Na markantnej drjewjanej konstrukciji mosta za kolesowarjow na kromje Zdźěrje je čas swoje slědy zawostajił. ­Tohodla chcedźa móst ponowić. Snano pak ­přichodnje scyła žadyn twar trěbny njebudźe.

Zdźěr (UM/SN). Móst za pěškow a kolesowarjow nad bywšej železniskej čaru Radwor–Wóspork w Zdźěri je hižo něšto lět stary a dyrbi so ponowić. „Při jednym z pruwowanskich terminow, kotrež so kóžde třeće lěto přewjeduja, je móst jenož špatnu znamku dóstał, čehoždla dyrbimy jednać“, praji Wulkodubrawski wjesnjanosta Hardy Glausch (njestronjan).

Wo mjeńšinach we wučbje

Berlin. Mjeńšinowu radu awtochtonych mjeńšin w Němskej nawjeduje lětsa Saterski Friza Karl-Peter Schramm. Kaž předsyda Domowiny Dawid Statnik informowaše, su na wčerawšim online-wuradźowanju wažnu informaciju na wědomje brali: Konferenca kultusowych ministrow je přihłosowała, zo mjeńšinowa rada zakład za wobkedźbowanje mjeńšin we wučbje po cyłej Němskej wudźěła.

Społnomócnjene so wuměnili

Kamjenc. Społnomócnjene za serbske naležnosće Budyskeho a Zhorjelskeho wokrjesa, Wojerec, Kamjenca a přede­wzaća TDDK zetkachu so wčera na nowolětnu rozmołwu w Zelnakec pjekarni w Kamjencu. Wone rozjimachu problemy, nowe wužadanja a móžne projekty. Móžnej ćežišći stej serbskorěčny dorost dobywać abo akceptanca serbšćiny w dwurěčnym regionje.

Mjenje pjenjez za kulturu

Njeswačidło (SN/AN). Nowe lěto je so lědma zahajiło a sobudźěłaćerjo přirodoškitneje stacije w Njeswačidle maja hižo protyku połnu terminow. Madlena Mičkec dźěła tu wot nazymy lěta 2020. „Hač do decembra 2021 sym w Njeswačanskej staciji mjez druhim na polu wobswětoweho kubłanja dźěłała. Nětko sym koordinatorka za přirodoškitne naprawy we wo­krjesu Budyšin w projekće MoSaiKTeiL. Planuju a koordinuju na přikład dźěłowy projekt, w kotrymž błóta z hatow wuwožujemy. Runje činimy to při Radworskim Łučinskim haće (Litzenteich) a při Kobanec haće w Dubrawce. W dalšim projekće zaběramy so z natwarom nowych dožiwjenskich šćežkow, na přikład kołowokoło Njeswačidła.“