Ralbicy. Z natočenjom piwa započnje so zajutřišim, pjatk, lětuše delanske babylěćo, kaž Ralbičenjo swój wjesny swjedźeń mjenuja. W 20 hodź. wubědźuja so wohnjowi wobornicy pod swě­tłomjetakami, přizamknu so reje z diskoteku Melodia. Po ludobulowym turněrje sobotu wot 14 hodź. pokazaja wjesnjenjo w 20 hodź. swój zabawny program. Přizamknu so reje­ z Dr. Taste. Njedźelu wot 10 hodź. su wšitcy na rańše piwko přeprošeni. W 13.30 hodź. budźe pokazka konjaceho sporta a wot 15 hodź. kulturny program z kofejom za rentnarjow. W 16 hodź. předstaji sokolnik swoje dźěło a swoje ptaki, we 18 hodź. wuhódnoća tombolu, kotrejež prěnje myto je 700 eurow hódne koleso. W 19 hodź. pokazaja hišće raz film widejokružka, prjedy hač babylěćo z bjesadu w stanje wuklinči. Wšitke dny budźe wo ćělne derjeměće postarane a zastup darmotny. Ralbičanska wjesna rada wjeseli so na prawje wjele wopy­towarjow.

Za Workwub so přizjewić

Worklecy. Po dobrym wothłosu loni přeprošeja Viktoria Worklecy a tamniše młode swójby sobotu, 9. septembra, na druhi Workwub – Worklečanske wubědźowanje. W 14.30 hodź. wubědźuja so dźěći, w 16.30 hodź. přizamknje so swójbny staflowy běh. Nimo sportowych wuslědkow mytuja tam tež najrjeńše kostimy. Hač do jutřišeho móža so swójby hišće přizjewić, a to pola Christiny Ho­zyneje pod telefonowym čisłom 035796/ 94 408.

Pjatk 1. do 3.9.  Dźeń Saksow w Lubiju

   Seminar w Smochčanskim Domje biskopa Bena k spiritualiće a kreatiwnosći

 3. do 10.9.   3. fotowy festiwal w Zhorjelcu

Sobotu 2. a 3.9.  Wiki wuměłskeho rjemjesła w Njeswačanskim hrodowym parku

   12. studnjowy swjedźeń w Drjowku

  14:00 Wubědźowanje wo drjewopušćerski pokal na Łazowskim sportnišću

  18:00 Swjedźenske zarjadowanje składnostnje 40lět­neho wobstaća lajskeje dźiwadłoweje skupiny Chrósćicy w tamnišej „Jednoće“

  19:00 Finisaža Mjezynarodneje wuměłskeje dźěłarnički při Miłočanskej skale

Njedźelu 3.9.  Wulět dekanatneje młodźiny

  10:00 Historiske wodźenje (kóždu prěnju njedźelu měsaca) po Wojerecach – zetkanje při hrodźe

  10:00 3. blackbird-run w Hózku

  10:00 Dźeń wotewrjeneje zahrody w Budyskim wokrjesu

  10:00 Zakónčacy swjedźeń Mjezynarodneje wuměłskeje dźěłarnički při Miłočanskej skale

  12:00 Serbski muski chór Delany wustupi we wobłuku Dnja Saksow w Lubiju na jewišću krajneho sejma

  13:00 Dźeń wotewrjeneje zornowcoweje wsy w Zemicach-Tumicach

  14:00 Łapanje kokota w Žylowje, Depsku a Turnowje

  15:00 Rejwanski čaj z DJjom Thomasom Jordanom w Małowjelkowskej sotrowni

Swjeća 40. jubilej w „Jednoće“

Chrósćicy. Před 40 lětami běchu Serbsku lajsku dźiwadłowu skupinu Chrósćicy znowa załožili. Jutře, sobotu, tuž ně­hdyši a dźensniši lajscy hrajerjo, a wšitcy, kotřiž čuja so z mnohimi inscenacije zwjazani, wot 18 hodź. w Chróšćanskej „Jed­noće“ swjeća. Rady witani pak su na zjawne jubilejne zarjadowanje z pisanym programom a z rejemi z kapału Logarhythmus tež ći, kotřiž jako přihladowarjo dźiwadłowej skupinje hižo lěta swěru dźerža.

Wuměłstwo při hrodźe

Njeswačidło. Na „wiki rjanych wěcow“ přeprošeja jutře a njedźelu, 2. a 3. septembra, do parka Njeswačanskeho hrodu. Wjace hač 60 wikowarjow chce tam swoje wuměłske wudźěłki z drjewa, škleńcy, hliny, metala a płatu poskićeć. K tomu zaklinči na wjacorych městnach parka live-hudźba. Dźěći móža so pola wšelakich rjemjeslnikow same pospytać.

Duchowna hudźba z dujerjemi