Natutkany čěski policist wobškodźi wosrjedź Prahi ze swojim priwatnym awtom 51 parkowacych awtow a na to ćekny. Kaž policija čěskeje stolicy zdźěli, móžachu zastojnicy amokowu jězbu swojeho kolegi po pokiwach pěškow skónčić. Při kontroli naměrichu wjace hač promil alkohola. Policija nětko spyta, wobsedźerjow wšěch 51 wobškodźenych awtow zwěsćić. Cyłkownu škodu trochuja na wjace hač 100 000 eurow.
Zełharny pomocnik je 20lětnemu w Bremenje awto pokradnył. Paduch spočatnje 20lětnemu pomhaše defektne awto zaćišćeć. Při tym sydny so sam za wodźidło. Jako wóz zaskoči, „pomocnik“ z nim twochny. Při tym wšak wostaji swój nachribjetnik stejo. Policisća zamóchu jeho spěšnje identifikować, wšako běchu muža hodźiny do toho při kradnjenju we wobchodźe lepili. Za nim dale pytaja.
Přihotuja prózdninske hry
Zły Komorow (ch/SN). Tež lětsa změja w Złym Komorowje agenda-diplom. Z tym so dźěćom w lětnich prózdninach wotměnjawe zarjadowanja poskićuja. Na zahajenskim zarjadowanju su so wčera zajimowane předewzaća, towarstwa a institucije wo projekće informowali a swoju zwólniwosć k angažementej signalizowali. Hač do kónca apryla zběra město najprjedy raz poskitki. Po tym brošurku ze wšitkimi zarjadowanjemi zestaja. Zo by so wjace dźěćom wobdźělenje zmóžniło, bu ličba přizjewjenjow na maksimalnje šěsć redukowana. Diplom wobroća so na dźěći wot wosom do dwanaće lět. Wobdźělenje na zarjadowanjach je darmotne.
Zhubjene awto našli
Münster (B/SN). Transport Němskeje załožby za drasty je jutry wotjěł do grjekskeho regiona Indomeni. Tam dohladuje biskop Grjekskeje ewangelskeje cyrkwje hromadźe z teamom pomocnikow něhdźe 16 000 ćěkancow. Ludźo, kotřiž pochadźeja zwjetša z kónčin wobydlerskeje wójny na Bliskim wuchodźe, nadźijeja so při hranicy k Makedonskej, zo směli dale do srjedźneje Europy. Tuchwilu su špatneho wjedra dla drasta a črije nuznje trěbne. Dalše pod: www.kleiderstiftung.de
Biskop: Assada njezatamać