impresum
Serbske Nowiny wudawaja so w Domowina-Verlag GmbH Ludowym nakładnistwje Domowina
Jednaćel: Syman Pětr Cyž
Ludowe nakładnistwo Domowina tzwr spěchuje Załožba za serbski lud, kotraž dóstawa lětne přiražki z dawkowych srědkow na zakładźe hospodarskich planow, wobzamknjenych wot Němskeho zwjazkoweho sejma, Krajneho sejma Braniborskeje a Sakskeho krajneho sejma.
Šefredaktor a zamołwity redaktor w zmysle
nowinarskeho zakonja: Marcel Brauman 577 232/233 Wyša redaktorka: Bianka Šeferowa 577 230
tel.: 03591 577 232 faks: 03591 577 202 e-mail: www.serbske-nowiny.de
Adresa redakcije a nakładnistwa: Sukelnska 27, 02625 Budyšin
Adresse der Redaktion und des Verlages: Tuchmacherstraße 27, 02625 Bautzen
Serwis za abonentow: 577 263
Předań nawěškow: Jadwiga Šołćic 577 266 e-mail:
Ćišć: DVH Weiss-Druck GmbH & Co. KG, Lejnjanska 14, 02979 Halštrowska Hola, wjesny dźěl Hory
Vertriebskennzeichen: 2 B 2560 B
To a tamne (30.12.25)
Němski statny minister za kulturu Wolfram Weimer chce so za fairniše popłatki na hudźbnikow ze stron streamingowych platformow kaž Spotify zasadźować. Tohodla je za spočatk 2026 wuměłcow kaž tež zastupjerjow platformow a hudźbnych nakładnistwow na jednanja do kanclerskeho zarjada přeprosył. Weimer chce posrědkować, „je-li trjeba, pak dyrbjał zakonjedawar zapřimnyć“, wón doda.
Ze zakazanym hoberskim wohnjostrojom ze 107 wutřělemi su zastojnicy zwjazkoweje policije z Pólskeje přichadźaceho 56lětneho kónc tydźenja lepili, jako jeho na wotpočnišću při awtodróze blisko Zhorjelca zadźeržachu. Krótko pozdźišo lepichu w bliskosći dalšeho muža ze zakazanej pyrotechniku. Wón měješe wohnjostroj z něhdźe kilogramom eksploziwneje substancy w swojim awće.
Zwjeselaca bilanca
Vatikan (B/SN). Prjedy hač so za tři tydźenje Swjate lěto zakónči, zličichu w Romje dotal wjace hač 32 milionow wopytowarjow. Na pohrjebnych ceremonijach bamža Franciskusa je so 200 000 młodostnych wobdźěliło. 6. januara zawrěje bamž Leo XIV. Swjate wrota a zakónči wosebite lěto, kotrež swjeći katolska cyrkej kóžde 25 lět. Ale 2033 změjemy wurjadne swjate lěto, dokelž je Jezus Chrystus před 2 000 lětami zemrěł a z rowa stanył.
Poměr křesćanow k židam
Frankfurt n. M. (B/SN). Nowa datowa banka dokumentow wo poměrje křesćanow k židam je w interneće přistupna. W njej předstajeja wjace hač 1 000 tekstow ewangelskich, katolskich a mjezynarodnych cyrkwjow kaž tež židowskich organizacijow wot lěta 1945. Zastupjerjo nabožinow chwala nowy projekt jako wažny poskitk kubłanja k antisemitizmej.
Kniha wo wólbach bamža wušła
Rěčitaj wo Gazaskim pasmje
Tel Aviv (dpa/SN). Prezident USA Donald Trump je so dźensa z israelskim ministerskim prezidentom Benjaminom Netanjahuwom zetkał. Zhromadnje chcyštaj wo přichodźe Gazaskeho pasma wuradźować. Zeńdźenje w rezidency Trumpa Mar-a-Lago w Floridźe bě šeste swojeho razu. Při tym dźěše wo zwoprawdźenje wot USA nastorčeneho měroweho plana za wot Israela dospołnje zničene Gazaske pasmo. Zastupnicy Palestinjanow njeběchu přeprošeni.
