Proces zahajeny
Chcedźa Schengenski rum rozšěrić
Brüssel (dpa/SN). Woblubowany dowolowy kraj Chorwatska móhł dźensa doskónčnje zelenu swěcu za přistup k Schengenskemu rumej dóstać. Wo tym rozsudźa nutřkowni ministrojo krajow na zeńdźenju w Brüsselu. Zwjazkej přisłušeja tuchwilu 26 europskich krajow. Mjenje wuhladow maja porno Chorwatskej krajej Bołharska a Rumunska. Přistup tuteju móhł zwrěšćić, dokelž so Nižozemska a Awstriska spjećujetej. Němsku zastupuje dźensa zwjazkowa nutřkowna ministerka Nancy Faeser (SPD).
Komisija EU bě naposledk na to tłóčiła, Chorwatsku kaž tež Bołharsku a Rumunsku do Schengenskeho ruma přiwzać. Mjenowane tři kraje su hižo zdźěla na Schengenske prawidła wjazani, tola kontrole nutřkokrajnych hranicow su dale přewjedli. Na hranicy z a do Chorwatskeje so kóžde lěćo znowa dołhe rynki jězdźidłow wutworja a drohi zatykaja. Nětko móhli kontrole při hranicach kraja hižo spočatk lěta 2023 wotstronić, při lětanišćach klětu w měrcu. Chorwatska zawjedźe klětu tohorunja euro jako srědk za płaćenje.
Přemało postupow w inkluziji
Dale přewjele dźěći a młodostnych na spěchowanskich šulach
Berlin (dpa/SN). Němski institut za čłowjeske prawa (DIMR) je němske knježerstwo namołwjał, UN-rezoluciju za prawa zbrašenych na němskich šulach lěpje zwoprawdźić. Zwjazkowe knježerstwo njemóže so na kubłanski federalizm spušćeć, ale dyrbi so sobu wo to starać, zo zniži so ličba zbrašenych dźěći a młodostnych na spěchowanskich šulach.
DIMR so z etata zwjazkoweho sejma financuje. Jeho aktualna 7. lětna rozprawa, kotruž předstajichu zamołwići wčera w Berlinje, dobu wot julija 2021 do junija 2022 wopřija. W tutej rěka: „Po nimale 14 lětach winowatosće, inkluziju do kubłanskeho systema zawjesć, njewidźimy we wjetšinje zwjazkowych krajow signifikantne postupy nastupajo rozdźělenje financow a kompetencow.“ Kritika z tu- a wukraja pak je wulka. Bjez wjetšeho angažementa knježerstwa njebudźe postupa. W reprezentatiwnym naprašowanju w nowembrje štwórćina šulskich nawodnicow a nawodow wo ćežach inkluzije a integracije ćěkańcow rozprawješe.
Merkel zastatki přiznała
Berlin/Hamburg (dpa/SN). Bywša zwjazkowa kanclerka Angela Merkel (CDU) je zastatki hladajo na politiku napřećo Ruskej přiznała. „Na agresiwitu Ruskeje dyrbjachmy spěšnišo reagować“, zwurazni wona w dźensnišim wudaću tydźenika Die Zeit. Merkel zhladuje při tym předewšěm na ruske wobsadźenje ukrainskeje połkupy Krim lěta 2014. Tehdy běchu so staty NATO na to dorozumili, dwaj procentaj swojeho nutřkokrajneho bruttoprodukta za zakitowanje wudać. „Němska njeje zaměr najebać zwyšenje docpěła“, bywša kanclerka wobžaruje. „A ja njejsym wšědnje k tomu namołwjała.“
Přizwolenje twara němsko-ruskeje pipeliny za zemski płun NordStream 2 pak nima tehdyša kanclerka za zmylk. Zakaz projekta by „klimu z Ruskej strašnje pohubjeńšił“, Merkel wujasni. Nimo toho njeje wotwisnosć wot ruskeho płuna jenički rezultat zhromadneho projekta pipeline. Dokelž bu mjenje płuna z Norwegskeje, Wulkeje Britaniskeje a Nižozemskeje dodawane, dyrbješe so Němska za hinašimi móžnosćemi rozhladować. Tak sta so Ruska z najwažnišim dodawaćelom zemskeho płuna.
Serbske Nowiny wudawaja so w Domowina-Verlag GmbH Ludowym nakładnistwje Domowina
Jednaćel: Syman Pětr Cyž
Ludowe nakładnistwo Domowina tzwr spěchuje Załožba za serbski lud, kotraž dóstawa lětne přiražki z dawkowych srědkow na zakładźe hospodarskich planow, wobzamknjenych wot Němskeho zwjazkoweho sejma, Krajneho sejma Braniborskeje a Sakskeho krajneho sejma.
