Z wudaća: štwórtk, 15 nowembera 2018

Lětuši fachowy dźeń 2plus steješe pod hes­łom „Diskursy pozbudźowaca wuč­ba­ – empatiska a za žiwjenje wuznam­na“. Milenka Rječcyna je ze zamołwitym regionalneje wotnož­ki Sakskeho krajneho zarjada za šule a kubłanje za serb­ske šulstwo Bosćijom Handrikom a nawodnicu Rěčneho centruma WITAJ dr. Beatu Brězanowej rěčała.

Je lětuši fachowy dźeń na dotalnej, w zašłymaj lětomaj wotměwacej so, zarjadowani nawjazał?

B. Handrik: Haj, nitka fachowych dnjow 2plus hodźała so takle zjeć: diferencowanje, systematisce a z přichil­nosću wuwučować. Wučerjo posrědkuja w rozdźělnych předmjetach wšědnje wobsahi po rozdźělnych metodach a podadźa so ze šulerjemi do procesa zaměrneho wuknjenja.

A što mamy sej pod empatiskej wučbu předstajić?

B. Handrik: W idealnym padźe so šuler narěčany čuje wot temy, kotruž runje wobjednawaja, a wón sebi samemu dowěri, zo zapřimnje, kak ma sej wotpowědnu wědu přiswojić.

Kak móže wučer k tomu přinošować?

Koparska tabulka krajneje klasy

1. FC Neugersdorf II 10 21 : 12 22

2. LSV Nowe Město 10 28 : 10 20

3. SZ Drježdźany-Strěžin 10 19 : 10 19

4. Laubegast 10 23 :12  18

5. SG Weixdorf 10 20 : 18 16

6. VfB Běła Woda 1909 10 32 : 20 15

7. SC Borea Drježdźany 10 15 : 14 14

8. ST Ćisk 10 18 : 20 12

9. SC Großröhrsdorf 10 16 : 13 11

10. FSV Oderwitz II 10 12 : 14 11

11. SJ Chrósćicy 10 21 : 29 10

12. Rotacija Drježdźany 10 15 : 26 9

13. ST Horni kraj-Sprjewja 10 13 : 38 7

14. ST Trjebin 10 9 : 26 5

VfB Běła Woda

– SJ Chrósćicy 4:4 (3:1)

Zestawa hosći: Králíček – Püschel, B. Cyž, Sentivan, L. Zahrodnik (65. F. Cyž), M. Zahrodnik, G. Zahrodnik, Henčl, Młynk (89. Lešawa), Špitank (46. Kral), Beneš

W rozmołwje z katalanskim načolnym politikarjom Carlesom Puigdemontom

Katalanski načolny politikar Carles Puigdemont, narodźeny 1962 w Amer, je dźensa w belgiskim Waterloowje žiwy. Jako zapósłanc katalanskeho regionalneho parlamenta zasa­dźowaše so wón za njewotwisnosć Katalonskeje wot Španiskeje. W januaru 2016 wuzwolichu jeho za 130. prezidenta katalanskeho awtonomneho knježerstwa – Generalitat de Catalunya. Po lońšim referendumje wo njewotwisnosći w Katalonskej buchu Puigdemont a wot njeho nawjedowane knježerstwo na zakładźe španiskeje wustawy wotsadźene a wot tamnišeje justicy mjez druhim zběžka dla wobskoržene. Puigdemont so jastwu wuwiny, z tym zo do wukraja ćekny.

Puigdemont bu na to na zakładźe europskeho přikaza zajeća lětsa w měrcu w Němskej zajaty. W juliju rozsudźi němske sudnistwo, jeho Španiskej njepřepodać, na čož španiska justica přikaz zajeća zběhny.

Na twarnišću powjetšeneho hotela „Swětłownja“ w Lejnom pola Wojerec su wčera zběhanku swjećili. Přidatnje k 26 wobstejacym stwam tam nětko 14 dalšich nastanje. Hač do spočatka klětušeje sezony chcetaj inwestoraj Heike Struthoff (naprawo) a Klaus-Dieter Struthoff (nalěwo) projekt zakónčić. Ceremoniju zběhanki nawjedował je ćěsla Jens Wetter. Foto: Susann Metasch

Radworscy gmejnscy radźićeljo wěnowachu so w swojim posedźenju zawčerawšim mnohim palacym temam. Mjez druhim zaběrachu so ze sportowym wuwićowym planom a z pućom na Kaponicu, hdźež prócuja so wo dojednanje z wobsedźerjom lěsa.

Gmejnscy radźićeljo so z klětušim hospodarskim planom zaběrali

Rakecy (JK/SN). Zo móhli klětu runje tak kaž hižo lětsa sčasom po wobkrućenym hospodarskim planje dźěłać, zaběrachu so Rakečanscy gmejnscy radźićeljo wčera prěni raz z klětušim etatom. Prěnje čitanje naćiska z tójšto wažnymi pozicijemi wuwabi kontrowersnu, ale přiwšěm wěcownu diskusiju. Zaměr klětušeho plana je, po zakónčenju konsolidacije docpěć wurunany etat. To njebudźe lochko, wšako su ze stron wokrjesa hižo mjenje klučowych připokazankow signalizowane. Nimo toho skedźbnichu radźićeljo frakcije njestronskich wolerjow na to, zo běchu hižo k zahajenju konsolidacije w lěće 2014 dawki zwyšili, z wotmysłom, je po wuspěšnym zakónčenju konsolidacije zaso znižić. To pak so w naćisku plana njewobkedźbuje. Wysokosć dawkowych dochodow wobwliwuje pak zaso wysokosć inwestiwnych klučowych připokazankow. Na dosć dochodow je Rakečanska gmejna připokazana, wšako steja klětu nimo inwesticijow tež přidatne wudawki za dźěćace přebywanišća we wysokosći 200 000 eurow na planje.

