Rozjimuja reformu justicy
Nadběhi zasudźili
Heidelberg (SN). Budyšin a aktualne po- dawki krizy ćěkancow dla běchu mjez druhim tema zetkanja Němskeje mjeńšinoweje rady wčera w Heidelbergu. Zastupnicy štyrjoch awtochtonych narodnych mjeńšin Němskeje Frizow, Danow, Serbow a Sintow a Romow, zapalerstwo w sprjewinym měsće raznje zasudźeja kaž tež „dalše nadběhi na domy ćěkancow. Zasadźamy so za dodźerženje čłowjeskich prawow – a to ze wšej politiskej wehemencu“, rěka w zhromadnej zdźělence mjeńšinoweje rady a Centralneje rady němskich Sintow a Romow.
Rozestajeli su so tež z wólbnym bojom w Badensko-Württembergskej. Tak zwuraznichu swoje njezrozumjenje na wabjenju NPD. Znowa wabi strona z plakatami, kotrež měrja so přećiwo mjeńšinje Sintow a Romow. Mjeńšinowa rada podpěruje iniciatiwu centralneje rady Romow, kotraž bě měšćanostow namołwjała wólbne plakaty NPD wotstronić.
Serbow zastupowali su w Heidelbergu předsyda Domowiny Dawid Statnik, jednaćel třěšneho zwjazka Bjarnat Cyž, městopředsydka Domowiny Judith Wałdźic a čłon zwjazkoweho předsydstwa Kito Ela.
To a tamne (11.03.16)
Z prawej „dalokodiagnozu“ je słucharka rozhłosowemu moderatorej z nuzy pomhała. Rozhłosownik Christian Stübinger bě wutoru rano w sćelaku Radio Energy Hamburg skoržił, zo ma wulke brjušebolenje a jara wysoki puls. Tole słyšawši hladarka chorych w sćelaku zazwoni, mějo podhlad, zo ma „Stübi“ slepe črjewo zahorjene. Wón wusyłanje hnydom přetorhny, poda so k lěkarjej a bu hišće samsny dźeń operowany.
81lětny italski rentnar dyrbi do jastwa, dokelž bě lěta 2008 we wobchodźe DVD pokradnył. Tehdy bě sobudźěłaćer wobchoda starca při kradnjenju lepił. Wonaj so chětro rozestaještaj, při čimž so sobudźěłaćer zrani. Sudnistwo měješe to za ćežke rubježnistwo a zasudźi starca k dwěmaj lětomaj jastwa. Dokelž bě wón zapasł, sčasom wo wusadźenje chłostanja prosyć, su jeho nětko w měsće Pescara zajeli.
Łužica (11.03.16)
H&M do Łužiskeho centera
Wojerecy (ch/SN). Kónc oktobra wote- wrje šwedska modowa syć H&M we Wojerowskim Łužiskim centeru filialu, kaž management centera zdźěli. Hač do toho ma so tam hišće tójšto přetwarić. Kupnica Woolworth na přikład 30. apryla přechodnje začini, zo by so potom z pomjeńšenej předawanskej płoninu, za to pak w nowym šaće znowa prezentowała. Dalše naprawy přetwara planuja lětsa mjez druhim we wobchodach New Yorker, Hussel a Rauer. Za dźělny hišće swobodny wobłuk na hornim poschodźe bywšeho domu Karstadt jedna management z rejwanskej šulu.
Woidke napomina ratarjow
W braniborskim Nauenje su dźensa něhdyšu sportowu halu torhać ...
Předewzaćeljo warnuja před AfD
Kónc gripy hišće njewotwidźomny
Njenadźaty wotstup
Kak dale z ćěkancami?
Zawrjenja balkanskeje čary dla knježi njepřezjednosć
Brüssel (dpa/K/SN). Nutřkowni ministrojo krajow Europskeje unije dźensa wo tym wuradźuja, kak w politice napřećo ćěkancam dale postupować. Na posedźenju, na kotrymž wobdźěli so tež němski ressortowy šef Thomas de Maizière (CDU), woni mjez druhim rozjimuja, kak zwoprawdźić plan komisije EU, hač do kónca lěta Schengenski rum zrjadować tak, zo wonkowne hranicy funguja a na nutřkoeuropskich hranicach žane kontrole trěbne njejsu. Tohorunja dźe wo to, natwarić zhromadnu hraničnu a pobrjóžnu stražu.
