Bratisława (dpa/SN). Guwernera sło­wakskeje narodneje banki a něhdyšeho ministra financow Petera Kazimira je štwórtk za korupciju zamołwite wosebite sudnistwo zasudźiło. Jeho prawiznik připowědźi hišće samsny dźeń, zo chce so přećiwo wusudej spjećować. Jako guwerner banki Słowakskeje (NBS) zastupuje Kazimir swój kraj zdobom w radźe europskeje centralneje banki EZB. Wosebite sudnistwo w Pezinoku blisko Bratisławy je wusudźiło, zo bě šef banki za swój čas jako minister wobtykowanske pjenjezy přijimał a dale dawał. Za to bě so wo to postarał, zo dóstawaja jemu bliske za­wody lěpše dawkowe kondicije. We wusudźe, kotryž tuchwilu hišće prawnisce płaćiwy njeje, zasudźa Kazimira k po­kuće 200 000 eurow abo k jednomu lětu jastwa. Prawiznik guwernera mjenowaše wusud „njezakonski“, dokelž złožuje so na „konstruowane twjerdźenja jeničkeho swědka.“

Drježdźany (SN). W běhu lěta je so ličba skóržbow, kiž su požadarjo wo azyl na zarjadniskich sudnistwach w Sakskej zapodali, podwojiła. W prěnim kwartalu bě jich 3 157 (loni samsny čas 1 574). Wjac hač połojca wšěch jednanjow sudnistwa wěnuje so skóržbam azylantow přećiwo wotpokazanju próstwy na azyl, praješe rěčnik Drježdźanskeho zarjadniskeho sudnistwa Robert Bendner. Po Sakskej zwrěšći 71 procentow požadarjow wo azyl ze skóržbu we hłownym jednanju, 94 procentow znapřećiwjenjow na wyšim zarjadniskim sudnistwje je bjez wuspěcha. Hač do junija 2026 maja nowe postajenja europskeho prawa zwoprawdźeć a jednanje wo skóržbach azyla dla w běhu třoch měsacow wotzamknyć.

Zwjazkowa ministerka za strowotnistwo plany terminowanja předstajiła

Lipsk (dpa/SN). Zaměrne rozdawanje terminow pola fachowych lěkarjow ma po planach zwjazkoweje ministerki za strowotnistwo Niny Warken tež na dobro pacientow być. Hłowny zaměr je, zo wostanje domjaca lěkarska praksa „dale prěnje městno z pospěšenym posrědkowanjom terminow za dalše lěkowanje ze stron fachowych lěkarjow“, rjekny politikarka CDU na zjězdźe lěkarjow Němskeje w Lipsku. Z tym by dobre zastaranje „w jednej ruce“ zaručene było. Nimo toho hodźało so tak dwójnemu lěkowanju a dołhim čakanskim časam zadźěwać

Unija CDU/CSU a SPD chcetej po koaliciskim zrěčenju zawjazowacy system zarjadować, w kotrymž pacienća najprjedy do domjaceje lěkarskeje praksy du, kotraž jich po potrjebje fachowym lěkarjam dale sćele. Tole ma tež zaručić, zo pacienća spěšnje termin dóstanu. Njedyrbjało-li tole fungować, měli tež fachowi lěkarjo w chorownjach tutón nadawk přewzać a pacientow lěkować.

Serbske Nowiny wudawaja so w Domowina-Verlag GmbH Ludowym nakładnistwje Domowina 

Jednaćel: Syman Pětr Cyž

Ludowe nakładnistwo Domowina tzwr spěchuje Załožba za serbski lud, kotraž dóstawa lětne přiražki z dawkowych srědkow na zakładźe hospodarskich planow, wobzamknjenych wot Němskeho zwjazkoweho sejma, Krajneho sejma Braniborskeje a Sakskeho krajneho sejma.

Šefredaktor a zamołwity redaktor w zmysle

nowinarskeho zakonja: Marcel Brauman 577 232/233 Wyša redaktorka: Bianka Šeferowa 577 230

tel.: 03591 577 232 faks: 03591 577 202 e-mail:  www.serbske-nowiny.de

Adresa redakcije a nakładnistwa: Sukelnska 27, 02625 Budyšin

Adresse der Redaktion und des Verlages: Tuchmacherstraße 27, 02625 Bautzen

Serwis za abonentow: 577 263

Předań nawěškow: Jadwiga Šołćic 577 266 e-mail:

Ćišć: DVH Weiss-Druck GmbH & Co. KG, Lejnjanska 14, 02979 Halštrowska Hola, wjesny dźěl Hory

Vertriebskennzeichen: 2 B 2560 B