Z wudaća: pjatk, 18 januara 2019

Swětło do ćmy stawiznow

Budyšin. Na srjedźowěkowske zarjadowanje přeprosy Budyski Serbski muzej njedźelu, 20. januara, wot 13 do 18 hodź. Z rjemjesłom, hudźbu a dalšimi překwapjenkami chcedźa stary čas wožiwić. Tak móža wopytowarjo słowjanski srjedźowěk ze wšěmi zmysłami dožiwić a wotmołwu dóstać na prašenja, kaž: kak so naši prjedownicy drasćachu, kak běchu před wjac hač 1 200 lětami žiwi, što sy­daše k snědani abo k wobjedu, štó je woheń­ zadźěłał.

Na musical wo milionarce

Wojerecy. Rakečanski Pawołski chór předstaji njedźelu, 20. januara, w 16 hodź. we Wojerowskej Łužiskej hali musical „Die Millionärin“. W nim předstaja žiwjenje Sabiny Ball (1925–2009), kotraž je jako ćěkanča z tehdyšeho Königsberga bombowu nóc 1945 w Drježdźanach přeži­wi­ła. Zastupne lisćiki měli sej za­jimcy pak pod telefonowymaj čisłomaj 03 59 31 / 2 02 24 a 0175 / 2 63 36 92 abo e-mailnje pod skazać.

Wodźi hišće raz po wustajeńcy

Testowe koparske hry

Za jutře su hnydom tři testowe koparske hry pod hołym njebjom planowane, a to w Drježdźanach, Kamjencu a Choćebuzu.

19.01. 11:00 Dyn. Drježdźany U 19 –

  Budissa Budyšin

19.01. 11:00  Jednota Kamjenc –

  Módro-běli Kulow

19.01. 14:00  FC Energija Choćebuz –

  1. FC Magdeburg

Bulowa nóc w hali

Mustwo sportoweje jednotki Njebjel­čicy nastupi dźensa na 16. nakładźe Buloweje nocy jako zakitowar titula. Wot 18.30 hodź. hraje na halowym koparskim turněrje Natwara Němske Pazlicy dwanaće cyłkow starobneje klasy Ü 35 w sportowni při Kamjenskim lětanišću. Nimo Njebjelčanow su to ST Bart, Statistika Němske Pazlicy, Natwar Němske Pazlicy (1. a 2. mustwo), Přećelski kruh DB, Ze­leno-běli Hórki, ST Marijina hwězda, Jedno­ta Kamjenc, ST Běła/Cunnersdorf, ST Hlinowc/Zeleno-běli Halštrow a Lok Kamjenc/Oldije Natwara. Naposledk mje­nowane zastupnistwo je nowačk.

Młodźi dźiwi na cuzym parkeće

Wodorunje: 3 druhi grjekski pismik, 5 zjednoćenstwo, pakt, 6 přiwuzna, 7 přećel španisce, 10 nutř ..., 13 žónske předmjeno, 14 načolna skupina, 15 hra z figurami

Padorunje: 1 kubłanišćo, 2 nic maksi, 3 ptak z dołhimaj no­homaj, 4 jědź ze syrym mjasom a jejom, 8 mjeno kóčki, 9 egyptowske město, 11 čink kuzłarja, 12 algeriske město

„Rewolucija a demokratija“

Drježdźany. Před pozadkom 30. róčnicy měrniweje rewolucije a prěnjeho załoženja swobodneho stata před sto lětami je sakska statna kenclija spěchowanski program „Rewolucija a demokratija“ wuwołała. Lětsa a klětu hodźa so z nim projek­ty spěchować, kotrež na historiske podawki a na natwar demokratije dopominaja a swoju hódnotu do fokusa zjawnosće stajeja. Próstwy přijimać budźe wot 31. januara Sakska natwarna banka.

Změna w zastojnstwje

Lipsk. Sakski justicny minister Sebastian Gemkow (CDU) je wčera Martinu Gerhardt jako nowu prezidentku Sak­skeho financneho sudnistwa zapokazał a jeje předchadnika dr. Jürgena Rühmanna ze zastojnstwa rozžohnował. Rühmann dźakowaše so sudnicam, sudnikam a předewšěm njesudniskemu personalej, kotryž ze swojim dźěłom skutkowanje sudnikow hakle zmóžnja.

Dwě jězbje do Ruskeje

Zwonkazemscy su brašku a ansamblowcow na Mars wotwjedli. Kak pak wšitko skónčnje derje wuńdźe, dožiwiće w lětušim wje­čornym­ ptačokwasnym programje „To tla wěrno njej’!“ Serbskeho ludoweho ansambla. Premjera je dźensa w 19.30 hodź. na komornym jewišću Statneho dźiwadła Choćebuz. Hornjoserbska premjera budźe 26. januara w Radworju. Foto: SN/Maćij Bulank

Janek Wowčer

Tema serbske kubłanje so w zjawnosći, w rozmołwach „za stajnym blidom“ abo w diskusijach mjez znatymi časćišo jewi. Tele dny pak mnozy naležnosć wosebje tematizuja, dokelž su wuslědki přepytowanja wučby po modelu Witaj w Delnjej Łužicy wozjewjene. Zo njedocpěwaja te žane wusahowace pozitiwne wuslědki, bě wšak hižo do spočatka tak mjenowaneje ewaluacije znate, štož Delnjoserbja sami tež zjawnje přiznawaja.

