Wo knihach a kniharni (10.06.22)
Štóž tele dny přez Prahu jědźe, njemóže wulke plakaty přewidźeć, kiž wabja hosći na kóždolětne knižne wiki.
Wčera, štwórtk, 9. junija, zahajichu so 27. mjezynarodne knižne wiki a literarny festiwal „Svět knihy Praha 2022“. Hač do njedźele maja potom wobydlerjo Prahi a wokoliny a druzy zajimcy zbliska a zdaloka składnosć, w čěskich a mjezynarodnych knihach listować, čitanja wopytać a so nasrěbać „čěskeho knižneho powětra“, kiž je tak hinaši hač na Lipšćanskich knižnych wikach, wšako je wo wjele bóle swójbny. A při rjanym lětnim wjedrje móžeš jich potom zaso wobkedźbować – na ławkach dokoła wustajenišćow sedźa a listuja zanurjeni w knihach a nowinach – syły studentow, wuměnkarjow a fachowych wopytowarjow hižo wot ranja a ći, kiž su wodnjo na dźěle, hakle popołdnju.
Wot křižneje polki k žnjowej reji w přazy
Helga Hantsch pisa wot lěta 1999 choreografije za Serbsku ludowu rejwansku skupinu Ćisk
Wjesele spěwajo přadu młode žony len na přazy. Hólcy z nimi pryzle činja. Jednu z holcow skradźu wotwjedu, jeje nawoženju wot njewjesty wotwabja. „Na kóncu tola kwas budźe. Młode žony přepodadźa njewjesće róžu. Nawoženja so nawróći“, powěda Helga Hansch z Wojerec wo wobrazu „přaza“ Serbskeje ludoweje rejwanskeje skupiny Ćisk. Je to jedne z wjace hač 20 wot njeje wuhotowanych předstajenjow. Wot lěta 1999 pisa 80lětna za towarstwo choreografije, zwjetša k serbskim ludowym pěsničkam. Wona zwučuje tež tydźensce kóždy pjatk z rejwanskimi porikami a wuwučuje jich reje a kročele. Na mnohe předstajenja sobu jězdźi.
W kuchni choreografije nastawaja
Raz něšto hinašeho
Ze simultanym koncertom w cyrkwi swj. Pětra su wčera Budyske ...
Zaso na Praskich knižnych wikach
Patriotiska drasta jako bróń w postkomunistiskim času
We wobłuku wosebiteje wustajeńcy „Party w 21. lětstotku“ je wčera wječor w Budyskim Serbskim muzeju historikarka a kulturna wědomostnica dr. Anna Novikov z Greifswalda wo narodnej drasće a identiće we wuchodnosrjedźnej Europje přednošowała.
Pančan dźěći na slědach lumpakow
Akustiske kontury
Bórze nowy zynkonošak ze serbskim rapom
Budyšin (SN/JBo). Serbska hip-hopowa trójka Nowa Doba z Pětrom Dźisławkom, Florianom Kießlichom a Symanom Hejdušku je w zašłych měsacach štyri nowe spěwy produkowała. Titul projekta rěka „Budyski Bounce“. „Tuta EP (Extended Play) je naša prěnja twórba wjetšeho razu – potajkim kaž małki album. Zaběramy so tu z Budyšinom, ale wězo tež z mnohimi dalšimi temami. Florian přisłuša Budyskej katolskej wosadźe a ja sam běch w Budyšinje wotrostł – tohodla so tež trochu jako Budyskaj hólcaj widźimoj. Nahrawali smy wšitko – titulej wotpowědujo – w Budyskim Serbskim domje, w něhdyšim studiju MDR. Jedyn spěw tuteje EP rěka ,Serbska lyrika‘ a je hižo online přistupny“, Pětr Dźisławk rozłožuje.
Spektakel pod hołym njebjom so (snano) nachila
Bórkowy (SN/bn). Serbski ludowy ansambl je swój kóždolětny wjeršk pod hołym njebjom w Delnjej Łužicy wuspěšnje zakónčił. Minjeny kónc tydźenja je sej na cyłkownje třoch předstajenjach dohromady něhdźe 5 200 wopytowarjow inscenaciju rjadu Błótowske powěsćowe nocy „Nawrót“ wobhladało. Produkcija bu znowa w kooperaciji z Turistiskej informaciju Bórkowy na jewišću pod tamnišej Bismarckowej wěžu zwoprawdźena a wospjet wot ministerstwa za wědomosć, slědźenje a kulturu Braniborskeje kaž tež wot Załožby za serbski lud spěchowana.
