Nic z Lěwicu
55 nowych kopolakow w Zhorjelcu
Słaba jědnatka DFB
To ničo njebě. Němska je swoju poslednju skupinsku hru přećiwo Ekwadorej 1:2 přěhrała. Němska wubranka drje hižo w druhej mjeńšinje přez Sanéja nawjedowaše, tola wjace potom hižo njepřińdźe. Ekwador měješe sylnišu wolu dobyć hač jědnatka DFB, a na kóncu su sej Južnoameričenjo dobyće tež zasłužili. Runočasnje doby mustwo Słonowinoweho pobrjoha 2:0 přećiwo wubrance z Curaçao a je z tym jako skupinski druhi dale. Tež Ekwadorčenjo so wjesela, zo wostanu dale w turněrje, wšako maja na třećim městnje tabulki štyri dypki, štož dosaha. Wčera zahe rano hraještej skupinje C a A poslednje hry hrajneho dnja.
W skupinje C docpě Brazilska z dobyćom 3:0 přećiwo Šotiskej skupinske nawjedowanje. Na druhim městnje steji Marokko, kiž po dobyću 4:2 přećiwo Haitijej dale přińdźe.
W skupinje A sta so w nocy wulka překwapjenka. Južna Afrika, kotraž njebě wosebje derje do turněra startowała, je njewočakowano přećiwo Južnej Koreji 1:0 dobyła. Z tym njebě nichtó ličił. Tola tute dobyće ma někotre wuskutki. Južna Afrika je jako druhi tabulki dale. Mexiko móžeše Čěsku z 3:0 porazyć, kotraž je z tym z turněra won.
To a tamne (26.06.26)
Dohromady 64 reptilijow je žona w Hongkongu w swojim bydlenju dźeržała. Mjez nimi bě krokodil, kotryž bydleše na balkonje žony. Zranjene zwěrjo so pod domjacej nadobu chowaše a da so hakle po wjacorych pospytach popadnyć. Plahowanje reptilijow je w Hongkongu zakazane a mnohe ze zwěrjatow w bydlenju žony přisłušeše wohroženej družinje. Tuž zastojnicy žonu zajachu.
Škleńcu z wjace hač 60 złotymi pjeršćenjemi su dźěći w Delnjej Frankskej našli. Za jich wobsedźerjemi nětko na zakładźe grawurow na pjeršćenjach pytaja, wšako pjatnaće z nich tajku ma. Policija zdźěli, zo bě swójba škleńcu kónc meje na wulěće do lěsa blisko Johannesberga našła. Dotal so zastojnikam hišće radźiło njeje, wobsedźerjow debjenkow namakać. Woni pak so dale wo to prócuja.
Dojednanje schwalili
Luxemburg (dpa/SN). Wikowanske dojednanje mjez USA a EU móža bórze dospołnje do skutka stajić. Čłonske staty EU přizwolichu w Luxemburgu do wotstronjenja cłow na industrijne twory z USA a přilubichu, zo smědźa USA lóšo płody morja a agrarne produkty w EU předawać. Na druhim boku pak je w zrěčenju tež napisane, zo smědźa USA jenož z tutych lěpšinow profitować, hdyž dojednanje dospołnje přesadźa. Wo zrěčenju běchu so staty EU dołho wadźili.
Tikety zdarma storněrować
Berlin (dpa/SN). Komuž so připowědźeneje horcoty na kónc tydźenja dla z ćahom jědź nochce, móže swoje knihowane tikety nětko zdarma storněrować. Němska železnica (DB) poskićuje prěni raz wosebitu kulancu horcoty dla. Swoje tikety storněrować smědźa wšitcy, kiž su hač do 23. junija jězbu hač do 30. junija za daloku čaru knihowali. Tež za potuńšene tikety tole poskićuja.
Sandsa wuznamjenja
Pos Bruce ma na baseballowych hrach wažny nadawk, wšako je ...
Zemja dwójce ržała
Najlěpše sej wubrać
Skónčnje won do swěta, wusku Łužicu za sobu wostajić a swobodnje dychać – wo tym mnozy sonja, hdyž su šulu zakónčili. Za někotrych pak je Łužica tež wěsty přistaw, do kotrehož so stajnje zaso nawróća, abo kotryž scyła njewopušća. Za čas swojich studijow w městach zwonka Łužicy sym pytnył, zo mi to serbske tola bóle faluje, hač sym sej to sam dotal přiznał. Lubuju pak na druhim boku tež, hdyž wšěch susodow njeznaješ a kóždy hnydom njewě, dokal ma će „tyknyć“. Měšeńca cuzby a intimnosće wjeski je tuž perfektna. Wjeselu so, hdyž přichadźam domoj a wěm, zo su tu ludźo, kiž maja samsnu identitu, rěč a herbstwo kaž ja. Wjeselu pak so tež, hdyž z ćaha wustupju a nikoho njezajimuje, dokal nětko póńdu, z kim so zetkam a štó ke mni na wopyt přińdźe. Myslu sej, zo mnozy w tutej situaciji tča. Derje wšak je, zo směmy sej jako młodźi Serbja a młode Serbowki najlěpše z wobeju swětow wubrać.
Maximilian Gruber
