Protyka (29.07.22)

pjatk, 29. julija 2022 spisane wot:

Pjatk 29. do 31.7.   Wjesny swjedźeń w Serbskich Pazlicach

Pjatk 29.7. 18:00 Serbski lěćny swjedźeń w Přiwćicach z wustupom Lózych hólcow

Sobotu 30.7. 14:00 Cirkus pod hołym njebjom „Skoki w miasto“ na Budyskim Serbskim kěrchowje

Pokiwy (29.07.22)

pjatk, 29. julija 2022 spisane wot:

Cirkus, klankodźiwadło a filmy

Budyšin. „Skoki po měsće“ rěka „prózdninska zabawa ze zajimawymi dźěłarničkami, animatorami a cirkusom“, kotruž towarstwo Kamjentny dom, Jeleniogórski Centrum kultury kaž tež tamniše dźiwadło Teatr Odnaleziony kónc tydźenja poskića. Jutře, sobotu, startuja z „rallye po měsće“ w 14 hodź. při Budyskim Serbskim kěrchowje. Njedźelu wuhotuja w barje Sundowner wot 15 hodź. mjez druhim dźěłarničku klankodźiwadła a „cirkusowy kurs za započatkarjow“. Nimo toho pokazaja trikowe filmy a dźiwadłowe hry. Přizjewjenje za darmotne poskitki trěbne njeje, wobdźělenje je tež krótkodobnje móžno.

Łapanje kokota w Błótach

Bórkowy. Bórkowska Domowinska młodźina přeprošuje na 129. łapanje kokota. Njedźelu, 31. julija, chcedźa so pacholjo wot 14 hodź. na łuce při droze Gólojskeho hrodu po starodawnym wašnju wo krónu krala žnjow wubědźować a sej ruku kralowny zdobyć. Přizamknje so swjedźeń z rejemi. Zastup je darmotny.

Rozhłós (29.07.22)

pjatk, 29. julija 2022 spisane wot:

njedźelu hornjoserbsce

11:00 Łužica tutón tydźeń z aktualnymi powěsćemi a pokiwami

11:20 „Słuchać a dobyć!“

12:00 Nabožne wusyłanje

(Krystof Rummel)

po tym zbožopřeća

delnjoserbsce

12:30 Aktualny magacin, mjez druhim z přinoškom wo woprašowanju „Łužiski monitor“ a julijskej kolumnu „Tak ja to widźu“

13:00 Tematiske wusyłanje: Muzikaliski wulět do klasiki

13:40 Nabožne wusyłanje

(Christiana Piniekowa)

po tym zbožopřeća

Do kina (27.07.22)

srjeda, 27. julija 2022 spisane wot:
28.7.–3.8.
We wobłuku 11. dnja rangerow chcedźa Yannik Otto a dalši kolegojo, skutkujo runja jemu w biosferowym rezerwaće Hornjołužiska hola a haty, sobotu, 30. julija, zajimcam „prašenja kołowokoło družinoškita“ rozłožić. Nimo toho změja wopytowarjo składnosć, so po wosebitej wustajeńcy „Wo žiwjenju w sćinje“ w Stróžanskim Domje tysac hatow wodźić dać. Foto: Bodo Hering

Protyka (22.07.22)

pjatk, 22. julija 2022 spisane wot:

Pjatk 22.7. do 6.8.   Mjezynarodny kurs serbšćiny Budyskeho Serbskeho instituta

Sobotu 23.7. 19:00 Nóc tysac swěčkow na zahrodźe klóštra Marijineje hwězdy w Pančicach-Kukowje

Njedźelu 24.7. 9:00 Dźěłarnička „Wšitko kołowokoło kosy – wot klepa­nja hač k syčenju“ w Čornochołmčanskim Krabatowym młynje

  14:00 Kuratorske wjedźenje po wustajeńcy „Party w 21. lětstotku“ w Budyskim Serbskim muzeju w serbskej rěči

  14:30 5. serbski supercup w kopańcy w Njebjelčicach

  15:30 Swójbny swjedźeń Domowinskeje skupiny Pančicy-Kukow na Kukowskim hrodźišću

Póndźelu 25.7. 17:30 Satkula-beachtura w Hórkach

Pokiwy (22.07.22)

pjatk, 22. julija 2022 spisane wot:

Tysacy swěčkow swěća

Pančicy-Kukow. Křesćansko-socialny kubłanski skutk CSB wuhotuje jutře, ­sobotu, znowa „Zahrodowu nóc w sćinje 1 000 swěčkow“ w klóštrje Marijina hwězda. Wot 19 hodź. chcedźa „atmosferu two­rjacy wječor z wjacorymi tysacami swěčkami“ zwoprawdźić. Wobrubjacy program wopřijima mjez druhim artistiku, hudźbu a wohnjowu show. Zastup płaći wosom eurow.