AfD smě so zaso wobdźělić
Berlin (dpa/SN). Fachowi politikarjo AfD smědźa so na Mnichowskej wěstotnej konferency 2026 zaso wobdźělić, po tym zo běchu minjenej lěće wuzamknjeni. Tole je amtěrowacy předsyda konferency Wolfgang Ischinger po dorěči ze załožbowej radu konferency připowědźił. Hižo do hód běchu wšěm w zwjazkowym sejmje zastupjenym stronam přeprošenja na konferencu pósłali, kotraž wotměje so klětu wot 13. do 15. februara.
Na přiměr so dojednali
W bayerskim Beilngriesu sewjernje Ingolstadta su wčera swjedźeń ...
Nowy popłatk pola lěkarja?
Wikowarjo 2025 njespokojom
Berlin (dpa/SN). Prezident Zwjazka wulkowikowarjow Němskeje dr. Dirk Jandura ma bilancu lěta 2025 za wostrózbjacu. „Problemy běchu znate, jich rozrisanje pak so dale dliji“, rjekny Jandura nowinarjam. „Předewzaća so hižo njeprašeja, kak móhli přichodnje rozrosć, ale jenož hišće, kak połoženja přetraja.“
Aktualnu situaciju nima Jandura hižo za nachwilnu słabosć, ale za strukturny problem. Wysoke kóšty, nadměrna běrokratija a stajnje nowe předpisy bjeru zawodam powětr za dychanje. Tuž inwesticije přestorča a wažne rozsudy wotstorkuja, dokelž nimaja wěstotu planowanja. „Najebać wšě problemy su wikowarjo 2025 pokazali, zo su fleksibelni. Dołhodobnje pak trjebaja woni wěstotu.“
Zetkanje w Floridźe bjez wuspěcha
Washington/Moswka (dpa/SN). Najnowše zetkanje prezidenta USA Donalda Trumpa a ukrainskeho prezidenta Wolodymyra Zelenskeho w Floridźe je so bjez widźomneho wuslědka skónčiło. Na prašenje žurnalistow, hdy móhło so dojednanje radźić, rjekny Trump na zhromadnej nowinarskej konferency: „Jeli wšitko derje poběhnje, snano za něšto tydźenjow. Hdyž špatnje běži, pozdźišo. A hdyž woprawdźe hubjenje běži, potom so ničo njeporadźi.“ Zelenskyj rjekny, zo chce so dale wo měrowe rozrisanje prócować.
W Moskwje hódnoća telefonat mjez ruskim prezidentom Wladimirom Putinom a prezidentom USA Donaldom Trumpom kaž tež toho zetkanje ze Zelenskym pozitiwnje. „Wupada, jako by so něšto hibało“, rjekny wicešef hornjeje komory ruskeho parlamenta Konstantin Kossačow. Poziciju prezidenta Trumpa mjenowaše wón „wuwaženu a wusměrjenu“. „Kluč za skónčenje konflikta maja Ruska a USA. Europjenjo planuja nowe lózyskosće a Zelenskyj nerwoznje na kromje hrajnišća stejo kuri.“
Butra za 99 centow přetunja
Zwjazk ratarjow Braniborskeje žada sej zasahnjenje politiki
Podstupim (dpa/SN). Prezident Zwjazka ratarjow Braniborskeje Henrik Wendorff kritizuje masiwne zniženje płaćiznow we wobchodach a wočakuje dalši ćišć na ratarske zawody. Zniženje płaćiznow za jednotliwe wudźěłki wo 40 procentow njehodźi so z chabłanjom na wikach wopodstatnić, rjekny wón powěsćerni dpa w Podstupimje. „Za tym chowaja so poskitki, kotrež maja kupcow přiwabić.“ Bitwy wo najtuńšu płaćiznu z pomocu wabjenskich łopjenow w póstowym kašćiku njejsu hižo načasne, Wendorff rjekny.
Braniborske ratarske a zežiwjenske zawody prezentuja so wot 16. hač do 25. januara w swójskej hali na Zelenym tydźenju w Berlinje. W srjedźišću steji tradicionalnje kopica kulinariskich chłóšćenkow k woptawanju. Mjezynarodna ratarska přehladka zhladuje 2026 nimo toho na swoje 100lětne wobstaće.
