Pokiwy (11.02.22)
Wirtuozaj koncertujetaj
Kamjenc. Wirtuoza na gitarje Johannes Monno a renoměrowany wiolinist Kolja Lessing koncertujetaj jutře, sobotu, w Kamjenskej radnicy. Mjez druhim zaklinča w 19 hodź. twórby Johanna Sebastiana Bacha, Niccole Paganinija a Maxa Regera. Koncertej přizamknje so předstajenje noweho zwjazka Kolje Lessinga z hudźbnowědomostnymi esejemi. Zastupne lisćiki při wječornej kasy płaća 18,50 eurow, přistup do radnicy je po prawidle 2G+ móžny.
Wobkuzłaca magija na jewišću
Budyšin. Towarstwo Kamjentny dom prezentuje jutře, sobotu, w 20 hodź. hóstny program „Magier 3.0“. Christoph Köhler, Lars Ruth a Marco Weissenberg chcedźa publikum ze swojoraznej měšeńcu kuzłarjenja, kabareta a humoristiskeho improwizowanja zawjeselić. Zbytne zastupne lisćiki su při wječornej kasy na předań a płaća 30 eurow. Přistup do Kamjentneho domu je po prawidle 2G+ móžny.
Lipšćanske póstnicy digitalnje
Rozhłós (11.02.22)
njedźelu hornjoserbsce
11:00 Łužica tutón tydźeń
11:20 Moja hudźba: Marja Michałkowa live w studiju
11:45 Wo prapremjerje NSLDź „Šěrcec Hanka“
12:00 Nabožne wusyłanje
(Beno Jakubaš)
po tym zbožopřeća
delnjoserbsce
12:30 Aktualny magacin, mjez druhim z přinoškom „Hdźe a kak so lětsa zapusty swjeća?“
13:00 Tematiske wusyłanje: Serbski komponist Jan Bulank
13:40 Nabožne wusyłanje
(Madlena Norbergowa)
po tym zbožopřeća
Do kina (09.02.22)
Pokiwy (04.02.22)
Dokumentacija a rozmołwa
Budyšin. Towarstwo Kamjentny dom prezentuje dźensa, pjatk, dokumentarny film Laury Reichwald „Stollen“. Pask je „psychogram hórniskeho regiona w Rudnych horinach, kotryž 30 lět po politiskej změnje mjez tradiciju a hospodarskimi wužadanjemi za swojej identitu pyta“. Předstajenju w 20 hodź. přizamknje so filmowa rozmołwa z režiserku. Zastup płaći šěsć eurow. Wopytowarjo maja prawidło 2G+ wobkedźbować. Jutřiši wječor satiry w Kamjentnym domje „Obacht Miller“ z aktualnym programom kabaretista Rolfa Millera je wupředaty.
Čitataj wo pućowanju
Barokny hród w Ramnowje je wot jutřišeho znowa zjawnje přistupny. ...
Křižowka (04.02.22)
Wodorunje: 3 nic wótry, 5 serbski awtor, 6 kow, 7 bratr Mójzesa, 10 wobydler srjedźneje Europy, 13 nic horje, 14 wobydler južneje Pólskeje, 15 dwojožiwc
Padorunje: 1 prjedawša šwedska skupina, 2 postrow Sportej a narodej ..., 3 dźěl huslow, 4 dźěl nohi, 8 wubědźowanišćo, 9 grjekski pismik, 11 zmylk w drasće, 12 póda
Protyka (04.02.22)
Pjatk 4.2. 17:00 Ruski čajowy wječor w Čornochołmčanskim Krabatowym młynje
Sobotu 5.2. Wirtuelny dźeń wotewrjenych duri w Budyskim šulskim centrumje Carity pod
16:00 Palenje hodownych štomikow w Njebjelčicach na parkowanišću při Heldec hospodźe
19:45 Čitanje „Meine Via Regia und meine auch – Fußreise von Frankfurt am Main nach Görlitz“ z Angelu Pfotenhauer a Elmarom Lixenfeldom w Chróšćanskej putniskej hospodźe
Njedźelu 6.2. do 2.3. Fotowa wustajeńca Jürgena Maćija „Klětno 1990“ w Klětnjanskej cyrkwi
10:00 Zymske pućowanje z Čornym młynkom wokoło Čornochołmčanskeho Krabatoweho młyna
Wutoru 8.2. 19:00 Online-přednošk Budyskeho archiwoweho zwjazka wo wuznamje pomnikow w Budyšinje a Hornjej Łužicy
19:00 Bjesada w Rakečanskej farskej bróžni
Štwórtk 10.2. Wotewrjenje pućowanskeje wustajeńcy „Swoboda kiwa! Serbja a mjeńšinowe prašenje po 1918“ Budyskeho Serbskeho instituta w Praskim Serbskim seminarje
19:30 4. filharmoniski koncert Noweje Łužiskeje filharmonije na hłownym jewišću Budyskeho NSLDź
Rozhłós (04.02.22)
njedźelu hornjoserbsce
11:00 Łužica tutón tydźeń z powěsćemi tydźenja a pokiwami
11:20 Katolska cyrkej – Što nětko?
12:00 Nabožne wusyłanje
(Jan Malink)
po tym zbožopřeća
delnjoserbsce
12:30 Aktualny magacin, mjez druhim z nowosćemi z towarstwa Stary lud a přinoškom wo rozšěrjenju serbskich knihow w Delnjej Łužicy
13:00 Tematiske wusyłanje: Serbske baje a mytiske bytosće (2.)
13:40 Nabožne wusyłanje
(Manfred Hermaš)
po tym zbožopřeća
Plany noweje jednaćelki
Ćežišćo februarskeho wudaća telewizijneho magacina Wuhladko je „generaciska změna“ na čole Domowiny. Nowa jednaćelka třěšneho zwjazka serbskich towarstwow Judit Šołćina powěda w interviewje wo swojich planach a předstawach do přichoda. Z dalšim přinoškom wěnuja so lětušemu 26. jolka-swjedźenjej w Nuknicy, kotryž bu znatych přičin dla wospjet ryzy digitalnje wuhotowany.
Składnostnje prapremjery noweje inscenacije Němsko-Serbskeho ludoweho dźiwadła „Šěrcec Hanka“ wuswětla Wuhladko pozadki titulneje rjekowki, kotrejž bě Jurij Koch z nowelu „Židowka Hana“ literarny pomnik stajił. Nimo toho přewodźeja telewiznicy wučerja na wuměnku Hansa-Jürgena Flaku, kiž w biosferowym rezerwaće Hornjołužiska hola a haty za dźiwami přirody slědźi.
Telewizija MDR wusyła Wuhladko jutře, sobotu, w 11.45 hodź. Wospjetowani slědujetej póndźelu, 7. februara, w 6.40 hodź. na samsnym sćelaku resp. sobotu, 12. februara, w 13.30 hodź. w telewiziji RBB. W mediatece ARD je magacin wot jutřišeho cyłe lěto kóždy čas přistupny.
