njedźelu hornjoserbsce
11:00 Łužica tutón tydźeń, mjez druhim z powěsćemi tydźenja
11:20 Serbske onlinowe poskitki
11:45 Hudźba k spočatkej nalěća – zaklinča popularne štučki
12:00 Ew. nabožne wusyłanje
(Christoph Rummel)
po tym zbožopřeća
delnjoserbsce
12:30 Aktualny magacin, na wopyće pola Měta Pernaka w Berlinje a wo jejkadebjenju w Janšojcach
13:00 Oratorije w serbskej rěči
13:30 Nabožne wusyłanje
(Bernd Pittkunings)
po tym zbožopřeća
Choćebuz (SN). Moderator delnjoserbskeho telewizijneho magacina Łužyca Christian Matthée poby w Žylowskej Witaj-pěstowarni „Mato Rizo“, hdźež su před 20 lětami započeli prěnje dźěći po modelu Witaj kubłać. We wusyłanju magacina jutře, 17. měrca, w 13.05 hodź. wo tym a wo swjedźenskim zarjadowanju w telewiziji RBB rozprawjeja.
W dalšimaj přinoškomaj Łužycy zhonja přihladowarjo wo wopyće delegacije Europskeho parlamenta w Delnjej Łužicy a wo wopyće pola Měta Pernaka w Berlinje, kiž swjeći jutře 80ćiny.
Rjedźenje w Lipju wupadnje
Pančicy-Kukow. Dojutrowna rjedźenska akcija při pomniku Ćišinskeho w Lipju, kotruž chcyše Domowinska skupina Pančicy-Kukow jutře, 17. měrca, přewjesć, připowědźeneho špatneho wjedra dla wupadnje.
Wopominaja Elsu Brändström
Smječkecy. Wustajeńca w Smječkečanskim farskim domje wěnuje so wot 17. měrca hač do 15. apryla žiwjenju a skutkowanju šwedskeje chorobneje sotry Elsy Brändström. Jako „jandźel Sibirskeje“, kaž ju mjenowachu, je wona wójnskich jatych Prěnjeje swětoweje wójny w sibirskich lěhwach zastarowała. Wustajeńcu jutře we 18.30 hodź. wotewru.
Wšitko wokoło jejka
Slepo. Jutře a njedźelu, stanje wot 10 do 17 hodź., su zajimcy do Slepjanskeho Serbskeho kulturneho centruma na jutrowne wiki přeprošeni. Něhdźe 30 jejkadebjerjow tam budźe. Předstajić chcedźa hosćom folklorny program a poskićeć čerstwu kołbasu ze swinjorězanja. Dźěći móža so předewšěm na to wjeselić, kak so ćipki wudypaja.
Do domizniskeho muzeja
Stara garda za bulom honi
Stari knježa Zeleno-běłych Hórki přewjedu dźensa wječor w Chrósćicach halowy koparski turněr za mustwa stareje gardy. Přeprošene su cyłki z Ralbic, Chrósćic, Pančic a Njebjelčic. Akterojo zetkaja so w šesćich, wubědźowanje započnje so napoł sedmich.
Sokoljo keheluja
Swoju poslednju dypkowu hru sezony 2017/2018 maja jutře, sobotu, kehelerjo Sokoła Ralbicy/Hórki. Na domjacych čarach w Rakecach wočakuja woni wot 13 hodź. tabulkoweho susoda z Porchowa.
Kónctydźenska kopańca
17.03. 13:00 ST Lubuš II
– Módro-běli Kulow II
17.03. 14:00 Rakečanske ST
– ST Wjelećin
18.03. 14:00 Rakečanske ST II
– ST Marijina hwězda
18.03. 12:30 SJ Chrósćicy II
– Wojerowski FC II
18.03. 15:00 SJ Chrósćicy
– ST Horni kraj-Sprjewja
18.03. 15:00 ST Radwor – LSV Hory
18.03. 15:00 Sokoł Ralbicy/Hórki
– Módro-běli Kulow
18.03. 13:00 SJ Njebjelčicy II
– ST Hlinowc
18.03. 15:00 SJ Njebjelčicy
– SV Haselbachtal
Blidotenisowe duele
16.03. 19:00 TTC Wojerecy III
– DJK Konjecy
19.03. 19:30 ST 1922 Radwor
– Bartske ST 90 II
24.03. 16:00 Viktoria Worklecy
– ST Horken Ketlicy
Volleyballowe dypkowe hry
Kłok pokazuje na spočatk pytanych słowow: 1 wěrnosć, 2 wulki ptak, 3 wjes blisko Pančic-Kukowa, 4 wjeselo, 5 něhdźe, někak, 6 dobry přećel, 7 rupfen serbsce, 8 Knoblauch serbsce, 9 dźeń tydźenja
Nětko tola přez móst
Pančicy-Kukow. Chróšćanscy křižerjo smědźa nětko tola přez nowy móst nad Klóšterskej wodu w Pančicach-Kukowje jěchać, zdźěli předsyda zarjadniskeho zwjazka Při Klóšterskej wodźe Měrko Domaška. Za to budźe móst jutry z twarskim płotom wobdaty, kotryž před procesionom wočinja a za nim zaso začinja. Za pěškow a jězdźidła wostanje móst nad rěku zawrjeny.