Šefredaktor a zamołwity redaktor w zmysle
nowinarskeho zakonja: Marcel Brauman 577 232/233 Naměstnik šefredaktora: Axel Arlt 577 238
tel.: 03591 / 577 232 faks: 03591 / 577 202 e-mail: www.serbske-nowiny.de
Adresa redakcije a nakładnistwa: Sukelnska 27, 02625 Budyšin
Adresse der Redaktion und des Verlages: Tuchmacherstraße 27, 02625 Bautzen
Zamołwita za rozšěrjenje: Manja Bujnowska 577 262
Předań nawěškow: Janka Rögnerowa 577 220 e-mail:
Ćišć: DVH Weiss-Druck GmbH & Co. KG, Lejnjanska 14, 02979 Halštrowska Hola, wjesny dźěl Hory
Vertriebskennzeichen: 2 B 2560 B
To a tamne (08.12.22)
Za „digitalnu móšnju“
Brüssel (dpa/SN). Wobydlerjo a předewzaća měli so přichodnje po cyłej EU digitalnje wupokazać móc. Staty EU su so wčera w Brüsselu na prawidła za digitalnu móžnosć dopokaza identity – na handyju – dorozumili. Ludźo móhli ju na zarjadach, w zwisku z próstwu wo kredit abo za přizjewjenje za digitalne słužby wužiwać. Tajka „digitalna móšnja“ je za wobydlerjow njeparujomna, měni čěski minister za digitalizaciju Ivan Bartoš.
Z biskopami so zetkał
Drježdźany (dpa/SN). Nabožne žiwjenje po słowach sakskeho ministerskeho prezidenta Michaela Kretschmera (CDU) k zwjazanosći w towaršnosći w Sakskej přinošuje. Wone ma „wulku hódnotu“, zwurazni wón po zeńdźenju z katolskimi a ewangelskimi biskopami w Sakskej wčera w Drježdźanach. Ze stron cyrkwje móža ludźo wuknyć, kak funguje zhromadne žiwjenje w towaršnosći, w kotrejž bywaja temy a zajimy dale a wšelakoriše.
Kritisku infrastrukturu škitać
Winowatosć wotstronitej
Berlin (dpa/SN). Prěnjej zwjazkowej krajej chcetej winowatosć wužiwanja nahubnika w zjawnym bliskowobchadźe wotstronić. Bayerski a saksko-anhaltski kabinet stej swój rozsud wčera z tym wopodstatniłoj, zo je ličba infekcijow stabilna. Zwjazkowy strowotniski minister Karl Lauterbach (SPD) postupowanje kritizuje.
Na swojej konferency njejsu so strowotniscy ministrojo krajow na zhromadnu liniju dojednać móhli. Kaž z Bayerskeje a Saksko-Anhaltskeje rěka, njeje winowatosć w zwisku z koronawirusom hižo poměrna, wšako je druhich infekcijow, kotrychž dla so ludźo w chorowni lěkuja. Schleswigsko-Holsteinska chce přichodny tydźeń wo dalšim wužiwanju nahubnika w zjawnym bliskowobchadźe rozsudźić.
Zasadźenje policije witaja
Wjace miliny na zakładźe brunicy
Wiesbaden (dpa/SN). Němska sadźa nastupajo produkciju miliny dale předewšěm na wuhlo. W třećim kwartalu lěta je wjace hač třećina (36,3 procenty) cyłeho w Němskeje produkowaneho mnóstwa miliny něhdźe 118,1 miliardy kilowattowych hodźin na zakładźe fosilneho paliwa nastało, zdźěli dźensa Zwjazkowy statistiski zarjad ze sydłom we Wiesbadenje. Přirunujo to z lońšimi ličbami je to 13,3 procenty wjace. Najebać wysoke płaćizny je so nimo toho tež wjace zemskeho płuna za produkciju miliny wužiwało. Tule zwyši so podźěl wot 4,5 na 9,2 procentaj.
Wobnowjomne energije, kotrež so z wětrnikami, solarnymi a biopłunowymi připrawami produkuja, su po informacijach statistikarjow w třećim kwartalu 44,4 procenty domjacej produkciji miliny přinošowali. Lěto do toho bě podźěl ze 43 procentami hišće trochu mjeńši. Njewšědnje wjele słónčnych hodźin je so tež na produkciju miliny solarnych připrawow wuskutkowało. Tam statistikarjo jasne zwyšenje registrowachu.
