Dierksoptimizm šěrił
Drježdźany (dpa/SN). Prezident Sakskeho krajneho sejma Alexander Dierks je wobydlerjow swobodneho stata w nowym lěće k zhromadnosći namołwjał a optimizm rozšěrjował. Štóž chce wužadanja reformoweho lěta 2026 zmištrować, trjeba dowěru a wutrajnosć, rjekny 38lětny na nowolětnym přijeću w Sakskim krajnym sejmje. Dźe wo to, sej „rjap skrućeć“ a w tutym rozsudnym połoženju zhromadnje jednać.
Dierks rěčeše wo na podawki bohatym a rozsudnym lěće za Saksku. Přichod bjez dowěry nima zmysła. Wón je kruće wo tym přeswědčeny, zo móže so wobydlerjam swobodneho stata zhromadnje poradźić, sej nowy přichod natwarić. „Dźe wo to – runje w tutym času – ćežu sprawnje rozdźělić a pozitiwny wobraz přichoda naćisnyć“, politikar CDU rjekny. Jenož potom so poradźi, ludźi na tutym puću sobu wzać. Sakska nima swoje najlěpše časy dawno hišće za sobu.
Prezident krajneho sejma dopominaše na pioněrski čas po politiskim přewróće a přirunowaše wužadanja z krosnowanjom na horu. Je wažne, wobydlerjow motiwować a njezatajić, zo je puć do lěpšeho přichoda druhdy wobćežny.
To a tamne (06.01.26)
Dźesać metrow hłuboko staj artistaj w Stuttgartskim hodownym cirkusu padnyłoj. Při tym so 49lětny muž a 19lětna žona ćežko zraništaj. Pod kupolu cirkusoweho stana běštaj wonaj akrobatisku scenu předstajiłoj, jako so powjaz torhny, direktor zdźěli. Předstajenje bu přetorhnjene. Wopytowarjo dyrbjachu stan na Cannstattskim Wasenje wopušćić. Policija dokładne wobstejnosće njezboža přepytuje.
Stres a strach je silwesterske praskanje zwěrjatam načiniło. Tójšto z nich su w panice ćeknyli. Organizacija za škit zwěrjatow Tasso je wokoło Noweho lěta po wšej Němskej 376 ćeknjenych psow a 507 ćeknjenych kóčkow zličiła. To wotpowěduje ličbam minjenych lět, organizacija zwěsća. Tasso wjedźe po swójskich informacijach najwjetši darmotny zapis domjacych zwěrjatow a žada sej zakaz silwesterskeho praskanja.
Urbi et orbi w dźesać rěčach
Rom (B/SN). 25. decembra je bamž Leo XIV. tradiciju Jana Pawoła II. a Benedikta XVI. wožiwił a hodowne postrowy w dźesać rěčach přednjesł. Swjaty wótc dopominaše na krizy a ćerpjacych ludźi a rjekny: „Hdyž by kóždy z nas – na wšěch runinach – město wobwinowanja druhich najprjedy swójske zmylki spóznał a Boha wo wodaće prosył, runočasnje so do połoženja ćerpjacych zamyslił a so z nimi solidarizował, by so swět změnił.“
Nabožne žro hód wohrožene
Vilnius (B/SN). Arcybiskop Georg Gänswein so starosći, zo so žro hodowneje powěsće pozhubi. „Nabožny aspekt hód – narod Jězu Chrysta, Božeho syna – so dale a bóle do pozadka tłóči.“, praji wón katolskej powěsćerni. Arcybiskopa jima „spirituelna dimensija hód. Swjatočna liturgija hodownych dnjow, wosebje patoržicu wječor, wotwěra wutrobu a spřistupnja hodowne poselstwo.“
Hody při hranicy
Wožiwja něhdyši municiski zawod
Lubin (dpa/SN). Němski twarc brónjow Diehl Defence chce w něhdyšim zawodźe za municiju w Lubinje mjez druhim zažehlaki (Zünder) za eksploziwne maćizny produkować. To zdźěli nowinski rěčnik předewzaća, kotrehož sydło je w Überlingenje (Badensko-Württembergska), dźensa w nowinskej zdźělence němskeje powěsćernje dpa. Hižo wot lěta 2024 wutwarja a modernizuje Diehl Defence zhromadnje z firmu Tauber, kotraž je so na wotstronjenje rozbuchadłow specializowała, produkciske hale w Lubinje. Konkretnu informaciju wo tym, hdy produkciju zahaja, rěčnik podał njeje. Tuchwilu so wo dowolnosće w zwisku z produkciju prócuja, w zdźělence rěka.
