Kupjele pod hołym njebjom w Budyskim wokrjesu su na lěćo přihotowane
Budyšin (SN/MiP). Po wěsćenju stolětneje protyki budźe wjedro lětsa w juniju dosć njewobstajne – ćopłe a słónčne dny so z dešćojtymi móhłrjec w kole wjerća. Wědomostne meteorologiske prognozy za měsac junij w přerězku wo jedyn do dwaj stopjenkaj přehorce temperatury wěsća, w južnych kónčinach kraja připowědźa časćiše sylne njewjedra. Prěni junij – dźeń dźěsća – je w Němskej spočatk meteorologiskeho lěća. Za wjetšinu kupjelow pod hołym njebjom je to tež dźeń, na kotrymž młodym a staršim kuparjam swoje wrota wotewrěja a kupansku sezonu zahaja.
Sport na swjatkachW Pěskecach swjeća wot 18. meje do 20. meje wjesny swjedźeń z dwěmaj koparskimaj turněromaj. Wubědźowanje koparskeje młodźiny E započnje so njedźelu w 11.00 hodź. Póndźelu zetkaja so wjesne koparske mustwa z Noweje Wjeski, Róžanta, Smjerdźaceje, Pěskec, Njebjelčic, Serbskich Pazlic, Sulšec a Worklec w 12.15 hodź., zo bychu wot 13.00 hodź. tradicionalny koparski turněr wuhrali. W sportowym centrumje w Němskich Pazlicach přewjedźe so swjatki 39. ludosportowa njedźela z koparskim a wolejbulowym turněrom. Wona započnje so dopołdnja w 10.00 hodź. Wokoło 16.30 hodź. změja tam mytowanje dobyćerjow. Turněr w Hórnikecach
Róžownik – meja – je měsac kralownow a kralow. To tež lětsa zaso w cyłej Łužicy widźiš. Tradiciju su w někotrych wsach lětsa samo wožiwili. Tak steješe lětsa prěni raz po nimale 20 lětach meja tež zaso w Bukecach. A tež w Zejicach su wjesnjenjo 1. meje tutón symboliski štom stajili. Nimo na wsach pěstuja tule tradiciju dźěći w šulach a pěstowarnjach. To zwuraznja, zo su wobydlerjo kónčiny hordźi na swoje nałožki. K tomu wězo słuša, zo so holcy narodnu drastu zwoblěkaja.
Wuchowanscy pomocnicy wohnjoweje wobory mějachu wčera njewjedrow dla na juhu Němskeje ruce połnej dźěła. Tam je so mócnje dešćowało a z blakami dyrbjachu samo krupy z dróhow suwać. Dróhi, pincy a garaže běchu přepławjene. Wohnjowi wobornicy prošachu wobydlerjow wo kedźbnosć. Foto: pa/dpa Jason Tschepljakow
We Worklecach meju mjetajaWorklecy. Worklečanska młodźina přeprošuje wšitkich na swoje lětuše mejemjetanje. Tute wotměje so jutře, sobotu 18. meje, na kupje. W 16.30 hodź. započina so kulturny program. Po tym budźe zabawa za cyłu swójbu na sportnišću při tamnišej šuli. Wot 20 hodź. su potom reje z Frankom Wjeselu.Mejemjetanje w HórkachHórki. Hórčanska młodźina a Wjesne towarstwo ,,Při skale‘‘ přeprošujetej na mejemjetanje njedźelu, 19. meje. Započatk je w 15.30 hodź. z kofejom a tykancom a programom wjesnych dźěći. Mejemjetanju w 17 hodź. přizamknje so mejska reja. Wot 19 hodź. su wšitcy na zhromadny zabawny a spěwny wječor ze skupinu „Brankatschki a přećeljo‘‘ přeprošeni.Mjezynarodny dźeń muzejow
Njedaloko Radworja, zapadnje Miłkec, na Wohnjowej horje sedźa tři młode wiwki (Waldkauz) na hałuzy štoma. Do skupiny sowow słušacy ptak zežiwi so přewažnje z myšow. Njeje jich dosć, potom popadnu ptački. W hnězdźe leža jedne do sydom jejow, z kotrychž so po 28 do 30 dnjach młodźata wudypaja. Foto: Handrij Baumgärtel
Wojerecy (KD/SN). Město Wojerecy poskića młodźinje nowe powołanske perspektiwy, na přikład we wobłukach: wobnowjomne energije, turizm, strowota, twarjenje a bydlenje. Tute w změnje strukturow a z demografiskej změnu nastawaja. Na lětušej kubłanskej konferency 2024 města a koordinacije za kubłanje tutón tydźeń wutoru, su mnozy zastupjerjo powšitkowno- a powołanskokubłacych šulow, předewzaćow, towarstwow a čłonojo měšćanskeje kubłanskeje přirady rozjimali, kak móhli šulerjam móžnosće wukubłanja w měsće zbližić.