Wjacori pak su wuslědkow dla zlu­dani, hdyž słyša, zo su wukony šulerjow nastupajo serbšćinu po 5. lětniku špat­niše hač do šulskeho zastupa. Što pak wočakuja, hdyž je situacija často tajka, zo njeje serbšćina jako předmjet – wšojedne hač w Hornjej abo Delnjej Łužicy – němčinje runohódna, ale často jenož „připlack“ k wučbje. A byrnjež so wobstejnosće tu a tam polěpšeli, njemóžu so přeco hišće zaćišćej wobarać, zo je tež w druhich wobłukach žiwjenja tak. Na přikład w komunalnej politice, hdyž wobkedźbuju nałožowanje našeje maćeršćiny w Budyskim krajnoradnym zarjedźe a dalšich komunalnych zarjadach.

Serbow a Němcow mjez sobu dale zbližić

Budyšin (SN/MiR). Prěni kurs wo serbskej rěči za sobudźěłaćerjow Budyskeho stejnišća Sakskeho krajneho zarjada za šulu a kubłanje (LaSuB) je tójšto zajimcow přiwabił. Zakład toho je Plan na­prawow sakskeho statneho knježerstwa k pozbudźowanju a wožiwjenju serbskeje rěče. Mjeztym dźesać wobdźělnikow so w zarjedźe jako dospołni nowačcy prěni króć intensiwnje ze serbšćinu zabě­ra. „Jako docenta smy Benedikta Cyža­ zdobyli“, praji ko­ordinator zarjada za serbske naležnosće Bosćij Handrik. „Cyž ma wjacelětne nazhonjenja, kursy serbskeje rěče podawać.“

Jako dalša strona su Zwjazk 90/Zeleni w Budyskim wokrjesu swojich direktnych kandidatow za wólby Sakskeho krajneho sejma 1. septembra wčera na wólb­nej zhromadźiznje w Kamjencu postajili, mjez nimi tež Serba.

Kamjenc (SN/at). Ze štyrjomi znatymi wosobami a jednym nowym wobličom jako direktnymi kandidatami chcedźa Zwjazk 90/Zeleni w pjeć wólbnych wo­krjesach Budyskeho wokrjesa nastupić. Pjatnaće čłonow je wčera wo persona­lijach rozsudźiło. „To je štwórćina našeho sobustawstwa, sym z wobdźělenjom spoko­jom“, rjekny wokrjesny předsyda Jens Bitzka našemu wječornikej. W štyrjoch regionalnych skupinach Budyšin, Kamjenc, Radeberg a Wojerecy su Zeleni wo kandidatach rozmyslowali. Z wu­slědkom, zo tónraz kaž hižo před pjeć lěta­mi ani jedna žona direktnje njekandiduje.

Budyšin (CS/SN). Swjatočnosće składnostnje 30. róčnicy měrniweje rewolucije su so wčera w Budyšinje z wustajeńcu w Ludowej bance zahajili. Ekspoziciju su Drježdźanske towarstwo za stawizny sakskeho pósta a filatelije, Numismatiske towarstwo Budyšin a tudyše towarstwo filatelistow zhromadnje wuhotowali. Hač do 19. februara budu dalše přednoški, wěnowace so dźělenju Němskeje, měnowej reformje 1948, pućej k měrniwej rewoluciji a k znowazjednoćenju kaž tež prašenju, dalokož su so sony naroda woprawdźe zwoprawdźili.

Detroit (dpa/SN). Justicne zarjady USA chcedźa w skandalu manipulowaneho wotpłuna dieselowych awtow dla tež přećiwo zamołwitym awtotwarca Audi postupować. Wčera su na sudnistwje w Detroiće štyrjoch managerow koncerna wobskoržili. Wumjetuja jim zapřisahańcu, z kotrejž su zaměrnje wobswětoškitne zakonje USA ranili a kupcow wobšudźili. W padźe zasudźenja hrozy jim wjelelětne jastwo. Po informacijach medijow pak su wšitcy štyrjo w Němskej, hdźež jim chłostanje njehrozy.

Zwoprawdźeja wólbne lubjenja

Rom (dpa/SN). Nowe italske knježerstwo je wobzamknyło, jedne ze swojich centralnych wólbnych přilubjenjow zwoprawdźić: Wčera wječor schwalichu planowane tak mjenowane wobydlerske dochody a rentowu reformu. „Knježerstwo swoje přilubjenja dodźerži“, rjekny ministerski prezident Giuseppe Conte. Projekt, kotryž płaći wjace hač dźesać miliardow eurow, bě statny deficit Italskeje raznje powjetšił a zwadu z Europskej uniju zawinił. Noworjadowanje ma na dobro milionow Italčanow być. Parlament dyrbi naprawam hišće přihłosować.

„Wěste“ kraje postajene