Premjerje wobydlerskeho jewišća

Budyšin. Pod hesłom „Sylne žony ­ze cyłeho swěta“ prezentuje Budyski socio-dźiwadłowy Thespis-centrum njedźelu, 24. julija, hnydom dwě premjerje. W 17 hodź. předstajeja inscenaciju „Wir ­schaffen das“, nastatu we wobłuku wobydlerskeho projekta. W 19.30 hodź. slěduje performance z widejemi, fotami a reju „Heilung“ ukrainskeje režiserki Aliny Kobernik. Zastup je darmotny.

Bauhaus we Łužicy

Lubij. Załožba Schminkec wila organizuje w lěću stajnje sobotu w 15 hodź. zjawne wodźenje po najwuznamnišim łužiskim twarjenju po wašnju Bauhausa w Lubiju. Přizjewjenje za něhdźe hodźinske zarjadowanje trěbne njeje, na wobdźělnika žadaja sej popłatk 10 eurow.

Prastawizny za dźěći

Rozhłós (22.07.22)

pjatk, 22. julija 2022 spisane wot:

njedźelu hornjoserbsce

11:00 Łužica tutón tydźeń

11:20 Historiske serbske hudźbne nahrawanja

11:45 Direktor Křesćan Korjenk so rozžohnuje

12:00 Nabožne wusyłanje

(Pětr Mróz)

po tym zbožopřeća

delnjoserbsce

12:30 Aktualny magacin, mjez druhim z přinoškom „Serbske žiwjenje w Drjenowje

13:00 Tematiske wusyłanje: „Tak kaž dźěd, tak tež wnuk“

13:40 Nutrnosć z Katharinu Köhlerowej a młodej wosadu Dešno

po tym zbožopřeća

Přeprošujana słowjansku nóc

štwórtk, 21. julija 2022 spisane wot:
Lipsk. Hudźbu a kulturu z wuchodneje Europy dožiwić móža zajimcy na lětnim swjedźenju słowjanskeje nocy, kotryž wotměje so jutře, pjatk, wot 20 hodź. w Lipšćanskej Moritzbasteiji na Naměsće Kurta Masura. Słowjansku nóc zahaji bandura-kwartet „Lvivjanki“ z Lviva. Na to zanjese chór „Slavia“ kozakske spěwy a ukrainske ludowe pěsnje. Rejwanska skupina „Impuls“ předstaji reje z wuchodneje Europy a tež „Kapela Polska“ přeprošuje wšitkich hosći k zhromadnemu spěwanju tradicionalnych pólskich pěsnjow. Jako wjeršk wotwjedu hudźbnicy kapały „Trio z Ukrainy“ z Waršawy a Kijewa wopytowarjow na hudźbne pućowanje po Pólskej a Ukrainje z folkloru, swójskimi kompozicijemi a słowjanskej diskoteku. Wšitcy zajimcy su tuž jutře w znatej Moritzbasteiji witani.

Wot swěčkow so wobkuzłać dać

srjeda, 20. julija 2022 spisane wot:

Pančicy-Kukow. Štóž chce rjany lětni wječor při swěčkach, hudźbje a z kuli­nariskimi wosebitosćemi dožiwić, njech njeskomdźi sobotu, 23. julija, wot 19 hodź. zahrodowu nóc w zahrodźe klóštra Marijineje hwězdy w Pančicach-Kukowje. Nimo zahajenja sezony, klóšterskeho swjedźenja a zeloweje njedźele je to jedyn z wjerškow w běhu lěta, kotrež tam organizuja. Prjedy hač do wšelakich wobrazow zestajene wjacore tysac swěčkow zaswěća, poskića na jewišću atraktiwny program ze šlagrom, jazzom, akrobatiku, reju a wohnjowej show. Wjeselić smědźa so wopytowarjo mjez druhim na spěwarku Lenu-Loreen Kürschner, kotraž je jako ­JeLa S w telewizijnym wu­syłanju sćelaka RTL „Deutsch­land sucht den Superstar“ nazhonjenja zběrała. Dale skutkuja sobu Drježdźanski jazzowy ­duwo Fokus, rejwanske studio TANZ3 ­a Drježdźanska ­artistka Heidi Witopil.

Serbska debata

nowostki LND