile na nje wotmołwić. Formulowane prašenja su wotnětka na webstronje Domowiny wozjewjene.Prezidij je tež tři próstwam wo delegowanje přihłosował. Tak pojědźe serbska drastowa a rejowanska skupina Barbuk na mjezynarodny festiwal „International Carnival Tivat“ wot 6. do 10. junija w Montenegru, serbska rejowanska skupina Smjerdźaca wot 23. do 25. awgusta na mjezynarodny festiwal Pisek w Čěskej.Chór Lipa změje 8. septembra 2024 koncert w Serb ...
