Wšelako zhladujemy na wójny w běhu stawiznow. Jara wosobinsce čini to serbskemu čitarstwu wosebje přez knižne ilu­stra­cije znaty wuměłc Uwe Häntsch z po­mocu kolaže „Rjek“ ze serije „Menschen und Quadrupeden“ na titulu aktualneho wudaća Rozhlada. W njej rozestaja so ze swo­jim pradźědom, kotrehož mjeno je na wojerskim pomniku w Kulowje zwěčnjene. Srědk kolektiwneho wopomnjenja je Sedanski pomnik w Slepom. Z jeničkim serbskim wopomnišćom bitwy pola Se­dana před 150 lětami zaběra so Trudla Malinkowa a wopisuje nazornje, kak su ludźo ze Sedanskimi swjedźenjemi w kejžorskim času na dobyće bitwy spominali.

Wodorunje: 3 tekstilny produkt, 5 hłowna hwězda we hwězdnym wobrazu worjoł, 6 přećiwo, 7 kmanosć zwuki přijimać, 10 podwólny słužownik, 13 španiska rěka, 14 Opfer zeserbšćene, 15 město jendźelsce

Padorunje: 1 planet, 2 stolica Azerbajdźana, 3 stolica Čěskeje, 4 satelit, 8 rěka přez Drježdźany, 9 wón wustupuje k zawjeselenju w cirkusu, 11 kraj w morju, 12 chětro

Jeli pytane słowa 1–5 prawje zapisaće a w rjadomaj nalěwo a naprawo dalše pismiki přidaće, wučitaće jónu wolene zastupnistwo a jónu sportowe zarjadowanje narodnych mjeńšin.

1 do nich sej njesměš zalězć, 2 škričkowa lokalizacija, 3 starogrjekski awtor fabulow, 4 poschod, 5 lěs w Sibirskej