Z wudaća: pjatk, 23 oktobera 2020

Kónc tydźenja započina so zaso zymski čas a přestajimy w nocy na njedźelu časniki wo hodźinu wróćo, to rěka wot 3 na 2 hodź. Tež štyriróžkaty časnik při Budyskim póstowym twarjenju dyrbja přestajić. Kedźbliwy pasant pak je dawno hižo pytnył, zo je tam­ na jednej stronje časnik wopak nastajeny a porno tamnym wo dwě hodźinje doprědka spěcha. Foto: SN/Hanka Šěnec

Pjatk 23.10. 19:00 „Pinguine in Afrika“ – čitanje z Iris Fritzsche na Wo­jerowskim „Starym pósće“

Sobotu 24.10. 10:00 Wiki starych družin jabłukow w Skanečanskej (Cannewitz) jabłukowej bróžni

  10:00 Dźěłarnička „Zakłady akwarela“ za dorosćenych a dźěći wot 12 lět z wuměłču Isu Bryccynej w Budy­skim Serbskim muzeju

  15:00 „Dołha nóc planetow“ k cyłoněmskemu dnjej astronomije w Budyskej hwězdarni

  18:00 Budyske přesadźowanje poezije z Andreasom Hennigom w Budyskej měšćanskej bibliotece

  19:30 Předstajenje serbskorěčneje komedije Němsko-Serbskeho ludoweho dźiwadła „Horce plincy“ w Haslowskim Bizoldec hosćencu

Njedźelu 25.10. 9:30 Kermušne kemše w Slepjanskej cyrkwi

  17:00 Předstajenje serbskorěčneje komedije Němsko-Serbskeho ludoweho dźiwadła „Horce plincy“ w Haslowskim Bizoldec hosćencu (wot 15:30 hodź. poskićeja tam kofej a plincy)

  17:00 Komorny koncert SLA „Hudźbne wurywanki“ w Njeswačidle

Wutoru 27.10. 10:00 Prózdninski program „Šij, luby krawco, šij“ w Budy­skim Serbskim muzeju

  10:00 Prózdninski program w Muzeju Budyšin

Štwórtk 29.10. 10:00 Prózdninski program „Barby daliny“ w Budyskim Serbskim muzeju

  10:00 Prózdninski program w Muzeju Budyšin

njedźelu hornjoserbsce

11:00 Łužica tutón tydźeń, mjez druhim z powěsćemi tydźenja a zabawnej hudźbu

11:20 Nowa swoboda – kniha LND po 30 lětach zjednoćenja

12:00 Nabožne wusyłanje

 (kapłan Pětr Mróz)

po tym zbožopřeća 

delnjoserbsce

12:30 Aktualny magacin, mjez druhim z postrowom za dźěći a kolumnu „tak ja to widźu“

13:00 Tematiske wusyłanje: Dyrdomdejstwa małeho błudnika

13:40 Nabožne wusyłanje

 (Madlena Norbergowa)

po tym zbožopřeća a hudźba tydźenja

Hudźbne wuhrjebanki

Njeswačidło. W času korony su notowy archiw SLA renowěrował a znowa rjadowali. Tójšto materiala bu wotkryte, mjez druhim kruchi, kiž njejsu dołho wjac w zjawnosći zaklinčeli. Su to na přikład twórby Jana Arnošta Frajšlaga, Jana Rawpa abo Artura Immischa. Pod na­wodom intendantki SLA Judith Kubicec zaklinči njedźelu w 17 hodź. w Njeswačanskim hosćencu koncert z rědko předstajenymi twórbami, zahrate wot smyčkarjow orchestra SLA. Solistaj staj spěwar Pětr Cyž (tenor) a Ralf Sarodnik, kotryž zahraje na obowje.

Falkenberg w dźiwadle

Budyšin. We Łužicy a tež mjez Serbami woblubowany Berlinski spěwar Falkenberg předstaji jutře w 19.30 hodź. w Budyskim Dźiwadle na hrodźe swój nowy album „Im leisen Verschwinden der Landschaft“. Falkenberg pisa, spěwa a hraje klawěr a přima so wulkich temow zboka partyjoweje sceny.

„Horce plincy“ pola Bizoldec

Sokoljo jutře keheluja

Kehelerjo Sokoła Ralbicy/Hórki, kiž su so do hrajneje doby 2020/2021 z Rakečanskimi kehelerjemi zjednoćili, nastupja jutře, sobotu, wot 13 hodź. na domjacych čarach w Rakecach přećiwo rezerwje Turbiny Budyšin. Po třoch­ hrajnych dnjach je Turbina w tabulce wokrjesneje wyšeje ligi na 4. městnje a Hrajne zjednoćenstwo Rakecy/Ralbicy na šestym.

