Pokiwy (15.03.17)

srjeda, 15. měrca 2017 spisane wot:

Ze swěta rejow

Budyšin. Z pućowanjom po stawiznach rejwanja prezentujetej njedźelu, 19. měrca, w 16 hodź. balet Serbskeho ludoweho ansambla a moderatorka Kristina Nerádowa małym a wulkim přihladowarjam tójšto wo swěće rejow. Wopytowarjo jenož njezhonja, wot hdy ludźo rejuja, ale tež, kelko rozdźělnych formow a stilow rejwanja eksistuje. Wot barokneho menueta přez Wiensku klasiku hač k rock ’n’ rollej dožiwja hosćo rejwansku hodźinu połnu horcych rytmow, ke kotrymž smědźa so tež sami pohibować. Za zarjadowanje na žurli SLA poskićeja w předpředani swójbny lisćik za 16 eurow a jednory za šěsć.

Radźićeljo so zetkaja

Róžant. Wjacore wažne dypki steja na dnjowym porjedźe posedźenja gmejnskeje rady Ralbicy-Róžant jutře, štwórtk, we 18.30 hodź. w Róžeńčanskej sydarni. Tam porěča wo móžnym nowotwarje Ralbičanskeje pěstowarnje a zaběraja so z energetiskim saněrowanjom Róžeńčanskeho wjacezaměroweho domu. Dalša tema budźe planowane powjetšenje Ralbičanskeje kormjernje swini.

Pokiwaj (14.03.17)

wutora, 14. měrca 2017 spisane wot:

Šulerjo wustajeja

Wojerecy. „Ze wšitkimi zmysłami“ rěka hesło wosebiteje wustajeńcy, kotruž wotewru štwórtk, 16. měrca, we 18 hodź. na Wojerowskim hrodźe. W njej pokazaja šulerki a šulerjo wuměłskeho wukonoweho kursa 12. lětnika Wojerowskeho Foucaultoweho gymnazija mólby, grafiki, kolaže, plastiki, fota a dalše twórby.

Přednošuje wo dyrdomdeju

Kulow. Na swětłowobrazowu show „Projekt Afrika – z kolesom po puću do Kapstadta“ přeprosy pjatk, 17. měrca, Thomas Meixner zajimcow w 19 hodź. do Kulowskeho towarstwoweho domu Stare dwórnišćo. Lisćiki poskićeja w Kulowskej měšćanskej informaciji pod te­lefonowym čisłom 035725/70 338.

Pokiwaj (13.03.17)

póndźela, 13. měrca 2017 spisane wot:

Informuja wo wukubłanju

Budyšin. Pod hesłom „Pohladaj nutř“ přeproša Budyska wokrjesna lutowarnja zajimowanych šulerjow jutře, wutoru, wot 9 do 11 hodź. do swojeje Budyskeje wotnožki na Žitnych wikach, hdźež móža so wo powołanskim wukubłanju a wo dualnym studiju informować. Tež krótkodobne přizjewjenja su hišće móžne, a to e-mailnje pod adresu ines.baier @ksk-bautzen.de.

Namjetuja dźěłowy kruh załožić

Kamjenc. Na iniciatiwu Benedikta Dyrlicha a dalšich serbskich čłonow SPD namjetuja zwjazki strony w Budyšinje, Wojerecach a Kamjencu kaž tež Budyski wokrjesny zwjazk wutworić serbski dźěłowy kruh, w kotrymž móža wšitcy čłonojo SPD a sympatizanća strony sobu dźěłać. Wo ideji, wo zasadnych nadawkach a wo dźěłowym wašnju tajkeho kruha chcedźa jutře, 14. měrca, w 19 hodź. w Kamjenskim hosćencu „La Piazza“ na Zwingerowej 4 rozmyslować. Čłonojo­ strony kaž tež dalši zajimcy su wutrobnje přeprošeni.

Pokiwy (10.03.17)

pjatk, 10. měrca 2017 spisane wot:

Na premjeru do NSLDź

Budyšin. „Za brězami“ rěka najnowša serbska inscenacija NSLDź, kotrejež premjera je jutře sobotu, 11. měrca, w 19.30 hodź. na hłownym jewišću dźiwadła. Pod režiju Lutza Hillmanna hraja Majka Kowarjec, Anna-Maria Bretschneiderec, Měrko Brankačk, Julia Klingnerec, Petra-Marija Bulankec-Wencelowa, Jan Mikan a Jurij Šiman.

