Najprjedy sportować, potom swjećić

pjatk, 09. awgusta 2019 spisane wot:

Lětuša bičwolejbulowa tura Radija Sat­ku­la je so 2. julija zahajiła. Hač do kón­ca awgusta hišće so mustwa na do­hro­mady dźewjeć stacijach wubědźuja. W małej seriji­ jednotliwe hrajnišća předstajamy.

Konjecy (SN/pdź). Bičwolejbulowe mustwo młodźinskeho kluba Konjecy-Šunow je so dotal we wšelakorych wobsadkach na kóždej staciji lětušeje tury Radija Satkula wobdźěliło. Młodźi Konječenjo a Šunowčenjo pak nimaja jenož wjeselo, přećiwo druhim cyłkam hrać, ale chcedźa so tež lětsa zaso aktiwnje na wuho­towanju sportoweje tury po Łužicy wobdźělić.

Pytaja za kmanym mjenom

pjatk, 09. awgusta 2019 spisane wot:

Přichodna plahowarnja garnelow w Njebjelčicach formu nabywa

Njebjelčicy (JK/SN). Wšitko wonja za nowym, za twaršćiznami a barbu w něhdyšim chlěwje Njebjelčanskeje plahowarnje rancow. Tam nastawa plahowarnja garnelow, kotraž nima w němskej runjeća, dokelž ma cyle nowy koncept. Předwčerawšim je so tam sakski minister za ratarstwo a wobswět Thomas Schmidt (CDU) wo stawje twarskich dźěłow a wo koncepće młodeho předewzaća Suburban wobhonił. Jednaćel Friedrich Tietze ministrej a jeho přewodnikam přeswědčiwje a hordźe tuchwilny staw přetwara něhdyšeho chlěwa rozłoži. Wěsta napjatosć při tym knježeše, wšako je to poměrnje wulke a naročne předewzaće, kotrež Tietze a jeho sobuwojowarjej w Njebjelčicach na nohi staja. Minister bě widźom­nje překwapjeny wo techniskim wuhotowanju a naročnym zaměrje předewzaća. Zdobom móžeše so wo tym pře­swědčić, kak spěchowanske srědki swobodneho stata za tónle projekt zmysłapołnje zasadźeja.

Krótkopowěsće (09.08.19)

pjatk, 09. awgusta 2019 spisane wot:

Zeleni z ludźimi diskutowali

Budyšin. Předsydka frakcije w Bayerskim krajnym sejmje Katharina Schulze a zapósłanča Sakskeho krajneho sejma Franziska Schubert (wobě Zwjazk 90/Zeleni) stej wčera w Budyskim Serbskim domje pod hesłom „Zmužiće přichod tworić“ z wobydlerjemi diskutowałoj. Ně­hdźe dwaceći zajimcow je na přeprošenje Budyskich Zelenych přišło.

Widejowe dohladowanje zahajili

Zhorjelc. Z pomocu widejoweho dohladowanja chcedźa přećiwo kri­mina­liće w Zhorjelskim starym měsće bóle zakro­čić. Na mosće přez Nysu su dźensa prěnju kameru policije zaswěćili. Po słowach sakskeho nutřkowneho ministerstwa je to po cyłym Zwjazku jónkrótny projekt. W Zhorjelcu maja so štyri městnosće dohladować, hdźež su w zašłosći wjele přeńdźenjow registrowali.

Towaršnosć zašo wutworja

Policija (09.08.19)

pjatk, 09. awgusta 2019 spisane wot:

Pytaneho lepili

Běła Woda. Po pokiwje kedźbliweho wobydlerja je policija zawčerawšim w Běłowodźanskim zahrodowym domčku dospołnje wopiteho muža lepiła, kiž tam kruće spaše. Jednaše so wo 31lětneho bjezdomneho Leta. Po prěnich přepytowanjach so wukopa, zo bě wón z kolesom přijěł, kotrež bu w Žitawskej kón­činje pokradnjene. Dale měješe wón mobil­ny telefon při sebi, pochadźacy ze za­dobywanja w braniborskim Gubinje. Nimo toho je hižo šěsć wšelakich statnych rěčnistwow Sakskeje a Braniborskeje za 31lětnym pytało.

Pokaza wobrazy a skulptury

pjatk, 09. awgusta 2019 spisane wot:
Budyšin. „Powědkowy raj“ rěka wustajeńca, kotruž wotewru přichodnu srjedu, 14. awgusta, we 18 hodź. w Budyskej Serbskej kulturnej informaciji. Monika Šubertowa pokaza tam swoje wobrazy a skulptury. Wšitcy zajimcy su wutrobnje přeprošeni. Hudźbnik Bernd Pittkunings wotewrjenje přehladki wobrubi.

