Rozhłós (11.08.17)
njedźelu hornjoserbsce
11:00 Łužica tutón tydźeń, mjez druhim wo wubědźowanju młodźinskich projektow
11:20 Zjimanje temoweho tydźenja „Něšto zdźědźić“
12:00 Nabožne wusyłanje
(Jan Malink)
po tym zbožopřeća
delnjoserbsce
12:30 Aktualny magacin, mjez druhim wo angažowanym čěskim přećelu Serbow
13:00 Tradicije a nałožki kołowokoło kwasa
13:30 Nabožne wusyłanje
(Bernd Pitkunings)
po tym zbožopřeća
Pokiwy (10.08.17)
Nowy přistup ke kasy
Budyšin. Wot jutřišeho pjatka je serwisowy běrow Serbskeho ludoweho ansambla z lisćikami a dalšimi informacijemi kołowokoło předstajenjow zaso wotewrjeny. Hłowny zachod pokładnje přez hasu Při Młynskich wrotach pak je wotthoranskich dźěłow dla zawrjeny. Wopytowarjow wjedu tohodla přez zachod SLA po domje do serwisoweho běrowa. Při Młynskich wrotach twarja po wšěm zdaću hišće dwaj měsacaj.
Yoga za staršich z dźěćimi
Smjerdźaca. We wobłuku swójbneho kubłanja poskići Serbske šulske towarstwo kurs yoga za staršich ze swojimi dźěćimi. W rumnosćach žłobika w Smjerdźacej na Radlubinowej 23 přewjedźe so kurs štwórtk, 17. awgusta, w času wot 16.30 do 18 hodź. W kursu so posrědkuje, kak móža starši zhromadnje z dźěsćom yoga dožiwić a doma tež samostatnje přewjesć. Za mać, nana, wowku abo dźěda a dźěćo (wot štyrjoch lět) płaći kurs dźesać eurow. Přizjewić móža so zajimcy hač do 15. awgusta pod telefonowym čisłom 03591/ 550 221 abo přez e-mail na .
Traktory so zetkaja
Do kina (10.08.17)
10.8.2017 – 16.8.2017 Budyski filmowy palast: Der dunkle Turm: wšědnje 18:30 a 20:30 | pj a so 23:00 Emoji: wšědnje 14:30 (nimo štw a srj) | nj 12:15 Atomic Blonde: nj 20:00 Emoji w 3 D: wšědnje 16.30 Bigfoot Junior w 3 D: nj 15:00 Planet der Affen – Survival w 3 D: wšědnje 16:45 (nimo nj) a 19:45 | nj 17:00 | pj a so 22:30 Ich – Einfach unverbesserlich: wšědnje 14:00 (nimo štw, pó a srj), 16:30 a 18:15 (nimo pó) | nj 12:15 Ich – Einfach unverbesserlich w 3 D: wšědnje 14:30 (nimo štw, nj a srj) Ostwind 3 – Aufbruch nach Ora: wšědnje 14:15 (nimo štw a srj) a 16:00 (nimo pó) | nj 12:15 Dunkirk: wšědnje 20:30 (nimo nj) | pj a so 22:45 Valerian – Die Stadt der tausend Planeten: wšědnje 20:15 (nimo pó) | pj 22:30 Das Pubertier: wšědnje 18:30 (nimo nj) | nj 12:15 Transformers: The Last Knight: so 22:30
Kino-ekstra: Die Hütte – Ein Wochenende mit Gott: pó 14.30, 17:15 a 20:15
Pokiwy (09.08.17)
Radźićeljo so zetkaja
Hórki. Diskusija wo hłownych wustawkach Chróšćanskeje gmejny budźe jedna z temow posedźenja tamnišeje gmejnskeje rady jutře, štwórtk, we 18.30 hodź. w socialnym domje při Hórčanskej skale. Dale chcedźa radźićeljo wobzamknyć njeplanowane wudawki za nakup komunalneho jězdźidła typa Multicar.
Wotrow. Tohorunja jutře, ale w 19 hodź., zetka so gmejnska rada Pančicy-Kukow, a to we Wotrowskej starej šuli. Nimo twarskich naležnosćow zaběraja so tam znowa ze swojim woponom. W tym zwisku je předwidźane, wobzamknjenje z jednoho ze zašłych posedźenjow zběhnyć a wopon znowa wobzamknyć. Dale póńdźe wo dróhotwarske dźěła na Kimbarku w Pančicach-Kukowje. Wobě posedźeni radźićelow stej zjawnej a zajimcy tuž přeprošeni.
Přednošuje wo romantice
Budyšin. Wuměłstwowa historikarka Ophelia Rehor přednošuje jutře, štwórtk, w Budyskim muzeju na temu „Romantika – Dohlad do molerstwa“. Předewšěm póńdźe wo to, kak molerjo z přirodu swoje začuća wotbłyšćowachu.
Wustajitaj w galeriji
Pokiwy (08.08.17)
Warja afghansce
Budyšin. Budyski šulski centrum Carity, Hornjołužiski zwjazk Carity kaž tež Budyska wosada swjateho Pětra přeprošuja na kulinariske wokřewjenje. Ludźo ze wšelakich krajow swěta přihotuja zhromadnje jědźe w internaće Šulskeho centruma Carity Před Šulerskimi wrotami 21 (zachod wot Grólmusoweje). Jutře, srjedu, chcedźa tam w 17 hodź. afghansce warić. Přichodne tajke zetkanja budu 23. awgusta w 17 hodź. (kolumbisce), 6. septembra w 17 hodź. (francosce), 20. septembra w 16 hodź. (syrisce) a 4. oktobra w 17 hodź. (libysce).
