Wojerecy (SN/JaW). Měšćanski muzej we Wojerecach planuje za lěćo fotowu wustajeńcu w kotrejež srjedźišću steji wosebita skulptura tamnišeho zwěrjenca. Zo móhli wustajeńcu zestajeć, trjebaja pomoc wopytowarjow zwěrjenca.

Kaž muzej w nowinskej zdźělence piše jedna so při skulpturje wo „Skupinu kozow“ z mosaza w coowje. Zhotowiła je ju wuměłča Dorothea von Philipsborn. Wot 1960tych lět steji twórba we Wojerowskim zwěrjencu. „Štó je hižo na chribjeće našich bronzowych kozow sedźał?“, praša so nawodnica Wojerowskeho měšćanskeho muzeja Kerstin Noack. Wšako słuša skulptura k najwoblubowanišim fotowym motiwam w zwěrjencu. „Tuž chcemy ju z wosebitej wustajeńcu hódnoćić. Pósćelće nam tuž swoje fota, kak jako dźěćo abo nětko snano samo waše dźěći abo wowka, dźěd, prěni lětnik abo tež waši přećeljo na tychle kozach sedźa“, Noack namołwja. Zapodać móžeće fota hač do 10. junija pak z e-mejlku na , abo zaskenujće je wosobinsce w muzeju, a to wot póndźele do pjatka w času wot 9 do 10 hodź.

1 nic dialog,

2 nic Delany,

3 zegery,

4 płaćeny pjenjez za přinoški

w medijach,

5 karta při hrach kaž škot,

6 muske sorny

Na titulnym wobrazu aktualneho Rozhlada wuhladamy wolijowy wobraz „Serbowka a Cygan“ Hany Wićazoweje, kotryž so z čerstwymi barbami wuběrnje za mejske wudaće hodźi.