Z wudaća: pjatk, 20 januara 2023

Wo poskitkach so informować

Běła Woda. Powołanskošulski centrum Běła Woda přeproša jutře, sobotu, na dźeń wotewrjenych duri. Wot 9 do 13 hodź. móža so zajimcy z kubłanskimi poskitkami institucije zeznajomić a so fachowje poradźować dać. Nimo toho předstaja so tójšto wukubłanskich předewzaćow regiona. Zastup je darmotny, přizjewjenje trěbne njeje.

Zazběh lěta z prapremjerami

njedźelu hornjoserbsce

11:00 Łužica tutón tydźeń

11:15 Reportaža „2plus – kajki je woprawdźity staw“

11:30 Rezimej: Jolka-swjedźeń 2022

12:00 Nabožne wusyłanje

(Jan Malink)

po tym  zbožopřeća

delnjoserbsce

12:30  Aktualny magacin, mjez druhim z přinoškom wo woklapnicach w Delnjej Łužicy a nowinkami „Kukowskeju kokulow“

13:00 Tematiske wusyłanje: Zymske hudźbne pućowanje

13:40 Nabožne wusyłanje

(Katharina Köhlerowa)

po tym zbožopřeća

Bulowa nóc při lětanišću

Mustwo Natwara Němske Pazlicy nastupi dźensa při 20. nakładźe Buloweje nocy jako zakitowar titula. Wot 18.30 hodź. hraje na halowym koparskim turněrje Natwara Němske Pazlicy 12 cyłkow starobneje klasy Ü 35 w sportowej hali při lětanišću w Kamjencu. Sćěhowace zastupnistwa tam nastupja: ST Natwar Němske Pazlicy I, Přećelski kruh DB, ST Zeleno-běli Hórki, ST Marijina hwězda, SJ Njebjelčicy, TSV Połčnica (nowačk), Jednota Kamjenc, HZ Halštrow/Hlinowc, Sportowi přećeljo Accumotive, FC Kónckarjery (Němske Pazlicy), ST Bischheim-Häslich (nowačk) a ST Hirschstein.

Třeći hrajny dźeń we Wojerecach

Swój třeći hrajny dźeń we wokrjesnej klasy stafla sewjer změja jutře wolejbulisća druheho mustwa Viktorije Worklecy. Posledni tabulki hraje dwójce, a to přećiwo štwórtej a pjatej garniturje Módro-běłych Wojerecy.

21.01.  10:00  Worklecy II (m.)

  – MB Wojerecy IV

  – MB Wojerecy V

28.01.  14:00  ST Kupoj-Nowa Łuka –

  Viktoria Worklecy I (ž.)

28.01.  14:00  MB Wojerecy –

  Viktoria Worklecy (m.)

Přihotowanske koparske hry

21.01. 14:00  Bartske ST –

  ST Radwor

22.01.  14:00  Nat. Němske Pazlicy II –

  Drježdźany Laubegast II

28.01.  13:30  ST Radwor –

  SC Swóńca/Lubij

Wodorunje: 3 nic prědku, 5 stolica Ukrainy, 6 chemiski element, 7 ručna bróń, 10 wjetši ptak, 13 nic wjele, 14 hara, ridrowanje, 15 nic pozdźe

Padorunje: 1 kartyplacanje, 2 sydlišćo, 3 zynki, 4 dźiwadłowa hra, 8 poschod, 9 lubosć italsce, 11 Leim serbsce, 12 lós bjez ­dobyća

Nimale poł lěta hižo je Clemens ­Poldrack (njestronjan) wjesnjanosta Worklečanskeje gmejny. Kak je so w tym času do swojeho noweho zastojnstwa zažiwił, wo tym je so z nim Marian Wjeńka rozmołwjał.

Knježe Poldracko, kak so po nimale prěnim połlěće jako wjesnjanosta čujeće?

C. Poldrack: Čuju so jara derje. Dźěło wjesnjanosty je rjany nadawk. Wjeselu so, zo směm Worklečanski wjesnjanosta być a čuju so do tohole dźěła powołany. Hdyž so mje ludźo prašeja, kak to jako wjesnjanosta je, jim stajnje praju, zo póndźelu rano stawam a hižo je pjatk wječor.

Sće nadawki, kotrež maće nětko spjelnić, takle wočakował?

C. Poldrack: Dokelž sym wukubłany komunalny hospodar sym někak wědźał, kotre nadawki mje wočakuja. Ale za tajke zastojnstwo kandidować a je skónčnje tež wukonjeć, je hišće raz rozdźěl.

Kajki bě přechod wot Wašeho předchadnika Franca Bruska k Wam?