W tak mjenowanej Sprjewinej tworni w Lubinje su wot kónca 1950tych lět municiju produkowali. Wot 90tych lět tam potom municiju zaso roztwarjachu. Krótko do zawrjenja w lěće 2024 předewzaći Diehl Defence a Tauber zawod přewzaštej. Nimo municije zhotowja Diehl Defence wodźenske rakety. Jeho powětrowy wotwobaranski system Iris-T tež ukrainske wójsko zasadźuje.
Danska zakazuje sej hroženja
Kopenhagen (dpa/SN). Danska, Šwedska, Norwegska a Finska su žadanje prezidenta USA Donalda Trumpa, Grönlandsku USA přewostajić, znowa raznje wotpokazali. Ministerska prezidentka Danskeje Mette Frederiksen rjekny, zo nimaja USA scyła žane prawo, sej dźěl danskeho stata přiswojić. Wona USA namołwja, z hroženjemi přestać. W USA běchu so po nadpadźe na Venezuelu informacije šěrili, zo je „nětko Grönlandska na rjedźe“.
CSU: Tež dźěći zasudźić
Seeon (dpa/SN). Po woli CSU w zwjazkowym sejmje měli so přichodnje tež dźěći po chłostajomnych njeskutkach sudnisce zamołwić, byrnjež po starobje hišće chłostanja kmani njebyli. Tole wuchadźa z dokumenta bayerskeje CSU, wo kotrymž chcedźa na klawsurnym posedźenju w klóštrje Seeon wuradźować. W naćisku žadaja sej sudniski „proces zamołwitosće“ za dźěći. Dotal so dźěći pod 14 lětami sudnisce zamołwić njetrjebaja, dokelž njejsu chłostanja kmani.
Sakska planuje swójske satelity
Z kwětkami a swěčkami wopominaja w šwicarskim sněhakowarskim ...
Berlin žada sej pomoc Zwjazka
Bolsonaro dyrbi zaso do jastwa
Wurjadne posedźenje UNO zwołane
New York (dpa/SN). Po nadpadźe USA na Venezuelu a zajeću prezidenta Nicolása Madura je so wěstotna rada UNO dźensa na wurjadnym posedźenju zešła. Wuradźowanje měješe so w 16 hodź. w New Yorku započinać.
Knježerstwo Venezuele bě wo wurjadne posedźenje prosyło. Nadpad rani chartu UNO wo mjezynarodnych poćahach a wohrožuje měr w regionje a po wšěm swěće, rěka w pismje wonkowneho ministerstwa čłonam rozsudneho gremija zjednoćenych narodow. Wěstotna rada UNO měła nadpad jako agresiju jasnje zasudźić a sej zdobom zakónčenje wšěch akcijow přećiwo Venezueli žadać. Ruska a China žadanje za wurjadnym posedźenjom rady podpěrujetej. Prezidenta Venezuele Nicolása Maduru, kotryž w USA w jastwje sedźi, chcychu dźensa sudnistwu předstajić. Jemu wumjetuja „drogowy terorizm“ a dowožowanje kokaina do USA. Mjeztym mjezynarodnje wo tym spekuluja, kotry kraj móhł sej prezident USA Donald Trump jako přichodny cil podobneje wojerskeje akcije wuzwolić.
USA prezidenta Venezuele zajeli
Mjezynarodny wothłós na operaciju kontrowersny
Palm Beach (dpa/SN). „Jednotki wójska Zjednoćenych statow Ameriki su we wosebitej wuprawje we Venezueli tamnišeho prezidenta Nicolása Madura a jeho mandźelsku zajeli a wobeju na wójnsku łódź USS Iwo Jima dowjezli“, US-prezident Donald Trump na nowinarskej konferency sobotu popołdnju zdźěli. W narěči w swojej rezidency Mar-a-Lago na połkupje Florida Trump wuzběhny, zo chcedźa USA „wjednistwo kraja tak dołho přewzać, doniž njeje wěsty, porjadny, wobhladniwy přechod zaručeny“. Dokładne fakty hladajo na to wón njepoda.
