Woda, wowcy, dres a bus
Telewizijny magacin Wuhladko wěnuje so w awgusće hłownje drastowemu porjadej w šulach. Přičina je předwidźany dresowy kode, kajkiž je w nachilacych so lěćnych prózdninach mjez chowancami Serbskeho gymnazija Budyšin horcu diskusiju wuskutkował. Dalšej přinoškaj wobswětlujetej pochad pitneje wody w dwurěčnych regionach Budyskeho wokrjesa a pilotowy projekt samojězdźaceho busa při Bjerwałdskim jězoru. Nimo toho portretuja Gerata Šmita, kotrehož předstaja jako „drje poslednjeho powołanskeho wowčerja mjez Budyšinom, Kamjencom a Wojerecami“.
Telewizija MDR wusyła Wuhladko jutře, sobotu, w 12 hodź. Wospjetowanje na samsnym sćelaku slěduje póndźelu, 4. awgusta, w 6.50 hodź. Telewizija RBB pokaza magacin sobotu, 9. awgusta, w 13.35 hodź. W mediatece ARD je Wuhladko wot jutřišeho cyłe lěto kóždy čas přistupne.
Do kina (30.07.25)
31.7. –6.8.2025
Budyski filmowy palast:
Pokiwy (25.07.25)
Zahaja 2. festiwal Witaj
Njebjelčicy. Při Miłočanskej skale zahaji so dźensa, pjatk, 2. festiwal Witaj. Mjez druhim pokaza wot 21 hodź. Serbsko-Němska syć Łužycafilm program z krótkofilmami, w 22.30 hodź zahraje skupina Skaprifischer. Jutře, sobotu, wuhotuja wot 12 hodź. wjacore dźěłarnički.Wot 19.30 hodź. wustupja mjez druhim spěwytwórc Sascha Hollick kaž tež skupinje Serbska reja a Jacke Schwarz Banda. Zastup za cyły kónc tydźenja płaći znajmjeńša 25 eurow.
Skurilne stare Wojerecy
Wojerecy. Pod hesłom „Das ist ja kaum zu glauben“ předstaja čłonojo Towaršnosće za domiznowědu Wojerecy a tamnišeho Muzejoweho towarstwa dźensa, pjatk, a jutře kuriozity starych Wojerec. We wobłuku přihotow za rjad „Na hrodźe čitane“ su w historiskich nowinach, časopisach a chronikach „dźiwne, amizantne, skurilne a tež trašace podawki z wjacorych lětstotkow měšćanskich stawiznow“ našli. Zarjadowani wotmějetej so na Wojerowskim hrodźe a započinatej so stajnje w 19 hodź., zastup płaći 5 eurow.
Nowa wustajeńca w Zarěču
Křižowka (25.07.25)
Wodorunje: 3 tropiski štom, 6 paket z kruteje papjery, 7 wjesołe powědki, 8 Pólska jendźelsce, 11 wěnc hotować, 14 zorno bu w młynje ..., 15 forma komunikacije, 16 Erbauer serbsce
Padorunje: 1 muska wowca, 2 knježićel, 3 september, 4 pozitiwna elektroda, 5 wo nju stara so kmótra, 9 sławny drohotny kamjeń, 10 spisar, 12 čěske město, 13 wobsadka lětadła (ć=c)
Rozhłós (25.07.25)
Njedźelu hornjoserbsce
11:00 Łužica tutón tydźeń
11:20 Pućowanska reportaža
z Mexika
12:00 Nabožne wusyłanje
(Jan Malink)
po tym zbožopřeća
Njedźelu delnjoserbsce
12:30 Aktualny magacin, mjez druhim z přinoškom „Ukrainske źiśi w prozninach“ a kolumnu „Tak ja to wiźim – wjasele w prozninach“
13:00 Tematiske wusyłanje: Dopis Jura Surowina z Norwegskeje
13:40 Nabožne wusyłanje
(Hartmut Leipner)
po tym zbožopřeća
Do kina (24.07.25)
24.7. –30.7.2025
Budyski filmowy palast:
Pokiwy (18.07.25)
Swjedźeń słowjanskich bajkow
Dešno. Domizniski muzej Dešno wuhotuje jutře a zajutřišim, sobotu a njedźelu, mjeztym 5. słowjanski swjedźeń bajkow. Stajnje wot 11.30 hodź. předstaja na přikład powědace dźiwadło Machandel, spěwytwórc Bernd Pittkunings a rěčna motiwatorka Iben Lottra bajki a baje předewšěm po serbskich a ruskich motiwach. Wjetšina sobuskutkowacych pokaza swoje přinoški na woběmaj dnjomaj wjacekróć. Wobrubjacy program wopřijima tež historiske hry za dźěći, šminkowanje a třělenje z kłokom a prokom. Napoje a přikuski změja na předań. Zastup na dźeń a wosobu płaći 5,50 resp. potuńšeny 3,50 eurow.
Wernisaža a performance
Křižowka (18.07.25)
Wodorunje: 3 ćěłozwučowanje, 6 stolica Mosambika, 7 słód, 8 klima, 11 kulturna epocha, pózdni barok, 14 božemje španisce, 15 lětace zwěrjata, 16 koparski klub Rostocka
Padorunje: 1 smjeće, 2 srědk k čisćenju, 3 funkcija w Serbskim Sokole, 4 kritika, wumjetowanja, 5 „Rahmen“ zeserbšćene, 9 jenička, 10 twjerdy plack, 12 družina wjelryby, 13 „jedyn“ rusce
Rozhłós (18.07.25)
Njedźelu hornjoserbsce
11:00 Łužica tutón tydźeń
11:20 Reportaža z proby za lětušu pasionsku hru „Sćěhuj mje!“ w Chrósćicach
12:00 Nabožne wusyłanje
(Gabriš Nawka)
po tym zbožopřeća
Njedźelu delnjoserbsce
12:30 Aktualny magacin, mjez druhim z přinoškom „Prědny serbski filmowy źeń w Chmjelowje“
13:00 Portet: Nowa dirigentka Serbskeho ludoweho ansambla Katharina Dickopf
13:40 Nabožne wusyłanje
(Hartmut Leipner)
po tym zbožopřeća
Kak dale z kubłanjom?
Rěčne kubłanje je w juliju ćežišćo telewizijneho magacina Łužyca. Tak rěči moderator Christian Matthée z Heikom Kozelom wo napjatej situaciji nastupajo bilingualnu wučbu na Delnjoserbskim gymnaziju Choćebuz. Dale wobswětluje snadny zajim maturantow za studij sorabistiki, kotryž so na personalne połoženje na šulach Delnjeje Łužicy wuskutkuje. Slěborny jubilej Witaj-projektow pak je moderatorej z přikładom za tamniše pozitiwne wuwiće. Telewizija RBB wusyła Łužycu jutře, sobotu, w 13.35 hodź. Wospjetowanje na samsnym sćelaku slěduje zajutřišim, njedźelu, w 7.30 hodź. Telewizija MDR pokaza magacin sobotu, 26. julija, w 12 hodź. W mediatece ARD je wot jutřišeho cyłe lěto kóždy čas přistupny.
Na slědach Krabata
Telewizija MDR pokaza wutoru, 22. julija, w 21 hodź. we wobłuku rjadu „Der Osten – entdecke, wo du lebst“ reportažu „Krabat – auf den Spuren einer Legende“. Nimo jězby „do wutroby, wěry a identity serbskeho ludu“ wopřijima film dotal njewusyłane nahrawanja wuprajenjow Jurja Brězana a Otfrieda Preußlera. W mediatece ARD je přinošk hižo přistupny.