C. Poldrack: Njemóžu hinak rjec hač zo bě to jara dobry přechod, byrnjež Franc Brusk chory był. Wšo, štož bě trěbne, je wón mi pokazał, tak zo móžu so za to jenož dźakować.

Kotre bě w prěnim času najwjetše wužadanje we Wašej funkciji?

Za nowotwar Ralbičanskeje pěstowarnje su wuhibki stajene

Róžant (JK/SN). W aprylu budźe symboliski prěni zaryw za nowu pěstowarnju w Ralbicach. To wobkrući na wčerawšim posedźenju gmejnskeje rady Ralbicy-Róžant zamołwity architekt Rainer Dittmer z Kamjenskeho architekturneho běrowa pdw. Na posedźenju gmejnskeje rady w měrcu chcedźa přepodać prěnje nadawki za hłubokotwar a hruby natwar twarjenja. Wotpowědne wupisanje přewozmje architekturny běrow.

Paduši w hosćencu

Budyšin. Hosćenc při Budyskim Bórklinje su sej njeznaći w nocy na srjedu jako cil swojeho njeskutka wupytali. Kaž policija rozprawja, so skućićeljo namócnje do lokala zadobychu a spytachu w nim so do dalšich rumnosćow předrěć. To pak so jim njeporadźi. Tuž cigaretowy awtomat namócnje wočinichu. Kelko cigaretow su pokradnyli, njeje znate. Wěcnu škodu powobliči policija na ně­hdźe 2 000 eurow.

Serbska literatka Róža Domašcyna ­koresponduje z koleginami-wuměłčemi a kolegami-wuměłcami z tu- a wukraja. Tónraz je so ze spisowaćelom ­Peterom Huckaufom rozmołwjała.

Sće so we wobłuku swojeho wuměłstwa z figurami serbskeje mytologije zaběrał. Što je Was k tomu pohnuło?

P. Huckauf: Před lětdźesatkami zhonich, zo mam serbske korjenje. W swojim přiwuznistwje z boka nana eksistuja swójbne mjena „Baltin“ a „Budich“. A naš pradźěd pochadźeše z Freiwaldauwa, města na juhozapadźe Pólskeje, kotremuž dźensa Gozdnica rěkaja.

Kotra z mytiskich figurow je Was najbóle jimała resp. Waše dźěło najbóle wobwliwowała?

P. Huckauf: Předewšěm Pumpot zda so mi přewšo samopostajena figura być. Za njeho njeeksistuja wulcečinjerske předpisy. Kóždejžkuli technologiji, haj technokratiji napřećo so wón kritisce zadźeržuje.

Hdźe běchu a hdźe su tele Waše twórby přistupne?

Wustajeńca k 100. narodninam Gottfrieda Zawadzkeho w Kamjencu

Paralelnje k wustajeńcy serbskeho molerja Jana Buka „Wšo je krajina“ w Budyskim Serbskim muzeju wěnuje so Muzej zapadneje Łužicy Kamjenskemu wuměłcej Gottfriedej Zawadzkemu. Nimale w susodstwje narodźištaj so wobaj w awgusće 1922 a dožiwištaj tule swoje dźěćatstwo: Jan Buk w Njebjelčicach a Gottfried Zawadzki w Kamjencu. Wobaj daštaj so po ludowej šuli na dekoraciskeho molerja wukubłać a wobaj woprowaštaj swoje młodźinske lěta w němskim wójsku Druhej swětowej wójnje. 1947 započinaštaj (wobaj) tworjace wuměłstwo studować: Gottfried Zawadzki w Drježdźanach, Jan Buk pak we Wrócławju. K stoćinam wuměłcow so jeju cyłožiwjenski skutk w hódnej a wobšěrnej formje zjawnosći spřistupnja.

Cyrkwinski architekt

W serbskej literaturje chowaja so mnohe drohoćinki, na kotrež znowa skedźbnić je trjeba, zo njebychu so pozabyli.

Wotpowědne impulsy chce awtorka

serbskim čitarjam a čitarkam z nowym

rjadom „Znowa čitała“ dawać

Z knižneho regala wućahnych sej knihu, kotraž je před 25 lětami wušła a kotruž sej wot toho časa nimoměry wažu: Marka Grojlichowe wjesne zapiski „Mjez horami a holu“. Awtor je kaž we wulkim połkruhu wopytał nahladne wsy a njeznate wjesčički wot Wuježka pod Čornobohom přez Hbjelsk, Chrjebju, Brězowku, Sprjejcy hač do Ptačec a Čorneho Chołmca. Pytał je tam za serbskimi ludźimi, znajmjeńša pak za serbskimi slědami w kónčinje, w kotrejž serbska rěč hižo tak samozrozumliwa njebě.