Worklečanaj wuspěšnaj
Wojerecy. Šulerjej Worklečanskeje wyšeje šule staj so wčera wuspěšnje na regionalnym wubědźowanju w předmjeće hospodarstwo, technika a domjacnosć we Wojerecach wobdźěliłoj. Johannes Cyž docpě třeće městno, Syman Handrik pjate. Wonaj smětaj so 12. apryla zhromadnje ze šulerjom z Kulowa na krajnym wurisanju w Drježdźanach wobdźělić.
Serbske institucije wopytali
Towarstwo Cyrila a Metoda změje póndźelu w Ralbicach swoju hłownu zhromadźiznu. Janek Wowčer je so z předsydu TCM Jurjom Špitankom wo aktualnym skutkowanju a dalšej dźěławosći towarstwa rozmołwjał.
Kak hódnoćiće dźěławosć TCM w minjenym lěće? Sće wšitke předewzaća spjelnić móhli?
J. Špitank: Dźěławosć TCM je wusměrjena na wustawki. To su na přikład nadawki, kaž wudawanje časopisa Katolski Posoł, sobudźěło z katolskej cyrkwju za zajimy Serbow, spěchowanje ekumeniskich zwiskow, podpěra potrěbnych ludźi a dalše. Prócowanja su wulke, ale wšitko so přeco stoprocentowsce njeporadźi.
Što běchu lońše wjerški skutkowanja wašeho towarstwa?
Lejno (SN/BŠe). „Skónčnje mamy jednanjakmane knježerstwo. Koaliciske zrěčenje je podpisane a ministrojo wobłukow spřisahane.“ To rjekny předsyda regionalneho burskeho zwjazka Budyšin-Kamjenc Stefan Triebs wčera na informaciskim zarjadowanju w Lejnje. Wón so nadźija, zo nowa zwjazkowa ratarska ministerka Julia Klöckner (CDU) zhromadne dźěło ze zwjazkowym wobswětowym ministerstwom polěpši. Dotal knježeše skerje blokada, štož pokazowaše tež lońša plakatowa akcija bywšeje wobswětoweje ministerki Barbary Hendricks (SPD), kotraž bě burske kaznje přeformulowała. Jedna tajka na přikład rěkaše: „Steji-li swinjo na jednej nóžce, je chlěw přemały.“ Poprawom chcyše Hendricks z hrónčkami debatu wo přichodźe europskeje agrarneje politiki nastorčić. Z kampanju pak je wona ratarsku branšu wohańbiła. Wo lěpši zwisk mjez ministerstwomaj měła so tohorunja nowa wobswětowa ministerka Svenja Schulze (SPD) starać.
Sakska pyta za wučerjemi, tuchwilu po tysacach. Za jednu móžnosć swobodny stat ma přistajić přidružnikow. Štyri hač do pjeć lět maksimalnje tomu hišće tak budźe. Potom budu wiki z wučerskim personalom nasyćene hač na wěste předmjety, kaž přirodowědne.
Budyšin (SN/MiR). To rozłoži wčera popołdnju koordinatorka Budyskeje wonožki Krajneho zarjada za šulu a kubłanje (LaSuB) Monika de Boer. Wosebje prašani su přidružnicy za zakładne, wyše a spěchowanske šule. We wobłuku gymnazijow a powołanskich šulow je potrjeba w dalokej měrje kryta. Fachowča dale rjekny: „Štóž ma znajomosće serbšćiny, je wosebje požadany. W šulach ze serbskorěčnym poskitkom je potrjeba wučerjow wosebje wulka.“