Wosobowy ćah ze znajmjeńša 200 pasažěrami je dźensa rano ...
Wjelki třělić bórze lóšo
Haseloff hišće w januaru wotstupi
Rěča wo přichodźe Grönlandskeje
Washington/Berlin (dpa/SN). Danski wonkowny minister Lars Løkke Rasmussen je dźensa we Washingtonje z wonkownym ministrom USA Marcom Rubiom a wiceprezidentom J. D. Vanceom wo přichodźe Grönlandskeje wuradźował. Prezident USA Donald Trump je minjeny čas wospjet wo tym rěčał, zo USA arktisku kupu za swoje narodne wěstotne zajimy trjebaja. Při tym njebě wón wuzamknył, za přiswojenje Grönlandskeje wojerske srědki zasadźić. Grönlandska słuša ludoprawnisce k Danskej. Tam so žadanjam USA dotal raznje spjećuja.
Němski wonkowny minister Johann Wadephul (CDU) na tym wobstawa, zo měli wobydlerjo Grönlandskeje sami wo přichodźe swojeje domizny rozsudźić.
Wobkedźbowarjo z toho wuchadźeja, zo spytaja USA Dansku ze wšelakimi hospodarskimi a zakitowanskimi přilubjenjemi pohnuć, jim kupu přewostajić.
To je samozrozumliwe
To a tamne (14.01.26)
W sewjernorynsko-westfalskim Rösrath bu wčera 80lětna wuměnkarka wobšudźena. Jako rjedźerka wudawaca so žona bě bydlenje rentnarki wurjedźiła a při tym wjacore debjenki a móšnju z kartku za chorobnu kasu a personalnym wupokazom pokradnyła. Tole starušce hakle nadpadny, jako bě so rjedźerka z pječa nuzneje přičiny dočasnje rozžohnowała. Wona policiju zazwoni. Zastojnicy z toho wuchadźeja, zo bě wobšudnistwo planowane. Policija ludźi warnuje, zo njeměli žanych cuzych do swojeho bydlenja pušćić.
Prěni raz z měška swojeje maćerje Kitawy je njedawno młody kenguru w zwěrjencu jendźelskeho města Chester pokuknył. Młodźo bě so hižo před něšto měsacami narodźiło. Tuchwilu waži wone jenož 1,85 kilogramow, při porodźe běše něhdźe tak wulke kaž mała buna.
Wadephul za dobre poćahi z USA
Washington (dpa/SN). Wonkowny minister Johann Wadephul (CDU) je sej najebać njedorozumjenja nastupajo kurs prezidenta USA Donalda Trumpa přećiwo Grönlandskej a cofanje USA z mjezynarodnych organizacijow dobrych transatlantiskich poćahow wěsty. Tole rjekny wón po rozmołwje z wonkownym ministrom USA Marcom Rubiom we Washingtonje. Porno tomu so financny minister Lars Klingbeil (SPD) na swojim wopyće we Washingtonje toho dla „jara starosći“.
Nowy koncept SPD
Berlin (dpa/SN). SPD chce po informacijach medijow dawk na namrěwstwo změnić a wulkim zamóženjam wyše dawki napołožić. Nowy koncept zdobom předwidźi, zo runočasnje dawki na snadne zamóženja zniža. Wo tym rozprawjatej telewizijny sćelak ARD w Berlinje a nowina Bild. Po tym ma móžno być, „žiwjensku bjezdawkowu sumu“ we wobjimje miliona eurow zdźědźić. Unija plany SPD namrěwstwa dla raznje kritizuje.
Skorža přećiwo zarjadej ICE
Tež Balaton, mjez turistami woblubowany jězor w Madźarskej, je tele ...
Merz zasudźuje namóc w Iranje
China so Trumpej wobara
Peking (dpa/SN). China chce hladajo na připowědźenja prezidenta USA Donalda Trumpa, wikowanskim partneram Irana nowe cła napołožić, swoje zajimy zakitować. „Njeje žanoho dobyćerja w tutej wójnje“, zdźěli rěčnica wonkowneho ministerstwa Mao Ning w Pekingu. China swoje legitimne prawa a zajimy ze wšej rozsudźenosću zakituje, wona rjekny.
Trump bě připowědźił, zo wotnětka wšěm krajam, kotrež hišće z Iranom wikuja, cła we wysokosći 25 procentow napołoži. Iran je wažny wikowanski partner Chiny, kotraž tam wolij kupuje. Je to zemski pokład, kiž dyrbi China importować. China a Iran matej hižo wjele lět wuske styki we wikowanju, hospodarstwje a nastupajo zemski wolij.
