To a tamne (15.04.16)
Sławny monster Nessie je namakany – znajmjeńša jeho atrapa. Ta bě so při natočenju filma před 47 lětami we hłubinach jězora Loch Ness w Šotiskej podnuriła, a wot toho časa běše zhubjena. Nětko je ju nurjenski roboter norwegskeje firmy namakał, kotryž měješe dno jězora wuměrić. Něhdźe dźewjeć metrow dołhi a štyri metry wysoki nastroj wupada kaž naddimensionalny kołp. Tón měješe 1969 w filmje „Sherlock Holmes“ Nessi zwobraznjeć. Při tym so wón podnuri.
Něhdźe 60 kilogramow kokaina je letiska policija sćazała. Drogi běchu jako małe prasowane kóstki po sto gramach mjez wuhlom ke grilowanju schowane. Posyłka wjacorych stow měchow wuhla pochadźa z Paraguayja. Drogi su šěsć milinow eurow hódne, policija zdźěli.
Łužica (15.04.16)
Ma so na kóštach wobdźěleć
Choćebuz (dpa/ch/SN). Braniborski brunicowy wuběrk sej wot Zwjazka žada, zo so dale połnje na kóštach saněrowanja wuhlowych jamow wobdźěla. Z wčera schwalenej Choćebuskej deklaraciju chce gremij ćišć na Zwjazk wukonjeć, zdźěli předsyda Holger Bartsch. Financowanske dojednanje za hórnistwoweho saněrarja LMBV klětu wuběži. Tuchwilu wjedu so rozmołwy mjez Zwjazkom a krajemi, z kotrymi sumami ma so hórnistwowe saněrowanje přichodne lěta podpěrać. Tukaja na to, zo chce so Zwjazk ze wšelakich wobłukow wróćo sćahnyć, zo by lutował. We Łužicy hrozy strach, zo budu kraje drohe projekty, na přikład saněrowanje bruneje Sprjewje, financować dyrbjeć.
Rozsudźi wo předaću
Nižozemski kralowski por je tuchwilu na dwudnjowym wopyće w ...
Wo ćěkancow so starali
„Syriski wječor“ we Wojerecach móžnosć k zetkawanju skićił
Wojerecy (AK/K). Ćěkancy ze Syriskeje trjebaja wobstajnu podpěru a přewod. „Jim zaleži na tym, zo bywaju respektowani“, rjekny farar ewangelskeje wosady Wojerecy-Nowe město Jörg Michel. „Njepřińdu jako prošerjo. Město toho přinjesu bohatu kulturu, historiju a rěč sobu, tak zo móžemy so tomu jenož dźiwać.“
Słowa to na wčerawšim „Syriskim wječoru“, na kotryž bě wjace hač 50 ludźi přišło, mjez nimi mnohe swójby z domu za požadarjow azyla. Zarjadowanje bě wobstatk iniciatiwy „Wodnjo a w nocy za tolerancu“, organizowaneje mjez druhim wot mjenowaneje wosady, Wojerowskeje regionalneje dźěłarnje za kubłanje, demokratiju a žiwjensku perspektiwu.
Zawodnje rozłoži farar Jörg Michel přitomnym stawizny a dalše wažne kajkosće Syriskeje kaž nabožinu abo krajinu. Tohorunja zrysowa wón situaciju kraja. Ze „Syriskim wječorom“ chcył wón zetkawanja zmóžnić, duchowny zwurazni. Bě to zazběh, slědować maja 25. meje „Čečenski wječor“, 22. junija „Irakski wječor“ a 14. septembra „Afghaniski wječor“.
Premier woleny
Integraciski zakoń
Pilotow kontrolować
Schlecker wobskorženy
To a tamne (14.04.16)
Dokelž chcyše pola swojeje přećelki zaćišć zawostajić, je 22lětny na dwórnišću w badensko-württembergskim Rottenburgu na železniski signal zalězł. Zakazane krosnowanje pak měješe njelube sćěhi: Wón njepřińdźe hižo zaso dele. Wohnjowa wobora jeho z pomocu wjerćiteho rěbla z wjacore metry wysokeho šćežora wuswobodźi, zdźěli policija. Akcija móhła hórše sćěhi měć, wšako dóńdźe jeje dla k zapozdźenju ćahow.
Rezolutna je so 82lětna w Porynsko-Pfalcy napřećo paduchej wopokazała, jako jemu plistu wottykny. Muž bě so zhromadnje z třomi kumpanami staruški za pućom prašał. Při tym hrabny z toboły, kotraž w košiku jeje rolatora ležeše, móšeń. Jako sej wona ju wróćo žadaše, so jej paduch wusmja. Na to žona jeho mjezwoči klesny. Přesłapjeny jej paduch tobołu wróći a so z tamnymi zminy.
Łužica (14.04.16)
Görke: Dawkowa akrobatika
Choćebuz/Podstupim (dpa/ch/SN). Braniborski minister za financy Christian Görke (Lěwica) je wčera na žadanja šwedskeho koncerna Vattenfall reagował, zo měli komuny we Łužicy dawki wróćo płaćić. Po rozprawje dźenika Lausitzer Rundschau chcedźa Šwedojo wot města Choćebuza za lěto 2014 8,4 miliony eurow a za lěto 2015 4,5 milionow eurow wróćo měć. Koncern wopodstatni swoje žadanja ze spadowacymi płaćiznami miliny. Z tym běchu hódnotowe korektury za brunicowe wobchodnistwo trěbne. Görke rěčeše w swojej zdźělence wo „dawkowej akrobatice“ Vattenfalla. Koncern „liči so chudy“ a prezentuje komunam a krajej „zličbowanki za Němsku za wustupjenje z atoma“.
Žana bomba na awtodróze
