Kak štomy prawje hladać?

Njebjelčicy. Lipšćanski institut za štomowu diagnostiku Panitzsch přewjedźe 26. a 27. oktobra, stajnje wot 8 do 15.30 hodź., wukubłanje za hladanje młodych štomikow a za wobrězanje štomow. Na­drobniše informacije wo wobsahu jednotliwych wučbnych hodźin dóstanu zajimcy w zarjadniskim zwjazku Při Klóšterskej wodźe kaž tež w Njebjelčanskim gmejnskim zarjadnistwje. Kaž wjesnjanosta Tomaš Čornak (CDU) informuje, budu wobdźělnicy štomiki w Njebjelčanskej a w Pančičansko-Kukowskej gmejnje wobrězować. Wobdźělenje na seminarje płaći wob dźeń 20 eurow, štož je za tajkele kubłanje jara přijomna płaćizna.

Ze zapósłancom so rozmołwjeć

Wojerecy. Akademija seniorow Křesćansko-socialneho kubłanskeho skutka wita jutře, štwórtk, w 10 hodź. na rozmołwu ze zapósłancom Sakskeho krajneho sejma Frankom Hirchu (CDU) wo aktualnych temach swobodneho stata. Zarjadowanje wotměje so na Wojerowskej dźěćacej a młodźinskej farmje. Přizjewjenja su móžne pod telefonowym čisłom 03571/ 426 339.

Pólski rězbar wustaja

Budyšin. Rězbar, basnik a hudźbnik Ryszard Zając z Jelenjeje Góry předstaji swoje wuměłske rězbarjenje we wustajeńcy, kotruž wotewru jutře, 14. oktobra, we 18 hodź. w Budyskej Serbskej kulturnej informaciji. Wšitcy zajimcy su wutrobnje přeprošeni. Zając je mjez druhim znatu drjewjanu cyrkej Wang w Karpaczu ponowił. Hakle spočatk septembra bě wón ze swojimi wudźěłkami na Ralbičanskim wjesnym swjedźenju babylěću zastupjeny.

Za nanow z dźěćimi

Smochćicy. „Z papu pokład pytać“ rěka hesło kónca tydźenja za nanow a jich dźěći, kotryž přewjedu wot 20. do 22. nowembra w Smochčanskim Domje biskopa Bena. Tam chcedźa zhromadnje pokłady žiwjenja pytać; ale tež wopyt praweje pokładownje steji na programje. Dale su planowane kreatiwne zaběry a chwile za hry, kotrež wjele wjesela wobradźeja. Kónc tydźenja nawjedować budźe referent domu Ansgar Hoffmann. Zajimcy njech přizjewja so pod telefo­nowym čisłom 035935/ 22 317.

Přewjedźetaj rěčnu hodźinu

Pjatk 9.10. 19:00 Nakupowanski wječor „Wohnjowe kuzło“ w Ku­lowje

  19:30 Wotewrjenje wustajeńcy Reinholda Grottkera we Łazowskim Domje Zejlerja a Smolerja

Sobotu 10.10. 9:00 Domchowanka a kermuša w Koćinskim Krabatowym mlokowym swěće

  9:00 Kubłanski dźeń za 7. a 8. lětnik we Worklečanskim Don Boskowym domje

  11:30 Hornjoserbski telewizijny magacin Wuhladko na sćelaku MDR

  14:30 Serbske swójbne popołdnjo w Stróžanskim Domje tysac hatow

  15:00 Wotewrjenje archeologiskeje wustajeńcy w Budyskim Měšćanskim muzeju wo wobsydlenju Hornjeje Łužicy

  19:00 Koncert chóra Serbskeho ludoweho ansambla z hudźbu romantiki a pózdnjeje romantiki na Wojerowskim hrodźe

  20:00 Party němsko-serbskeho přećelstwa DSF w Ko­njecach

Njedźelu 11.10. 9:00 Nazymski swjedźeń na rybarskim dworje w Holešowje

  15:00 Nazymski koncert Wudworskeho folklorneho ansambla a skupiny Přezpólni w Radworskim hosćencu „Meja“

  15:30 Nazymski koncert delnjoserbskeho chóra Łužyca w Slepjanskim Serbskim kulturnym centrumje

  19:00 Nazymske zarjadowanje w Budyskej hwězdarni „Herkules a hwězdna nazyma“

Po tym zo maja we Wojerecach a Kulowje hižo dlěši čas zjawnu knižnu chěžku, su nětkole tež w Budyšinje tajku wotewrěli. Na knižnu chěžku přetwarjena telefonowa chěžka steji na Póstowym naměsće. Nastorčiła je projekt swójbna přirada sprjewineho města. Wosebje angažowała je so při tym Birgit Kieschnick. Trěbnych 2 000 eurow su z pjenježnych darow nałožili. Kóždy móže sej nětko knižku z chěžki wzać abo knižku do njeje stajić. Knižki zaso wróćić njeje winowatosć. Foto: Carmen Schumann