To a tamne (27.08.25)
Superstar popoweje hudźby Taylor Swift a hrajer ameriskeje ligi footballa Travis Kelce staj so slubiłoj. „Waša wučerka jendźelšćiny a waš wučer sporta so woženitaj“, pisaštaj wonaj w zhromadnym přinošku na platformje Instagram. Galerija wobrazow tam pokazuje, kak Kelce w zahrodźe z wjele kwětkami před Swift kleći. Z tym wobkrućištaj wonaj, štož běchu sej mnozy fanojo Swift a Kelce hižo dołho myslili.
Wosrjedź Elsaskeje w měsće Sainte-Marie-Aux-Mines njedaloko němskeje mjezy maja nětko małku wersiju sławneje Eiffeloweje wěže, kotraž wšak steji poprawom we wjace hač 400 kilometrow zdalenym Parisu. Wuměnkar Jean-Claude Fassler je w běhu wosom lět model w poměrje 1:10 natwarił. Při tym su jeho swójbny zawod a mnozy dobrowólni pomocnicy podpěrowali.
Prěni nadawk koalicije
Drježdźany (dpa/SN). Sakske mjeńšinowe knježerstwo chce po schwalenju dwójneho etata ambicioněrowane koaliciske zrěčenje zwoprawdźić, rjekny šef sakskeje SPD Henning Homann w Drježdźanach. Prěni a najwažniši nadawk je nětko realizowanje tak mjenowaneho sakskeho fondsa, kotryž ma pjenjezy z wosebiteho zamóženja Zwjazka w Sakskej rozdźělować. Pjenjezy chce knježerstwo za wjacore projekty wužiwać.
Trump pušći guwernerku Fed
Washington (dpa/SN). Prezident USA Donald Trump je připowědźił, zo guwernerku notoweje banki Fed Lisu Cook pušći. To zdźěli wón na swojej platformje Truth Social. Jako přičinu mjenowaše wón w swojim lisće na Cook dosć dopokazow za to, zo je wona w zrěčenjach wo hypotekach wopačnosće podała. Personelny rozsud Trumpa je dźěl jeho kampanje přećiwo Fed, wšako chce wón wodźacu dań znižić.
Parlament so wotpalił
Přewšo wulki wichor z tójšto prochom je wčera, póndźelu, ...
Wjace pjenjez za nadhodźiny
Strašny woheń na terenje přistawa
Habeck sejm wopušći
Spočatk septembra kónči so politiska karjera něhdyšeho wicekanclera
Berlin (dpa/SN). Něhdyši wicekancler a hospodarski minister Robert Habeck (Zeleni) wopušći zwjazkowy sejm. „Póndźelu sym prezidijej zwjazkoweho sejma zdźělił, zo swój mandat zwjazkoweho sejma 1. septembra wróću“, rjekny 55lětny nowinje taz. Prominentni politikarjo Zelenych jeho rozžohnowanje z politiku wobžaruja a jeho dźěło hódnoća. Habeck, kotryž bě kandidat na zastojnstwo kanclera w zašłych wólbach, zastupjerjow Unije wospjet raznje kritizowaše.
Rozsud, zo chce swój mandat spušćić, njebě za njeho „docyła lochki“. To rjekny Habeck we wideju, kotryž bě online wozjewił. Dołho bě wo tym rozmyslował. Wo swojich planach do přichoda rjekny wón taz: „Budu na wšelkich kubłanskich a slědźerskich zarjadnišćach we wukraju slědźić, wuwučować a wuknyć.“ Wón mjenowaše danski institut za mjezynarodne slědźenja a uniwersitu Berkeley w Kaliforniskej. Jemu je wažne, zo „wotstawk k wuskemu korsetej Berlinskeje politiki dóstanje“.
Rozwažliwy wotchad?
Delanskim Sokołam nowe trikoty darił
To a tamne (26.08.25)
Wobsedźer kioska je w měsće Wuppertal dwaj rubježnikaj, kotrejž běštaj z nožomaj wobrónjenaj, do swojeho wobchoda zamknył. Město toho, zo by jimaj pjenjezy dał, bě durje swojeho kioska z pomocu dalokoposłužowaka zamknył, zdźěli policija. Muža běchu hižo dwójce spytali wurubić. Tohodla je sej wosebity mechanizm do duri zatwarił, z kotrymž móže je tež zdaloka zamknyć.
Šulerjo w awtoritarnje wobknježenym kraju El Salvador maja zdwórliwi być, hewak hroža jim konsekwency. Štóž w přichodźe „dobre ranje“, „dźakuju so“ abo „prošu“ njepraji, so pochłosta. Jeli nowe regule kubłanskeje ministerki Karla Tigueros přeńdu, potom dóstanu dźěći dypki. Su-li tři dypki nahromadźili, maja chłostanske dźěło napisać. Hdyž maja 15 nahromadźene dypki, dyrbja šulske lěto wospjetować.
Wočakuja spěšniše reformy
Köln (B/SN). Předsydka Centralneho komiteja němskich katolikow Irme Stetter-Karp sto dnjow po wólbje bamža Leja XIV. spěšniše reformy wočakuje kaž wottwar klerikalizma, swjećizny žonow kaž tež wjace sobupostajenja. Biskopja měli so ručišo na synodalnosć přihotować. „Widźu zwólniwosć bamža k reformam“, praji wona w interviewje z Kölnjanskim internetnym portalom .
Pólsko-němske listowanje
Zhorjelc (B/SN). Biskop Wolfgang Ipolt je historisku hódnotu listowanja mjez pólskimi a němskimi biskopami w lěće 1965 wysoko hódnoćił. „To bě spočatk wujednanja mjez našimaj ludomaj.“ Pólscy biskopja pisachu, spominajo na němski nadpad Pólskeje 1939: „Wodamy Wam a prosymy wo wodaće.“ Němscy biskopja wotmołwichu: „Hrózbu w mjenje němskeho ludu su Němcy pólskemu ludej načinili. Prosymy to zabyć a wodać.“
Podpěra hospicnych słužbow
