Meju mjetali a zhromadnje swjećili
Policija (31.05.24)
Rentnarku do rozmołwy zapletli
Budyšin. Jako chcyše wuměnkarka srjedu w pjenježnym instituće na Weinertowej w Budyšinje z awtomata pjenjezy wotzběhnyć, zaplećechu ju njeznaći do rozmołwy. Při tym wuskušichu mužej a žona tajne čisło 86lětneje a samo jeje kartku z awtomata wzachu. Na to wotzběhny wobšudniska trójka wjace hač tysac eurow z konta staruški. Policija před tymle trikom warnuje a prosy, staršich swójbnych na to skedźbnić.
Wot septembra hród ponowja
Tež Rakečanska gmejna swój podźěl k poradźenju projekta přinošuje
Rakecy (UM/SN). W Rakecach saněrowanje tamnišeho hrodu z połnej paru přihotuja. Kaž nowinski rěčnik statneho zawoda Sakske imobilije a twarski management (SIB) Alwin-Rainer Zipfl zdźěli, planuja zahajenje twarskich dźěłow na twarjenjach krajneje rybarskeje šule w septembru 2024. „Při tym ma so na hrodźe, internaće, na tak mjenowanej picowanskej bróžni a oranžeriji w dalokej měrje runočasnje dźěłać. Hač dosrjedź lěta 2026 ma wšitko hotowe być“, praji Zipfl. Hižo w lětomaj 2022/2023 běchu dodźeržanu murju wokoło parka saněrowali. Do zahajenja twarskich dźěłow přewjedu tohorunja točenja za přichodne zastaranje z ćopłotu.
Naslědnistwo firmy zaručene
W 1990tych lětach je so w Hornjej Łužicy wjele rjemjeslnikow zesamostatniło. Mjeztym zo su někotři ze swojim předewzaćom zwrěšćili, su druzy wuspěšnje dźěłali a zhladuja mjeztym na tři lětdźesatki skutkowanja. Tež w Konjecach serbski rjemjeslnik jutře tónle jubilej woswjeći.
Ze Šćěpanom Čornakom sej termin dorěčeć scyła tak jednore njeje. 55lětny ma ruce połnej dźěła, dom a zahrodu a z pčołkami hobby, kotryž sej tohorunja čas žada. Jutře wot 11 hodź. pak budźe wón z wěstosću w swojim zawodźe w Konjecach pódla towarstwoweho domu. Jeho firma za kładźenje kachlicow a twar kachlow swjeći 30lětne wobstaće. K tomu wočakuje wón swojich sobudźěłaćerjow, přećelow, wobchodnych partnerow a wjesnjanow, zo móhł z nimi swjećić a na minjene tři lětdźesatki zhladować.
Po wobšěrnym saněrowanju a powjetšenju Budyskeho kina wot lěta ...
Krótkopowěsće (31.05.24)
Hotuja so na powodźenja
Drježdźany. Fachowe zarjady sakskeho knježerstwa kaž krajne zarjadnistwo rěčnych zawěrow hotuja so na přichodne dny, dokelž wočakuja připowědźenych spadkow dla powodźenja. Z rěčnych zawěrow su dźěl wody wotpušćili. Wobydlerjo podłu rěkow maja so na napjatu situaciju nastajić. Wjele zarjadowanjow je w potrjechenych kónčinach wotprajenych, mjez druhim tež dźeń wotewrjenych duri sakskeje knježerstwoweje štwórće.
Myto znowa spožča
Drježdźany. Tež lětsa zaso chce sakske ministerstwo za kulturu wosebje angažowanych ludźi z mytom „Čestnohamstke dźěło w kulturje“ počesćić. Namjety, štó móhł so mytować, móža towarstwa, zawody, organizacije a gmejny hač do kónca junija na webstronje ministerstwa zapodać.
Worklečenjo wokrjesny mištr
Stare družiny žita w Hornjej Łužicy wožiwili
Chlěb ze šampanskeje rožki abo całty z tołstohłójčkateje pšeńcy (Dickkopfweizen) rědko dóstawaš. Pjekarnje w Hornjej Łužicy tajke wudźěłki poskićeja. Za tym tči iniciatiwa biosferoweho rezerwata Hornjołužiska hola a haty.
Stróža/Malešecy (dpa/SN). W biosferowym rezerwaće Hornjołužiska hola a haty su so renesansy starych družin žita w lěće 2007 přiwobroćili. Wjace hač dźesać tajkich wohroženych družin domjacnych wužitnych rostlin su minjene lěta testowali, rjekny Eva Lehmann. Wona je w zarjadnistwje škitneje kónčiny UNESCO za projekt zamołwita. Nimo toho móžachu mjeztym regionalne kołoběhi natwarić, zo bychu žito předźěłali. Dźewjeć ratarskich zawodow, młyn, 16 pjekarnjow, štyri piwarnje a słodarnja su wobdźělene.
Njewotwisny Serb wažny
Wokrjesny radźićel z mandatom SWZ Jan Budar 9. junija znowa k wólbam sejmika nastupi
Jako nowačk a z mandatom Serbskeho wolerskeho zjednoćenstwa (SWZ) je Jan Budar 2019 do Budyskeho wokrjesneho sejmika zaćahnył. Kak wón nachilacu so wólbnu dobu posudźuje? Axel Arlt je so z nim rozmołwjał.
Što běchu za Was wyšiny w dźěławosći sejmika?
J. Budar: Za wjerškaj mam přiznaće wokrjesneho sejmika k cyłemu projektej „Serbski forum wědy při Lawskim arealu“ kaž tež wobzamknjenje, zo wokrjes Serbski muzej w tuchwilnym wobjimje dale podpěra. Tež, hdyž wón přećehnje.
Planowanje šulskeje syće běše dlijaca so tema. Smy husto wo tym rěčeli, serbske aspekty takrjec zapřijeli.
Dwě naležnosći jako nižinje wobhladuju: Jónu je to woprawdźita adhoc-akcija za nowe přirězanje wólbnych wokrjesow. Tam dyrbjachu wěsty proporc wobkedźbować, nic pak serbski sydlenski rum. Za dalšu nižinu mam namjet frakcije AfD, wutworić Kulturnu tzwr z Němsko-Serbskim ludowym dźiwadłom, Serbskim muzejom, hudźbnej šulu a ludowej uniwersitu. To bě wočiwidne, zo je AfD jenož wo lutowanje šło.
