Wotpowědujo wustajeńcy „Am Rand der Gesellschaft. Barlach – ...
pjatk, 20. decembera 2019
spisane wot: Měrćin Weclich
Wotpowědujo wustajeńcy „Am Rand der Gesellschaft. Barlach – Springer – Arimoto“ móža sej zajimcy w Muzeju Budyšin klankodźiwadłowu hru „Kašpork pod mostom abo dźiw porjadniskeho zarjada“ wot a z Ulrichom Schollmeyerom 11. januara wobhladać abo sej wuměłca za wosebite předstajenje pod skazać. Foto: SN/Hanka Šěnec
Přidatnje wotewrjena
wutora, 17. decembera 2019
spisane wot: Serbske Nowiny
Budyšin. Za wšitkich, kotřiž nimaja hišće prawy dar za swojich lubych k hodam, je tónle pokiw. Budyska Smolerjec kniharnja změje hač do kónca lěta přidatnje wotewrjene. Tak móžeće so tam sobotu, 21. decembra, wot 10 do 17 hodź., patoržicu wot 10 do 12 hodź. a silwester wot 10 do 13 hodź. za tej abo tamnej drohoćinku rozhladować. Wot 2. do 6. januara wostanje kniharnja inwentury dla zawrjena, wot 7. januara budźe zaso přistupna.
Tež tónle kónc tydźenja je po wšej Łužicy znowa dosć ...
pjatk, 13. decembera 2019
spisane wot: Janek Wowčer
Tež tónle kónc tydźenja je po wšej Łužicy znowa dosć móžnosćow, po adwentnych wikach so rozhladować a so dohodowneje atmosfery nasrěbać, kaž na přikład na Wojerowskich Teschenskich wikach. Wotměli su minjenu njedźelu tajke hižo w Muzeju pod hołym njebjom na Lědach, hdźež rjemjeslnicy swoju wušiknosć pokazowachu. Mjez nimi bě tež Martina Riedel z Lubnjowa. Wona zajimcam demonstrowaše, kak škleńčane hodowne kule runja jutrownym jejkam wóskuje. Foto: Andrea Wolff
Płastowka (13.12.19)
pjatk, 13. decembera 2019
spisane wot: Mikławš Krawc
1 swěći so na hodownym štomje, 2 nic ranje, 3 nic chory, 4 jara rjana, 5 k hudźbje so pohibowacy, 6 serbski awtor (1934–1999), 7 pusćina w Africe, 8 grat za zahrodu, 9 prosy ludźi na kwas
Kniharnja wotewrjena
pjatk, 13. decembera 2019
spisane wot: Serbske Nowiny
Budyšin. Sobotu, 14. decembra, je Smolerjec kniharnja wot 10 do 17 hodź. za wšěch zajimowanych kupcow wotewrjena. Komuž hišće hodowny dar pobrachuje, njech přińdźe do kniharnje a sej z bohateho poskitka něšto wupyta.
We wobłuku jutře w Jelenjej Górje z dwěmaj koncertomaj ...
pjatk, 06. decembera 2019
spisane wot: Serbske Nowiny
We wobłuku jutře w Jelenjej Górje z dwěmaj koncertomaj zakónčaceho so projekta „Swingin’ Santa“ je minjeny kónc tydźenja wjace hač 40 dźěći a młodostnych z Budyšina a pólskeho partnerskeho města jendźelske, němske kaž tež pólske hodowne spěwy w šaće swinga w Kamjentnym domje předstajiło. Mjezynarodnje wuspěšnaj wuměłcaj Pascal von Wroblewsky a Sketch Walton staj jich solistisce podpěrałoj. Pjatk přepodachu beneficne koncerty wuhotowace Budyske serwisowe kluby loni nazběranych 2 000 eurow Budyskej Lipowej šuli. Pjenjezy chcedźa za strowu jědź nałožić. Foto: SN/Maćij Bulank
Płastowka (06.12.19)
pjatk, 06. decembera 2019
spisane wot: Mikławš Krawc
1 dohodowny čas, 2 klima, 3 nic w nocy, 4 přewšo znate, zasłužbne, 5 muske lěsne zwěrjo, 6 ćišćany wudźěłk, 7 naša domizna, 8 nic słódku, 9 južny płód
Koncert w šuli
štwórtk, 05. decembera 2019
spisane wot: Serbske Nowiny
Ralbicy (SN). Tež lětsa wuhotuja holcy a hólcy Ralbičanskeje zakładneje šule adwentny koncert. Kaž Serbske Nowiny zhonichu, chcedźa tam nimo pěsnjow tež hrajnu scenu předstajić. Wšitcy zajimcy su tuž jutře, 6. hodownika, wot 17 hodź. do sportoweje hale šule přeprošeni.
Njedźelu drje je hakle 1. adwent, Marian Bulank, Jörg Jansing, ...
pjatk, 29. nowembera 2019
spisane wot: Janek Wowčer
Njedźelu drje je hakle 1. adwent, Marian Bulank, Jörg Jansing, Andreas Pabst, Kornel Kolembus, (prědku wotlěwa), Ignac Wjesela, Helena Bětnarjec, Anna-Maria Bretschneiderec, Alena Farkašowa a Wito Bejmak (zady wotlěwa) pak mysla hižo na ptači kwas. Tón tydźeń su w Mješicach sceniski wotběh klětušeho ptačokwasneho programa Serbskeho ludoweho ansambla skonkretizowali. Foto: SN/Maćij Bulank
Čitajće w nowym rozhledźe (29.11.19)
pjatk, 29. nowembera 2019
spisane wot: Serbske Nowiny
Přichodny tydźeń wuńdźe decemberske wudaće Rozhlada. Jenny Hagemannowa, absolwentka Delnjoserbskeho gymnazija Choćebuz, zaběra so w swojim nastawku ze serbstwom jako kulturnym herbstwom a jeho rólu w sebjezrozumjenju Łužicy. W tym zwisku čitaće tež jeje rozmyslowanja wo róli wědomostnicy při slědźenju w domiznje.
Politolog Jakub Sokół je sej protokole pólskeho Sejma dokładnje wobhladał a wědźeć chcył, hdy a na kotre wašnje su serbske prašenje w parlamenće susodneho kraja wobjednawali. Tak chcychu někotři zapósłancy samo docpěć, zo pólski stat Serbow kaž swójsku mjeńšinu we wukraju wobhladuje a wotpowědnje podpěruje.
Mjenje abo bóle připadnje je Měrko Šołta na lěta 1766 ćišćany spis z pjera Malešanskeho fararja Pětra Ponicha storčił, w kotrymž chowaja so najstarše dotal znate noty serbskeje ludoweje hudźby. Wo čo so dokładnje jedna, to zhoniće w najnowšim Rozhledźe.