Milenka RječcynaPřed wjace hač 34 lětami dźěše nam wo to, zo směmy skónčnje bjez mjezow myslić, bjez hranicow wuknyć a wězo tež bjeze zawěrow po cyłym swěće pućować. Dźensa husto skerje wo to dźe, zo sej swójsku swobodu bjez wobmjezowanjow z tym stworimy, zo přeća abo měnjenja druhich wumjezujemy. Tysacy su tehdy na dróhu šli, zo bychu swoju žadosć za duchownej, ćělnej a dušinej swobodu zwuraznili. Běše to „wulki konsens myslenja“. Wołanje něhdy a dźensa so jara rozeznawa, tež hdyž tuchwilu zaso tysacy dźeń a bóle za swobodu rjeja. Tući pak nažel swój duch njenapinaja a wo tym njerozmysluja, hač je to, za čim žedźa, zmysłapołne a čłowjeskemu byću bliske. Wosebje pak so na to njedopominaja, zo ma kóždy čłowjek na swěće prawo, swoje měnjenje zwuraznić, sej swoje žiwjenje tak wuhotować, kaž sej to sam přeje a tež tam, hdźežkuli to chce. Dźensniša wjetša mobilita dowola čłowjekej, zo so do najzdalenišich kónčinow swěta dóstawa – za Aborigines je to snadź Bayerski lěs a za Serbow pralěs w B ...
Wólby Europskeho parlamenta wažna tema w pólskej towaršnosćiWaršawa. Wólby parlamenta Europskeje unije su w Pólskej wažna tema. Hinak hač snadź w Němskej howri w susodnym kraju dosć razny wólbny bój. Hłownej přećiwnikaj w tutym boju stej nowe knježerstwo Wobydlerskeje koalicije z ministerskim prezidentom Donaldom Tuskom a něhdy knježaca strona PiS z předsydu Jarosławom Kaczyńskim na čole.Wočiwidne je, zo je PiS we wólbnym boju jara aktiwna. Wšudźe wabi wona z plakatami za swojich kandidatow. Po tutym puću prezentuja so bywši nawoda pólskeje statneje telewizije Jacek Kurski, šef wolijoweho koncerna Orlen Daniel Obajtek a bywša ministerska prezidentka Beata Szydło. Kandidaća maja w Europskim parlamenće w prěnim rjedźe zajimy Pólskeje zastupować, PiS zdźěla. Kandidatam knježerstwa Kaczyński wumjetuje, zo zastupuja w Europarlamenće zajimy Brüssela a – Němskeje.
Wojerecy (SN/mb). Mjezystaw planowaneho projekta „Via Sorabica Hoywoj“, šćežka z pokiwami na serbske stawizny města, je z wida předsydstwa župy „Handrij Zejler“ njespokojacy. To zwěsćichu čłonojo gremija na swojim wčerawšim posedźenju w bróžni pola domu Domowiny we Wojerecach po rozprawje županki Gabriele Linakoweje wo njedawnym wuradźowanju ze zastupjerjemi měšćanskeho zarjada. Najebać to, zo je Werner Sroka hižo lěta dołho zdźěla dotal njeznate fakty za informaciske tafle wuslědźił, klaca z přilubjenej podpěru ze stron města. Wyši měšćanosta Torsten Ruban-Zeh (SPD) bě drje w narěči na swojim lońšim přijeću připowědźił, zo chcedźa projekt hromadźe z Domowinu zwoprawdźić. Ale nětko su zastupjerjo města njejapcy zdźělili, zo njemóže so město na financowanju wobdźělić. Problematiku budźe Domowina tež na posedźenju serbskeje přirady města přichodnu srjedu tematizować.