15.11.–21.11.2018 Budyski filmowy palast:­ Phantastische Tierwesen 2: wšědnje 15:00 (nimo pó) Phantastische Tierwesen 2 w 3 D: wšědnje 16:30 a 19:30 | pj, so a wu 22:30 Bohemian Rhapsody: wšědnje 17:45 (nimo nj a pó) a 19:30 (nimo nj a pó) | pj, so a wu 22:30 Auf der Suche nach dem alten Tibet: nj 19:00 Der Nussknacker: wšědnje 14:00 (nimo nj a pó) | nj 14.15 Der Nusskna­cker w 3 D: wšědnje 17:00 (nimo nj) Der Vorname: wšědnje 18:00 (nimo nj) | nj 12:45 25 km/h: wšědnje 20:30 (nimo nj a pó) | pó 20:00 | pj, so a wu 22:15 Johnny English: wšědnje 20:00 (nimo pó) Die Unglaublichen 2: wšědnje 14:45 (nimo pó) Hotel Transsilvanien: nj a srj 12:00 Pettersson und Findus: nj a srj 12:45 Smallfoot: nj a srj 12:00 Klassentreffen 1.0: pj a wu 14.15 Ballon: štw, so a srj 14.15 Halloween: pj, so a wu 23:00

Kino-ekstra: Deine Juliet: nj 17:15 | pó 17:15 a 20:15

Wojerowski CineMotion:

Phantastische Tierwesen 2 w 3 D: wšědnje 20:00 | pj a so 22:15 Phantastische Tierwesen 2: wšědnje 15:00 a 17:00 | so a nj 12:50 Bohemian Rhapsody: wšědnje 17:15 a 19:45 | pj a so 22:30 Ballon: srj 17:30 Nur ein kleiner Gefallen: wšědnje 19:50 | pj a so 22:35 Der Nussknacker w 3 D: wšědnje 17:45 Der Nussknacker: wšědnje 14:45 | so a nj 12:30 25 km/h: wšědnje 20:05 Gänsehaut 2: wšědnje 15:30 Halloween: pj a so 22:45 Johnny English: wšědnje 15:20 Die Unglaublichen 2: so a nj 12:45 Klassentreffen 1.0: wšědnje 17:30 (nimo srj) Smallfoot: so a nj 12:40

Krótko do 19 hodź. je wčera w Rakecach a wokolinje sirena wobornikow na hašenje wołała. Něšto mjeńšin pozdźišo přijědźechu woni do Stróže k domej při zwjazkowej dróze B 96, hdźež dyrbjachu woheń w bydlenju hašeć a zranjenych wuchować. Někotre wosoby stejachu při woknach a wołachu wo pomoc. Na zbožo bě wšitko jeno zwučowanje, zo bychu čłonojo woborow Rakečanskeje gmejny na tajki pad derje přihotowani byli. Foto: Toni Lehder

Slepo (AK/SN). Z jeje wosom wjeskami wuznamjenja Slepjansku wosadu žiwa zhromadnosć generacijow a zrosćene socialne struktury. Tole dyrbjało so do přichoda zachować. Za to su towarstwa, kulturne skupiny a młodźinske kluby jara wažne. To bě facit wjesneje rozmołwy zawčerawšim w Slepjanskej cyrkwi. Na přeprošenje wosady bě něhdźe 40 zajimcow přišło. Tom Lehnert ze Slepjanskeho kubłanskeho centruma je zarjadowanje moderěrował.

Na kermušne reje

Radwor. K Radworskej kermuši su wobydlerjo a wšitcy dalši zajimcy na kermušne reje přeprošeni, a to jutře, pjatk, wot 20 hodź. K rejam zahudźi diskoteka RDE. Zastup płaći pjeć eurow. Wot 20 do 21 hodź. budźe tak mjenowana happy- hour, hdyž poskićuja wšitke napoje za potuńšenu płaćiznu. Organizatorojo wjesela so na bohaty wopyt.

Spominaja na Jana Rawpa

Budyšin. Hudźbny wědomostnik a komponist Jan Rawp je so dnja 17. ­nowembra před 90 lětami narodźił. Składnostnje jeho posmjertnych narodnin přeprošujetej Maćica Serbska a hudźbne nakładnistwo ENA zajutřišim, sobotu, w 15 hodź. k spominanju na zasłužbneho wuměłca při jeho rowje na Budyskim Tuchorskim kěrchowje (zachod z Lubijskeje drohi). Tam budźe komponist Juro Mětšk na skutkowanje swojeho wuja spominać. Marka Cyžowa přednjese Jana Rawpowy esej „Dopoł­dnja w archiwje“ a Měrana Cušcyna baseń, kotruž je k jeho česći napisała. W 16.30 hodź. přizamknje so koncert Serbskeho ludoweho ansambla k 90. po­smjertnym narodninam Jana Rawpa na žurli Budyskeho Serbskeho muzeja.

Sejm so konstituuje