Z wudaća: septembera 2018

Jan Nuk z Radworja piše wo zhubjenej wsy Hronowje:

Njedawno prašach so „pra“wobydlerja Radworja, hač znaje wjes Hronow, na čož pak njemóžeše mi wotmołwić. To mje ­jara zadźiwa, přetož blisko Kamjeneje a Radworskeho haja dopominaja nas štyri pomniki na tutu zhubjenu wjes.

Hakle njedawno wopominachmy stote posmjertniny Jurja Wingera. Wón je Hronowej pomnik stajił, spisawši historiske powědančko wo zničenju wsy, ležaceje něhdy při puću z Kamjeneje do Wulkeje Dubrawy. Jednanje powědančka je zapołožene do časa Třicećilětneje wójny w 17. lětstotku. We woprawdźitosći zhubi so wjeska w abo hižo do 15. lětstotka.

Pola Rjedźic na Horje zetka so wčera popołdnju horstka wjesnych žonow a holcow, zo bychu zhromadnje nazymsku pychu pletli. Tak tworjachu z kwětkow kaž tež z pšeńcy, wowsa a dalšich družin žita wěncy a kwěćele, kotrež nětko domjacnosće na Horje a druhdźe pyša. Hižo wjacore lěta Lejna Rjedźina (naprawo) na tajke popołdnjo přeproša. W zašłosći nastachu na te wašnje tež hižo žnjowe króny za Chróšćansku abo ­Smječkečansku cyrkej. Foto: Feliks Haza

W Budyskej Sprjewinej kupjeli zličichu w lětušej kupanskej sezonje hač do kónca awgusta 34 000 wopytowarjow. Telko hosći mějachu tam posledni króć před dwanaće lětami.

Kulow/Porchow (SN/mwe). Hinak hač w Budyšinje, hdźež maja kupjel tež hišće w septembrje wočinjenu, su kupansku sezonu w Kulowskej lěsnej kupjeli 31. awgusta zakónčili. „Wězo bě to tež za Kulow lěćo, kotrež móžeš z tamnymi lětami lědma přirunować. Njemějachmy cyły čas žadyn dźeń zawrjene“, wěcywobdźěłarka za kulturu, sport a młodźinu na Kulowskim měšćanskim zarjadnistwje Beate Hufnagel Serbskim Nowinam zdźěli.

Dyrbitaj pokutu płaćić

Horni Wujězd. W padźe zatykaneje awtodróhi njesměš prosće nabóčne pasmo wužiwać, zo by spěšnišo doprědka přišoł. Tole wěstaj nětko šoferaj, kotrejuž je policija zawčerawšim pola Hornjeho Wujězda na A 4 při tym lepiła. Wonaj dyrbitaj nětko wobaj pokutu 90 eurow płaćić a dóstanjetaj dypk w Flensburgu.

Budyšin. Kotry wuznam měješe Budyski měr z lěta 1018 za Europu? To praša so dr. Matthias Hardt w swojim přednošku zajutřišim, pjatk, w 19 hodź. w Muzeju Budyšin. Při tym wobswětli wón tež čas do a po měrowym zrěčenju a chce při­posłucharjam sposrědkować, kak su zapřijeće měr w srjedźowěku wukładowali. Z přednoškom w Budyšinje dźeń wote­wrjeneho pomnika za­haja. Michael Sapp a Anna Katharina Schumann zarjadowanje hudźbnje wobrubitaj. Zastup je darmotny.

Dźěłarnička w muzeju

Budyšin. „Bohowki do kapsy“ rěka hesło dźěłarnički sobotu, 8. septembra, wot 10 do 17 hodź. w Budyskim Serbskim mu­zeju. Tam móža wobdźělnicy wot 14 lět z tróšku wušiknosću mału škitnu postawu do kapsy zhotowić. Dźěłarnička wotměje so we wobłuku tuchwilneje wu­stajeńcy Reginy Herrmann. Je to dobra móžnosć, wuměłču zeznać a sej mały dar zhotowić. Regina Herrmann poskića někotre figury tež na předań. Přizjewjenja su hišće móžne. Přidatne wudawki nimo zastupa wučinjeja pjeć eurow.

Direktnu wuměnu wobydlerjow chce město Budyšin pjenježnje podpěrać

Budyšin (CK/SN). Zo by zhromadne dźěło z partnerskimi městami spěchowało, přewostaji město Budyšin wot klětušeho za to lětnje 15 000 eurow. To su měšćanscy radźićeljo na swojim zańdźenym posedźenju jednohłósnje schwalili. „Měšćanske partnerstwa su wažny přinošk, zo móhł so Budyšin ze swojim mnohostronskim charakterom prezentować“, rěka we wobkrućenju. Nimo toho zmóžnja mjezynarodna wuměna nowe perspektiwy za turizm, hospodarstwo, kulturu a kubłanje.

Budyšin ma pjeć partnerskich městow: Su to Worms (wot lěta 1990), Heidelberg (1991), Dreux w Francoskej (1992), Jelenia Góra w Pólskej a Jablonec nad Nisou w Čěskej (wobě wot 1993). We wobłuku lětušeho Budyskeho nalěća pomjenowachu ležownosć pod Starej wodarnju na Naměsto partnerskich městow. Wo nich informuja tam na muri z tekstom a wobrazami.

