Zajimawy dar Njeswačanskemu towarstwu
Wosebity dar dósta towarstwo „Přećeljo kultury a domizny Njeswačidło“ na wotewrjenju noweje wustajeńcy wobrazow „To je moje žiwjenje – mój swět“ seniorow města a wokrjesa Budyšina 31. měrca na Njeswačanskim hrodźe. To bě rysowanka Paule Lauenstein (1898–1980), wuměłče, kotraž je wjele lět we Wětrowje skutkowała a bydliła.
Dotal njeznata rysowanka ma titul „Serbska burowka“ (20 cm x 31 cm) a ma signaturu wuměłče z lěta 1917. Wudata staruška na rysowance w swjedźenskej drasće katolskich Serbowkow wjesele, lóštnje a šibale na wuměłču hlada a nětko – dobrych sto lět pozdźišo – na nas. Wulki čěpc a sylny muster fale přeradźatej nastaće rysowanki spočatk 20 lět. A zo staruška „za wotmolowanje“ hišće cyle zdrasćena njeje – měła sej hišće bant přitykać – ju njemyli. Dawno hižo wě, zo póńdźe na swójbny swjedźeń. Na čo dokładnje so wona hotuje, njezhonimy, ale wjeselo jej popřejemy.
Wobraz je Paula Lauenstein 19lětna w prěnim studijnym lěće na Drježdźanskej šuli wuměłskeho přemysła rysowała, a wuslědk předstaja nam hižo dosć wuzrawjenu kajkosć wuměłče.
Wulkotny kónc tydźenja a mnohe krasne hodźiny ze serbskej a kulturu ze wšeho swěta leža za nami. Zawěsće zhladuje tón abo tamny na rjane dožiwjenja, kotrež je we wobłuku folklorneho festiwala w Budyšinje, Hochozy a Chrósćicach měł.
Mnohim wšak njeběchu tele štyri dny jenož hejsowanje, ale zdobom wotkryće kulturow druhich ludow a předewšěm štyri dny, na kotrychž su Serbja dopokazali, zo su swětej wotewrjeni a zo so z ludami swěta dorozumja, a to tež rěčnje. Program je so w běhu lět derje wuwił a nimale wot wšeho něšto wobsahuje. Tak maja nimo młodźiny ze swojim wječornym programom „Chróšćan specialita“ tež domoródne kulturne cyłki dobre móžnosće, so hosćom kaž tež sobuskutkowacym wukrajnych skupin předstajić.
Jedna z nowinkow lětušeho folklorneho festiwala „Łužica“ bě wólny program młodych serbskich hudźbnikow. Sobotu wot popołdnja hač do nocy mějachu woni na małym jewišću před Chróšćanskim gmejnskim zarjadom móžnosć, wopytowarjow na centralnym dypku festiwalneje ležownosće wo swojich kmanosćach přeswědčić. Jedna ze sydom młodźinskich skupin, kotraž poskitk wužiwaše, bě Duwo Milena a Janek, kotrež bě so hakle před lětomaj wutworiło.
Chróšćance Martina Nowakowa a jeje dźowka Luisa stej na festiwalu přewodźałoj rusku folklornu skupinu Zabawa. Milenka Rječcyna je so z nimaj rozmołwjała.
Kak stej so z čłonami skupiny dorozumiłoj?
M. Nowakowa: Zwjetša rusce. Hdyž to móžno njebě, jendźelsce.
Skupina Zabawa skutkuje jara čiła. Sće to tež nazhoniła?
M. Nowakowa: Haj, prěnjej dnjej su wone wobstajnje spěwali, tež w busu, byrnjež mučni byli. Třeći dźeń bě trochu měrniši. Na jewišću pak bě to nimo, a publikum móžeše jich zapal začuwać.
Što so Wam na ruskich ludźoch wosebje lubi?
Fota: Feliks Haza (5), Michaela Hrjehorjowa (2)Drježdźany
Brětnja
Chrósćicy
Filomena Brězanec: Kóždy pjatk probujemy z Łužičanku w Chrósćicach. Do wustupa běch jara napjata, ale wšitko je so derje radźiło. Tež tamne skupiny Łužičanki su so mi na programje lubili. Foto: Matej Dźisławk
Amadeja Wjacsławkec:
We wobłuku cyłodnjowskeho poskitka Ralbičanskeje zakładneje šule chodźu na rejwanje z Łužičanku. Wustupy mějachmy hižo wjacore a tohodla njeběch jara napjata. Mi su so dźensa wšitke skupiny lubili.
Evelyn Herrmannec:
Sym zhromadnje ze šulerkami w chórje Chróšćanskeje zakładneje šule sobu spěwała. Jónu wob tydźeń smy za premjeru zwučowali, štož je mi wulke wjeselo wobradźiło.
Budyski wyši měšćanosta Alexander Ahrens (SPD) na zahajenskim zarjadowanju folklorneho festiwala nańdźe hódnoćace słowa za wuznam wulkeho kulturneho podawka. Wón bě přeswědčeny, zo mamy „w Budyšinje w najzapadnišim słowjanskim sydlenskim rumje Europy wosebity zwisk k wuchodnej Europje“ a zo „leži kluč wuspěšneje zhromadnosće Europy na wuchodźe kontinenta. Do zahajenja galaprogama wón hosćom zdźěli, zo „wobžaruju, zo njemóžu sej program wobhladać, dokelž je mi mandźelska telefonisce zdźěliła, zo dyrbju dźěći wotewzać“.
Njedźelu po dostojnych kemšach pod Fulkec hórku wobdźělnikaj organizatoram zastróžanaj zdźělištaj, zo buštej jeju kolesy pokradnjenej. Dźiwne, zo je so to stało za čas Božeje mšě. Wotstajiłoj běštaj jej při betonowym guliju. Starosć bě njetrjebawša, dokelž steještej njewobškodźenej za zdalenišim gulijom.
Mócnje swjećili su minjeny kónc tydźenja w Chróšćanskej „Jednoće“. Lětuši abi-lětnik bě na wulku party přeprosył. Najprjedy pak nawoda Serbskeho gymnazija Budyšin René Wjacławk wšitkich počesći a mjez druhim wuzběhny, zo bě wotchadny lětnik 2019 najlěpši minjenych dźesać lět. Dr. Cordula Ratajczakowa, dr. Fabian Kaulfürst a někotři wučerjo so słowa jimachu, dźakujo so maturantam za wukony. Wězo su jim tež tón abo tamny žiwjenski tip sobu na puć dali.
Slědowachu rjane programowe dypki, kaž přinošk 1. serbskeje kulturneje brigady, medley šulerjow atd., prjedy hač je so abi-party tak prawje započała teksta a fota: Matej Dźisławk