Ukraina jako objekt slědźenja
Zelenskyj: Frontu wobtwjerdźić
W Gazaskim pasmje zaso wojuja
Tel Aviv/Gaza (dpa/SN). Nadźija na podlěšenje přiměra w Gazaskim pasmje njeje so spjelniła. Israelska armeja wot dźensnišeho zaso přećiwo islamistiskej Hamas wojuje. Wojerske lětadła wot ranja zaso objekty Hamas w dospołnje zawrjenym Gazaskim pasmje bombarduja, israelska armeja po tydźeń trajacym přiměrje zdźěli. Runočasnje je Hamas dalše rakety do směra na Israel startowała.
Arabski sćelak Al-Dshasira rozprawja po informacijach swědkow wo ćežkich wojowanjach w měsće Gazy a druhich kónčinach na sewjeru pasma Palestinjanow. W centrumje města zasadźa israelska armeja mjeztym tež tanki, kotrež operuja njedaloko lěhwow ćěkancow Nuseirat a Bureidsch. Pječa bombarduja israelske lětadła wot najnowšeho tež objekty na juhu Gazaskeho pasma, štož dotal činili njejsu.
Israel a Hamas běštej so z posrědkowanjom Katara, Egyptowskeje a USA před tydźenjom na přiměr dojednałoj. W tymle času su dźesatki israelskich zastajencow a jatych Palestinjanow pušćili.
Serbske Nowiny wudawaja so w Domowina-Verlag GmbH Ludowym nakładnistwje Domowina
Jednaćel: Syman Pětr Cyž
Ludowe nakładnistwo Domowina tzwr spěchuje Załožba za serbski lud, kotraž dóstawa lětne přiražki z dawkowych srědkow na zakładźe hospodarskich planow, wobzamknjenych wot Němskeho zwjazkoweho sejma, Krajneho sejma Braniborskeje a Sakskeho krajneho sejma.
Šefredaktor a zamołwity redaktor w zmysle
nowinarskeho zakonja: Marcel Brauman 577 232/233 Naměstnik šefredaktora: Axel Arlt 577 238
tel.: 03591 / 577 232 faks: 03591 / 577 202 e-mail: www.serbske-nowiny.de
Adresa redakcije a nakładnistwa: Sukelnska 27, 02625 Budyšin
Adresse der Redaktion und des Verlages: Tuchmacherstraße 27, 02625 Bautzen
Zamołwita za rozšěrjenje a marketing:
Patricia Róblowa 577 273
Předań nawěškow: Janka Rögnerowa 577 220 e-mail:
Ćišć: DVH Weiss-Druck GmbH & Co. KG, Lejnjanska 14, 02979 Halštrowska Hola, wjesny dźěl Hory
Vertriebskennzeichen: 2 B 2560 B
To a tamne (01.12.23)
Mobilne telefony na šulach zakazać chcedźa w Nowoseelandskej. Nowe konserwatiwne knježerstwo zdźěla, zo budźe we wólbnym boju připowědźeny plan w běhu sto dnjow přesadźeć. Po tutym puću chcedźa koncentraciju a wukony šulerjow stopnjować. Francoska bě handyje w šulach hižo 2018 zakazała, w Nižozemskej a Wulkej Britaniskej wo tym rozmysluja. Němska drje tež wo tym diskutuje, zwjazk wučerjow pak je so hakle njedawno přećiwo zakazej wuprajił.
Na wšěch 555 hodownych štomow z plasty w swojim domje nastajiłoj staj Thomas a Susanne Jeromin w delnjosakskim Rintelnje. Rekordny institut Němskeje je porik wčera wopytał, zo by zybolacu so zběrku jako nowy swětowy rekord připóznał. Před lětomaj měještaj hišće 444 štomow. Njewšědny dohodowny konik pěstujetaj mjeztym dwanaće lěta.
Knježerstwo zasudźene
Berlin (dpa/SN). Zwjazkowe knježerstwo dyrbi hnydomne programy na dobro škita klimy w nadróžnym wobchadźe a při twarjenjach zwoprawdźić. Tole je Berlinsko-Braniborske zarjadniske sudnistwo wukazało. 11. senat je po tutym puću skóržbje Němskeje wobswětoweje pomocy a wobswětoweho zwjazka BUND wotpowědowało. Sudnistwo zwěsća, zo dyrbi zwjazkowe knježerstwo přidatne naprawy přesadźić, chce-li klimowe zaměry za lěta 2024 do 2030 hišće docpěć.
Lawrowa dla wotprajili
Skopje (dpa/SN). Kóždolětne zetkanje Organizacije za wěstotu a zhromadne dźěło w Europje (OSZE) wotměwa so wot dźensnišeho bjez wodźacych diplomatow Ukrainy a baltiskich statow. Protestujo přećiwo wobdźělenju swojeho ruskeho kolegu Sergeja Lawrowa na dwaj dnjej trajacej konferency w sewjero-makedonskej stolicy Skopje běchu woni swoje wobdźělenje wotprajili. Wonkowna ministerka Annalena Baerbock (Zeleni) a Antony Blinken z USA pak tam staj.
Warnuje před islamistami
Před sewjerorynsko-westfalskim krajnym sejmom w Düsseldorfje su ...
Přiměr wo dźeń podlěšeny
Henry Kisinger zemrěł
70 000 na klimowej konferency
Dubai (dpa/SN). Zwjazkowe knježerstwo chce so na klimowej konferency UNO w Dubaiju za naročne zaměry zasadźeć, mjez druhim za skónčenje wužiwanja wuhla, wolija a zemskeho płuna po wšěm swěće. „Nětko dźe wo to, tempo wuwića zwyšić. Konferenca w Dubaiju je najwažniša po klimowej konferency w Parisu. Tam chcemy bilancować, hdźe stejimy“, rjekny zwjazkowa wonkowna ministerka Annalena Baerbock (Zeleni) do zahajenja konferency w Dubaju. Zastupnicy 200 krajow chcedźa wot dźensnišeho dwaj tydźenjej w emiraće nad Persiskim zaliwom wo tym wuradźować, kak móhli klimowu krizu zadźeržeć.
Kritikarjo šwikaja njesměrne dimensije konferency. W Dubaiju wočakuja 70 000 wobdźělnikow, kotřiž přińdu zwjetša – z lětadłom. Mjez nimi je tež tójšto lobbyistow fosilneje energije. „Woni přińdu, zo bychu swoje pozdatne zelene ambicije pokazali. Woprawdźe pak chcedźa wšitko zachować kaž je a fosilne energije dale wužiwać“, zdźěli Podstupimski institut za klimowe slědźenje.