6.9.–12.9.2018 Budyski filmowy palast: Pettersson und Findus: nj 14:30 Meg w 3 D: wšědnje 19:30 (nimo srj) | srj 17:30 | pj a so 22:30 Book Club: srj 19:45 Predator w 3 D: srj 20:15 Gundermann: wšědnje 17:00 (nimo pó) a 19:45 (nimo pó) | pó 17:15 a 20:00 Das schönste Mädchen der Welt: wšědnje 14:45 (nimo nj), 17:00 a 20:00 | nj 15:00 Christopher Robin: wšědnje 15:00 (nimo srj) a 17:30 (nimo srj) Hotel Transsilvanien: wšědnje 14:45 (nimo pó a srj) Hotel Transsilvanien w 3 D: nj 12:15 Die Farbe des Horizonts: nj 12:45 Mamma Mia: wšědnje 15:00 (nimo nj a srj) a 19:45 (nimo pó a srj) The Equalizer: pj a so 22:30 Skyscraper: so 22:15 The First Purge: pj 22:15 Safari: wšědnje 17:15 (nimo nj a pó) Jurassic World: nj 12:30 Meine teuflisch gute Freundin: nj 12:30 Mission Impossible – Fallout w 3 D: so 22:00 Ant-Man and the Wasp w 3 D: pj 22:00

Kino-ekstra: Die Anfängerin: nj 17:15 | pó 14:30, 17:15 a 20:15

Wojerowski CineMotion:

... štó drje najrjeńša w kraju je? To prašachu so zawěsće tež dźěći, kotrež su so na wjesnym swjedźenju w Bórku minjeny kónc tydźenja šminkować dali. To bě jedna z mnohich móžnosćow zabawy, organizowaneje wot wjesneho kluba. Dokelž we wsy ani předawanišćo ani hosćenc nimaja, běchu Bórkowčenjo za zabawny kónc ­tydźenja z rejemi, wulkej tombolu, zhromadnym kofejom a wjele dalšim wosebje dźakowni, byrnjež sobotu runje najrjeńše wjedro njeměli. Foto: Jost Schmidtchen

Festiwal twjerdeje hudźby Nukstock mjeztym kaž institucija

„Što je abo što wučinja Nukstock?“ Pra­šeš­-li so za tym wuhotowarjow abo hosći festiwala, dóstawaš wězo najwšelakoriše wotmołwy. Najčasćišo pak jewja so słowa kaž atmosfera, chaos, swójba a dobra hudźba. Lěta 1997 bě festiwal twjerdeje hudźby „barraka“ – mjeztym towarstwo – prěni króć wuhotowała. Tehdy wotmě so wón hišće we wobłuku Nukničan­skeho wjesneho swjedźenja. Prěnje lěta běchu po rozprawje iniciatorow nastupajo organizaciju a wotběh chětro chaotiske. Ale po lětach wuwi so wěsta rutina, tak zo wukristalizowaštej so počasu na přikład dźensniši natwar a pozicija stanow, jewišća, zachoda atd. Tež z jednotliwymi stacijemi zwisowacy personal je so hač na małe při- a wotchady skrućił.

Kopańca

regionalna liga žonow

Aue – Union Berlin0:5 (0:2)

Biskopicy – Magdeburg  1:2 (1:1)

Viktoria Berlin – Lipsk 2:1 (1:0)

Marzahn – Hohen Neuendorf 0:5 (0:4)

Steglitz – Jena II0:2 (0:2)

Lipsk-juh – Fortuna Drježdźany 4:1 (2:1)

wokrjesna klasa, stafla 2

Großharthau – Hodźij II 6:0 (4:0)

Biskopicy III – Wjazońca 0:0 (0:0)

Porchow II – Pančicy II 2:6 (2:0)

Drjewnica – Frankenthal II 6:1 (4:1)

1. SG Steinigtwolmsdorf 3 14 : 2 9

2. SV Großharthau 4 17 : 6 8

3. ST Drjewnica 4 17 : 9 7

4. Mały Wosyk/Pančicy II 4 12 : 8 7

5. TSV Wjazońca 2 4 : 2 4

6. HZ Biskopicy III 3 6 : 5 4

7. ST Porchow II 2 2 : 11 0

8. ST Hodźij II 3 2 : 14 0

9. SG Frankenthal II 3 2 : 19 0

wokrjesna klasa, stafla 3

Lubuš II – Němske Pazlicy II 1:4 (1:0)

Bluń – Hory II 4:0 (2:0)

Wóslink/Skaskow – Kulow II 3:1 (0:1)

1. LSV Bluń 4 20 : 4 12

2. SZ Wóslink/Skaskow 3 12 : 6 9

3. LSV Hory II 4 8 : 8 7

4. Natw. Němske Pazlicy II 4 15 : 9 6

5. Módro-běli Njeswačidło 2 4 : 3 4

6. Módro-běli Kulow II 4 6 : 9 3

7. HZ Łaz/Běły Chołmc II 3 7 : 12 3

8. ST Lubuš II 4 6 : 12 2

9. Zeleno-běli Sepicy 1 3 : 6 0

10. HZ Wětn./Hola/Łuty II 3 3 : 15 0

wokrjesna klasa, stafla 4

Hermsdorf – Arnsdorf II  6:1 (3:0)

Połčnicy II – Njebjelčicy II 2:0 (2:0)

Wachau II – Hlinowc 4:4 (1:2)

Liegau-Augustusbad – Kinspork2:2 (0:0)