Změna programa SLA

Budyšin. Chorosće dla dyrbi Serbski ludowy ansambl předstajenje folklorneho programa „Moja reja!“ jutře, sobotu, w 19.30 hodź. na žurli SLA wotprajić. Předstajenje njedźelu, 12. měrca, w 16 hodź. so kaž planowane wotměje. Hižo kupjene kartki su dale płaćiwe a hodźa so za předstajenje njedźelu abo sobotu, 15. apryla, w 17 hodź. na žurli SLA wužiwać.

Kak štomy wurězować?

Stróža. Zajimcy móža sej wot fachowca pokazać dać, kak maja sadowcy a druhe štomy wurězować. Nawuknyć móža to jutře, 11. měrca, wot 9 do 13 hodź. w Stróžanskim Domje tysac hatow. Telefoniske přizjewjenja su móžne pod čisłom 035 8 93/50 85 71.

Koncert na gymnaziju

Protyka (10.03.17)

pjatk, 10. měrca 2017 spisane wot:

Pjatk 10.3. do 30.4.  Wosebita wustajeńca k jutram Eriki Röseberg-Zosel „Žiwjenski skutk a horliwosć zběranja“ w Slepjanskim Serbskim kulturnym centrumje

  20:00 Tango zetka salsa w Budyskim Kamjentnym domje

Sobotu 11.3. a 12.3.  Jutrowne wiki w Budyskim Serbskim domje

   Dźeń wotewrjenych duri sakskich hornčernjow

  9:00 Dźěłarnička k wurězowanju štomow w Stróžanskim Domje tysac hatow

  10:00 Dźeń wotewrjenych duri we Wulkodubrawskim Šnajdrec kuchinskim studiju

  13:00 Zapust w Husu

  14:00 Zapust w Dešanku

  14:00 Hłowna zhromadźizna Maćicy Serbskeje w Budyskim Serbskim muzeju

  16:30 Mužacy zapust w Depsku

  19:30 Premjera inscenacije Němsko-Serbskeho ludoweho dźiwadła „Za brězami“ na hłownym jewišću Budyskeho NSLDź

Njedźelu 12.3. 11:00 Łužiske literarne dopołdnjo w Budyskim Dźiwa­dle na hrodźe

  16:00 Předstajenje „Jědźk a lěnjoch“ dźiwadłoweje skupiny Kulowskeho Bratrowstwa na Chróšćanskej Krawčikec žurli

  16:00 Folklorny program SLA „Moja reja“ w Budyskim SLA

  16:30 Koncert k póstnemu časej w Pančičansko-Kukowskej cyrkwi klóštra Marijineje hwězdy

Póndźelu 13.3. do 18.3.  Tydźeń wotewrjenych zawodow pod hesłom „Pohladaj nutř“ w Sakskej

Rozhłós (10.03.17)

pjatk, 10. měrca 2017 spisane wot:

njedźelu hornjoserbsce

11:00 Łužica tutón tydźeń, mjez druhim wo hłownej zhromadźi­znje Maćicy Serbskeje

11:20 UNESCO-šula Ralbicy

11:45  Premjera NSLDź „Za brězami“

12:00 Nabožne wusyłanje

 (Christoph Rummel)

po tym zbožopřeća

delnjoserbsce

12:30 Aktualny magacin, mjez druhim z powěsćemi a přinoškami tydźenja

13:00 Portret: Ursula Starikowa ­z Janšojc

13:30 Nabožne wusyłanje

 (Cyril Pjech)

po tym zbožopřeća 

Do kina (09.03.17)

štwórtk, 09. měrca 2017 spisane wot:

9.3.2017–15.3.2017 Budyski filmowy palast: Kong – Skull Island w 3 D: wšě­dnje 17:15 a 19:30 | pj a so 22:15 Logan – The Wolverine: wšědnje 19:45 | pj a so 22:30 La La Land: wšědnje 17:00 (nimo pj a wu) Der junge Karl Marx: wšědnje 17:15 (nimo pó) Fifty Shades of Grey: wšědnje 20:00 | pj a so 22:30 Bibi Tina: wšědnje 14:30 (nimo štw a pó) a 17:00 A Cure for Wellnesss: so 21:45 Bob, der Streuner: pj a wu 17:00 John Wick – Kapitel 2: pj 22:00 Kundschafter des Friedens: pj a nj 14:45 | štw, so a wu 19:45 Mein Blind Date mit dem Leben: so a wu 14:45 | pj, nj a srj 19:45 The LEGO Batman Movie: pj, so, nj a wu 14:45 The LEGO Batman Movie w 3 D: nj 12:30 Wendy: nj 12:30 Vaiana: pj, so, nj a wu 14:30 Sing: nj 12:30 Timm Thaler: nj 12:30