Wobchod na prěnim poschodźe był

štwórtk, 08. awgusta 2019 spisane wot:

Něhdy bě w nimale kóždej wsy naku­powanišćo, hdźež poskićachu twory wšědneje potrjeby. Runočasnje běchu to socialne centrumy, hdźež so wjes­njenjo rady k bjesadźe zetkawachu. W našej lětnjej seriji na něhdyše wjesne wob­chody dopominamy.

Dźensa: Stróža (12)


W Stróži (Wartha), małej wsy Malešanskeje gmejny, měješe na Bernardec sta­toku za čas Druheje swětoweje wójny a hišće po tym wěsty Petrik wobchodźik. Serbja, a tych bě tehdy we wsy samej a w bliskim Lemišowje (Lömischau) hišće wjele, pola njeho serbsce nakupowachu. Jeho dźowka Hanaróža, pozdźiša mandźelska dr. Pawoła Völkela, bě prěnja serbska holca, kotraž je we wukraju studowała, a to hudźbu na Karlowej uniwersiće w Praze. Tež pozdźišo jako wučerka na Budyskej ludowej uniwersiće je wona stajnje jako wědoma Serbowka wustu­powała. W Bernardec domje je dźensa woblubowany hosćenc, pomjenowany po rybačku (Eisvogel), ptačku lěta 1973 a 2009.

Eksot so dale a bóle wupřestrěwa

štwórtk, 08. awgusta 2019 spisane wot:
Woprawdźiteho eksota su tele dny we Wjerbnjanskej zahrodce našli. Optisce drje podobnja so insekt smuhow na ćěle dla wosy. Tola tu jedna so wo wosaceho pawka. Jeho jěd za čłowjeka na zbožo strašny njeje. Wšako su jeho jědojte pazorki překrótke, zo móhli čłowječu kožu překałnyć. Před něhdźe połsta lětami hišće měješe pawk předewšěm w južnej Europje swoju domiznu. Mjeńše kupki překasanca pak nańdźechu tež hižo w Hornjorynskim rewěrje a wokoło Berlina. Wosacy pawk pak swoje areale dale a bóle rozpřestrěwa. Mjeztym je nimale po cyłej Europje kaž tohorunja w aziskich a sewjeroafriskich kónčinach zasydleny. Foto: Michael Helbig

Priwatne firmy a zjawne zarjadnišća šulerjam lědma hišće zmóžnjeja, tam w prózdninach dźěłać a sej trochu kapsneho pjenjeza přizasłužić. W klóštrje Marijineje hwězdy w Pančicach-Kukowje je Maksimilian Šnajder tajke městno namakał. 16lětny ze wsy tele dny stare blida a stólcy rjedźi a z nich mjez druhim staru barbu wotstronja. Foto: Feliks Haza

Tež serbsce spřisahali

štwórtk, 08. awgusta 2019 spisane wot:

Bóščanska gmejnska rada so jako jedna z prěnich konstituowała

Bóšicy (SN/MWj). Štož na čłonow no­weho Budyskeho wokrjesneho sejmika přichodnu póndźelu čaka a na nowowu­zwolenu gmejnsku radu w Njeswačidle a Radworju dźeń pozdźišo, je nowa Bóščanska gmejnska rada hižo zmištrowała. Jako jedna z prěnich w Budyskim wo­krjesu je so wona wčera konstituowała.

Mjez dźesać radźićelemi, kotřiž běchu sej 24. meje dowěru wobydlerjow zdo­byli, staj dwaj nowačkaj. Wšitcy tamni maja jako parlamentownicy nazhonjenja ze zašłeje wólbneje doby abo hišće dlěje. Bohužel běštaj dwaj hižo na prěnim wuradźowanju njewočakowanych terminow dla zadźěwanaj. Tamnych wjesnjanosta Stanisław Ryćer (Rjemjesło Bóšicy) zhromadnje spřisaha, wšu swoju móc wotpowědnje zakonjam na dobro Bóščanskeje gmejny zasadźeć. Serbscy radźićeljo kaž Bjarnat Cyž, Alojs Bjarš a Jurij Młynk činjachu to w swojej maćeršćinje.

Přichodne dny puć asfaltuja

štwórtk, 08. awgusta 2019 spisane wot:
Dypkownje kónc lětušich lětnich prózdnin ma w Radworju wotrězk hłowneje dróhi wot kěrchowa hač na nawjes hotowy być. Ze zornowcowymaj kromomaj, z trěb­nymi zaliwami, z podzemskimi kanalemi a wšěm dalšim je puć tak daloko přihotowa­ny, zo móža jón přichodne dny asfaltować. Potom so starši nadźijeja, zo bu­du z Kamjenjan­skeho a Łupjanskeho směra swoje dźěći zaso do šule wozyć móc. Po prózd­ninach zaběraja so twarscy dźěłaćerjo z dalšim wotrězkom nadróž­neho twarnišća, kotryž wjedźe do Lu­tobča. Foto: SN/Maćij Bulank

nawěšk

nowostki LND