Zwjazkowy kancler Friedrich Merz (CDU) je we wobłuku swojeje wizity w ...
Štyrjo mortwi na čołmje z USA
Iran nowy naćisk předpołožił
Madźarska liči z akcijemi Ukrainy
Budapest (dpa/SN). Madźarski ministerski prezident Viktor Orbán je přikazał, energijowu infrastrukturu swojeho kraja z wojakami a policistami škitać. Hłowna přičina je podhlad, zo planuje susodna Ukraina nadpady na madźarske energetiske zastaranje. Tole rjekny Orbán po posedźenju zakitowanskeje rady swojeho kraja w Budapesće. W zakitowanskej radźe dźěłaja mjez druhim nawodźa wójska a tajnych słužbow. Nimo toho je Madźarska zakazała, truty w powětrowym rumje podłu ukrainskeje mjezy wužiwać.
„Widźimy, zo Ukraina dalše akcije přihotuje, zo by energijowy system Madźarskeje myliła. Tohodla sym wukazał, kritisku energijowu infrastrukturu wosebje škitać“, Orbán rjekny. Policisća a wojacy maja „nadpadam zadźěwać“.
Madźarska Ukrainje wumjetuje, zo ruski zemski wolij blokuje, kiž Madźarska přez wolijowód „Družba“ dóstanje. Dołhož tole tak wostanje, njebudźe Madźarska nowemu kreditej 90 miliardow eurow na dobro Ukrainy přihłosować. Pipeline zastaruje Madźarsku a Słowaksku.
Hroža masiwne haćenja
Dźěłarnistwo ver.di planuje jutře warnowanske stawki bliskowobchada
Lipsk (dpa/SN). Ludźo w Sakskej dyrbja so kónc tydźenja na masiwne haćenja w bliskowobchadźe nastajić. Cyłoněmskeho warnowanskeho stawka dźěłarnistwa ver.di dla drje busy a nadróžne jutře we wjacorych městach njepojědu, w Lipsku najskerje tež sobotu nic. Přistajeni komunalnych wobchadnych zawodow su w nimale wšitkich zwjazkowych krajach namołwjeni, stawkować, ver.di zdźěla. Za dojězdźowarjow, šulerjow a staršich změje tole zdźěla razne wuskutki.
Ćežišćo stawka w Sakskej je jutře, pjatk. To chcedźa přistajeni komunalnych bliskowobchadnych zawodow w Drježdźanach, Kamjenicy, Šwikawje a Plauenje dźěło złožić. W Lipsku su stawki za pjatk a sobotu připowědźili. Najebać to njebudźe wobchad wšudźe dospołnje zlemjeny. W někotrych kónčinach zasadźuja priwatne busowe předewzaća.
Wobchadny stawk je na komunalne wobchadne předewzaća wobmjezowany. Tež regionalne ćahi, měšćanske železnicy a ćahi Němskeje železnicy po planje dale pojědu.
Sowy do Grjekskeje?
To a tamne (26.02.26)
Nakupować, skazać zastupne lisćiki abo prosće so informować: Dale a bóle so internet we wšědnym žiwjenju ludźi přesadźa, mjez młodostnymi tak a tak. Najebać to je ludźi w Němskej, kotřiž njeběchu po swójskich informacijach hišće ženje w interneće. „Dobre tři procenty ludźi w starobje mjez 16 a 74 lětami běchu 2025 w Němskej tak mjenowani off-linerojo – woni njejsu hišće nihdy internet wužiwali, Zwjazkowy statistiski zarjad we Wiesbadenje zdźěla. Tole wotpowěduje nimale 2,1 milion ludźi.
Ćěło morjeneho drogoweho bosa „El Mencho“ žada sej toho swójba w Mexiku. Nemesio Oseguera Cervantes bě při třěleńcy z policiju žiwjenje přisadźił. 59lětny bě nawoda najmócnišeho drogoweho kartela w Mexiku. Prawiznik swójby je nětko oficialnje wo to prosył, swójbje ćěło přepodać. Próstwu nětko pruwuja.
Swojoraznosć Słowjanow w srjedźnej Europje
2. dźěl esejistiskeje serije wo słowjanskim žiwjenju Europy a wo tym, čehodla Serbja poprawom na čole Słowjanow steja
Wčera je tomu štyri lět, zo zahaji Ruska inwaziju Ukrainy. Ale wojowanje mjez europskimi statami njewotměwa so tuchwilu jenož z brónjemi, zaznawamy tež diplomatiske a hospodarske: Madźarska blokuje nowe europske sankcije přećiwo Ruskej, Słowakska wzdawa so nuzoweho poskićowanja elektriskeho pruda bombardowaneje Ukrainje, dokelž nadběhuje Ukraina wolijowód Družba, kotryž srjedźnu Europu z ruskej naftu zastara. Čěska a Pólska mataj cyle hinaši poměr k Ukrainje – swojich nazhonjenjow z Ruskej dla ukrainskich přećelow njehladajo na słowakske měnjenje podpěratej. Tež na tym hodźi so zwěsćeć, zo su poměry mjez zapadnymi słowjanskimi ludami komplikowane. Wjacore aspekty je definuja. Sprěnja: Přisłušnosć k srjedźnej Europje. Hačrunjež – Eksistuje scyła tajke něšto kaž „srjedźna Europa“? A jeli haj – hdźe leža jeje hranicy? Češa wobhladuja ju w mjezach něhdyšeho Rakusko-Wuherskeho mócnarstwa.
UNO žada sej měr w Ukrainje
New York (dpa/SN). Składnostnje štwórteje róčnicy ruskeho nadpada na Ukrainu je sej hłowna zhromadźizna UNO w New Yorku w rezoluciji hnydomny přiměr a trajacy měr žadała. Cyłkownje 107 čłonskich krajow je w New Yorku za dokument hłosowało, tež Němska. Na wšěch 51 krajow je so hłosa wzdało, mjez nimi tež USA. Rezolucija UNO namołwja mjez druhim k „hnydomnemu a dospołnemu přiměrej bjez wuměnjenjow“ mjez Ruskej a Ukrainu.
Němscy staćenjo napominani
Tel Aviv/Beirut (dpa/SN). Hladajo na móžny wojerski nadpad USA na Iran ze sćěhami tež za Israel a dalše kraje Bliskeho wuchoda namołwja wonkowne ministerstwo w Berlinje wšěch němskich staćanow w tutej kónčinje k wšelakim naprawam. Němcy w Israelu dyrbjeli z tym ličić, zo je powětrowy rum iranskich nadpadow dla zawrjeny a zo dyrbja wěsty čas w Israelu wostać. Tež w susodnym Libanonje móhło so połoženje přiwótřić.
Mjenje wupokazanjow