Wo dźěle streetworkerow
Pokiwaj (07.08.17)
Kandidat Ermer so předstaji
Radwor. Jutře, 8. awgusta, chce so Roland Ermer jako kandidat (CDU) za wólby zwjazkoweho sejma w Radworskim hosćencu „Meja“ předstajić. Radworski wjesny zwjazk CDU zajimcow na to w 19 hodź. přeproša. Roland Ermer kandiduje jako naslědnik Marje Michałkoweje.
3. filmowa nóc
Hórki. Při Hórčanskim sportnišću wotměje so přichodnu sobotu, 12. awgusta, 3. filmowa nóc Kamjenskeje župy. Započatk je w 19.30 hodź. w stanje, a to z dźěćacym filmom „Peeweeje – mišterstwa na lodźe“. Wot 22 hodź. dožiwja wopytowarjo potom pod hołym njebjom film „In Time – Deine Zeit läuft ab“ (FSK12).
Protyka (04.08.17)
Pjatk 4. do 6.8. Festiwal při Kulowskim měšćanskim haće
Sobotu 5. a 6.8. Bodo pyta w Małowjelkowskim prazwěrjencu najwjetšu cokorowu titu
10:00 Nautic-cup při Bjerwałdskim jězoru
14:00 Łapanje kokota w Běłej Górje a Turjeju
17:00 Koncert „Pišćele w pjećich“ w Kamjenskej klóšterskej cyrkwi
18:00 7. dołha nóc wuměłskich a rjemjeslniskich statokow w Bórkowach
19:30 Chórowy koncert w cyrkwi Smochčanskeho Domu biskopa Bena
20:00 Koncert z Michu Winklerom a přećelemi w Małowjelkowskej sotrowni
Njedźelu 6. do 11.8. Witaj-camp w Jarješku
10:00 Historiske wodźenje po Wojerecach
10:00 Měšćanske wodźenje po Złym Komorowje – zetkanje při turistiskej informaciji
10:00 Přednošk „Eksperiment jantar“ w Hórnikečanskej energijowej fabrice
14:00 Łapanje kokota w Žylowje
14:00 Jěchanje wo wosušk w Nowej Niwje
14:00 Lětni koncert w Małowjelkowskej sotrowni
17:00 Přijězd nowačkow do Budyskeho internata Serbskeho gymnazija
Póndźelu 7. do 11.8. Mjezynarodny kongres k reformaciji ze serbskim podźělom we Wittenbergu
Wutoru 8.8. 18:00 Wuradźowanje iniciatiwneje skupiny Serbski sejm w Njebjelčicach
Pokiwy (04.08.17)
Dóstanu dinosawriery tity?
Mały Wjelkow. Ale wězo dóstanu tež dinosawriery cokorowe tity! Z teje přičiny zdypkom do zahajenja noweho šulskeho lěta w Małowjelkowskim prazwěrjencu pisane tity schowaja. Wšitke šulske dźěći su jutře a njedźelu wot 9 hodź. na pytanje titow z maskotku prazwěrjenca Bodom přeprošene. Šulscy nowačcy dóstanu swoju titu hižo při zachodźe.
Kulturne lěćo w sotrowni
Mały Wjelkow. Jutře zahraje w Małowjelkowskej sotrowni we wobłuku kulturneho lěća wot 20 hodź. ekskluziwna formacija Drježdźanskeho pozawnista Michi Winklera. Hudźbnicy prezentuja swing, soul a latinske hity z klasiskimi adapcijemi. Zajutřišim, 6. awgusta, móža so zajimcy w 14 hodź. na samsnym městnje na Alejandra L. Pellegrina (git.) a Bertrama Quosdorfa (saks.) wjeselić.
Kak cyrkej wudebić
Smochćicy. Kurs floristiki přewjedźe Smochčanski Dom biskopa Bena sobotu, 12. awgusta, w 9 hodź. Zajimcam chcedźa pokazać, kak móža městna w cyrkwi wudebić. Štóž chce so wobdźělić, njech so hač do póndźele, 7. awgusta, pod telefonowym čisłom 035 9 35/220 abo z mejlku pod přizjewi.
K zakónčenju 15. chóroweho a instrumentalneho tydźenja w Domje ...
Rozhłós (04.08.17)
njedźelu hornjoserbsce
11:00 Łužica tutón tydźeń – mjez druhim pokazka na temowy tydźeń „Něšto zdźědźić“
11:20 Portret Jandytarja Hajnka
11:45 Serbowka hotuje so do klóštra – Sarah Rječkec
12:00 Katolske nabožne wusyłanje
(propst Clemens Hrjehor)
po tym zbožopřeća
delnjoserbsce
12:30 Aktualny magacin – wo łapanju kokota w Turjeju
13:00 Njedźelny koncert po přećach připosłucharjow
13:30 Nabožne wusyłanje
(Madlena Norbergowa)
po tym zbožopřeća