Kónctydźenska kopańca

24.10. 13:30  FC Energija Choćebuz –

  Berlinski AK

24.10.  13:00  Budissa Budyšin –

  VfB Empor Glauchau

24.10.  14:00  Jednota Kamjenc –

  SG Motor Wilsdruff

24.10.  15:00  Rakečanske ST –

  SV Wesenitztal

24.10.  14:00  Módro-běli Kulow –

  ST Marijina hwězda

24.10.  14:00  ST Wulka Dubrawa –

  ST Radwor

25.10.  11:30  SJ Chrósćicy II –

  Módro-běli Minakał

25.10.  13:00  Sokoł Ralbicy/Hórki –

  Natwar Němske Pazlicy

25.10.  12:00  SJ Njebjelčicy II –

  HZ Hodźij II/Huska II

25.10.  14:00  SJ Njebjelčicy –

  ST Hlinowc

25.10.  14:00  SJ Chrósćicy –

  SG Weixdorf

Viktoria hnydom dwójce doma

Jeli pytane słowa 1–11 prawje zapisaće, wučitaće z wuzběhnjenych kašćikow nazymski swjedźeń

1 łužiske městačko, 2 zelenina, 3 přichodny dźeń, 4 nic mało, 5 dlěše powědančko, 6 telko dnjow ma tydźeń, 7 bjezpłatnje, 8 zjednoćenstwo, pakt, 9 lauern serbsce (2. wosoba), 10 nic tunja, 11 kontinent

Nowe postajenja

Budyšin/Zhorjelc. Sylnje přiběraceje ličby natyknjenych z koronawirusom dla chce wokrjes Budyšin nowe postajenja wukazać, kotrež maja wot jutřišeho płaćić. Wčera zličichu 62 nowych infekcijow. 31 ludźi je zaso wustrowjenych. Ličba nowych infekcijow na 100 000 wobydlerjow w běhu sydom dnjow wučinja 80. W Zhorjelskim wokrjesu zličichu 67 nowych natyknjenych. Kwota na 100 000 woby­dlerjow je 90 překročiła.

Myto opoziciji w Běłoruskej

Brüssel/Minsk. Nahladne myto Sacharowa za čłowjeske prawa Europskeho parlamenta spožča lětsa opoziciji w Běłoruskej. Zastupnicy opozicije symbolizuja wšědny bój wo čłowjeske prawa a swobodu měnjenja, rjekny prezident parlamenta EU David Sassoli w plenumje w Brüsselu. Parlament EU je prěnja institucija, kotraž protesty w Běłoruskej z mytom hódnoći. Tole ma ludźi dale pohonjować.

Historiske přinoški přistupne

Bjez wulkeho rybarskeho swjedźenja su tele dny w Njechornju haty Škodźic předewzaća z Běłeje Hory wułójili. Z wunoškom su Silvio Barth (prědku) a jeho kolegojo spokojom. Bjez dźiwa při tajkich rjanych eksemplarach. Mjeztym zo mjeńše ryby do druhich hatow přesadźa, změja třilětne karpy a dalše ryby nětko na předań. Foto: Maćij Bulank

Bianka Šeferowa

Ličby natyknjenjow w zwisku z koronawirusom wšědnje dale stupaja. Mějachmy-li wčera rekord schorjenych, su strowotniske zarjady wokrjesow dźensa hižo nowy wozjewili. Tež Bu­dyski wo­krjes­ je w běhu krótkeho časa kritisku hódnotu 50 nowych infekcijow na 100 000 woby­dlerjow w běhu sydom dnjow a tak najwyši schodźenk pjeć docpěł. Wobydlerjo wokrjesa maja so wot njedźele po nowych postajenjach měć, kotrež zjawne žiwje­nje wobmjezuja a samo w priwatnym wobłuku kontakty zaka­zuja. Wčera je sakske knježerstwo nowe postajenja wozjewiło. Mnozy wobydlerjo boja so dalšeho lockdowna, kaž jón w nalěću mějachmy. Dopominam so na­ wokomik, jako wobmjezowanja wolóžichu. Zo změjemy nazymu znowa přiwótřene połoženje, bě za mnje daloko preč. Poprawom měli nětko ćim bóle dalše­mu wupřestrěću zadźěwać.

Łazowska wyša šula słuša do kruha projektowych šulow

Łaz (AK/SN). Digitalizowanje na wyšej šuli­ Łaz, kotraž je w nošerstwje Budy­skeho wokrjesa, šulerjow a wučerjow wuža­duje. Amtěrowaca nawodnica šule a wučerka za matematiku a fyziku Andrea Bartoschek potwjerdźa: „Nadźijamy so, zo móžemy hač do kónca tohole lěta nowu techniku wužiwać. Rumnosć za wučbu fyziki ma so jako mustrowa z digitalnej taflu a tabletami wuhotować“. Za to je šula jasny koncept wuwiła, kiž rjaduje wužiwanje, wobchad, hla­da­nje a dalekubłanje. „Nowa technika nima jenož w praksy fungować. Trjebamy stajny­ přewod a dalekubłanje z pomocu facho­weje mocy, kotruž nam nošer za­ruči. Jako wučerjo to sami njemóžemy“, měni wučer za matematiku, fyziku a informatiku na šuli Andreas Palzer.