Kino-ekstra: Allied – Vertraute Fremde:­ pó 17:15 a 20:15

Wojerowski CineMotion: Kong – Skull Island w 3 D: wšědnje 15:20 a 20:10 Kong – Skull Island: wšědnje 17:45 | pj a so 22:35 Hidden Figures: wšědnje 20:20 (nimo so) Paula: srj 17:50 Der junge Karl Marx: wšědnje 18:00 (nimo srj) Logan – The Wolverine: wšědnje 19:40 | pj a so 22:30 Bibi & Tina: wšědnje 15:00 a 17:20 | so a nj 12:45 A Cure for Wellness: pj a so 22:30 John Wick – Kapitel 2: pj a so 22:50 Bob, der Streuner: wšědnje 15:45 The LEGO Batman Movie w 3 D: wšě­dnje 15:10 The LEGO Batman Movie: so a nj 13:30 Fifty Shades of Grey: wšědnje 20:00 La La Land: wšědnje 17:25 (nimo so) Monster Trucks: so a nj 13:10

Pokiw (07.03.17)

wutora, 07. měrca 2017 spisane wot:

Zhromadny dźeń za 5./6. lětnik

Worklecy. Pod hesłom „Rěču z Bohom kaž z přećelom!?“ přeprošuje dekanatne dušepastyrstwo dźěći 5. a 6. lětnika sobotu, 11. měrca, wot 9 do 15 hodź. do Worklečanskeho Don Boskoweho domu. Zajimcy njech so prošu hač do jutřišeje srjedy pod telefonowym čisłom 035796/ 88 707 we Worklecach přizjewja. Za wudawki dnja zběra so wot kóždeho wobdźělnika přinošk štyri eurow.

Pokiwaj (06.03.17)

póndźela, 06. měrca 2017 spisane wot:

Kormjernja swini a pěstowarnja

Ralbicy. Na wobydlersku zhromadźi­znu Ralbičansko-Róžeńčanskeho gmejnskeho zwjazka CDU su Ralbičenjo a dalši zajimcy jutře, 7. měrca, w 19 hodź. do Ralbičanskeje stareje šule přeprošeni. Temje stej planowane rozšěrjenje tamnišeje kormjernje swini a aktualny staw planowanja noweje pěstowarnje. Jako hosća su sej přeprosyli přirjadnicu Budyskeho krajneho rady Birgit Weber.

Dróha zawrjena

Hat. Wot dźensnišeho je dróha w Minakałskim wjesnym dźělu Hat zawrjena. To zdźěla Budyski krajnoradny zarjad. Přičina su kanalowe a dróhotwarske dźěła. Puć wostanje prawdźepodobnje hač do 28. julija zawrjeny. Wobjězdka je přez S 101 a B 156 wupokazana.

Pokiwy (03.03.17)

pjatk, 03. měrca 2017 spisane wot:

Hudźbny kwis planowany

Wojerecy. K dnjej wotewrjeneje hudźbneje šule jutře, 4. měrca, přeproša Wojerowska hudźbna šula w času wot 14 do 17 hodź. do foruma Łužiskeje hale. Hosćo dóstanu přiležnosć, so tam na hudźbnym kwisu kaž tež na zjawnych probach wobdźělić.

Swójbna schadźowanka woła

Chrósćicy. Kamjenska župa „Michał Hórnik“ a Rěčny centrum WITAJ přeprošatej dźěći, jich staršich, dźědow a wowki na 7. swójbnu schadźowanku. Wona wotměje so njedźelu, 5. měrca, w Chróšćanskej „Jednoće“. W 15 hodź. budźe klankodźiwadło z Měrćinom Krawcom. Nimo paslenja a sportowych zaběrow poskića tam čitanski stan, dźěłarničku wo strowym zežiwjenju a wjele dalšeho.

Na wodźenje z Jürgenom Maćijom

Serbska debata

nowostki LND