(Nje)zamołwita wólnosć
Kriza zmóžnja spěšnišu změnu
Do zahajenja Mjezynarodneje klimoweje konferency analyzy předstajili
Paris (dpa/SN). Krótko do zahajenja Mjezynarodneje klimoweje konferency w Egyptowskej je jedna z dweju mjezynarodneju organizacijow pozitiwny wuhlad do přichoda podała. Globalna energijowa kriza ma najebać hospodarskich ćežow potencial, energijowu změnu pospěšić, wuzběhny Mjezynarodna energijowa agentura (IEA) wčera w Parisu, hdźež je swoju lětnju rozprawu předstajiła.
Zjednoćene narody (UN) wšak swětowemu zhromadźenstwu wumjetowachu, přemało za škit klimy činić. Prócowanja njedosahaja, zo móhli zaměr maksimalnje 1,5 stopnjow přibližnje dodźeržeć, rěka we wčera w Nairobiju předpołoženej rozprawje wobswětoweho programa UN, UNEP. Hospodarske branše měli so radikalnje změnić.
To a tamne (28.10.22)
Scholz w Grjekskej
Athen (dpa/SN). Zwjazkowy kancler Olaf Scholz (SPD) zetka so dźensa na swojim nastupnym wopyće w grjekskej stolicy Athen z tamnišim ministerskim prezidentom Kyriakosom Mitsotakisom. Ćežišćo rozmołwow je teritorialna zwada mjez Grjekskej a Turkowskej wokoło grjekskich kupow kaž Rhodos, Kos a Lesbos w Egejskim morju. Wonkowna ministerka Annalena Baerbock (Zeleni) bě so na dwójnym wopyće w Athenje a Turkowskej w juliju jasnje za poziciju Grjekskeje wuprajiła.
Dalše zwyšenje připowědźili
Frankfurt nad Mohanom (dpa/SN). Europska centralna banka (EZB) je za swoje dźensniše posedźenje w Frankfurće nad Mohanom dalše zwyšenje danje připowědźiła. Prawdźepodobnje móhła so dań wo 0,75 procentnych dypkow dale sylnje powyšić. Rozsudy rady EZB chcychu dźensa popołdnju wozjewić. Ze zwyšenjom danje reaguje EZB na wysoku inflaciju w europskich krajach.
Chcedźa pjenjezy wróćo płaćić
Społnomócnjena zwjazkoweho knježerstwa za narodne mjeńšiny a ...
Nadźija so centruma
Spěšne jednanja
Změja wjace pjenjez k dispoziciji
Berlin (dpa/SN). Zwjazkowy financny minister Christian Lindner (FDP) móhł klětu tola wjace pjenjez k dispoziciji měć hač wočakowane. Dźensa předpołoži dźěłowy kruh trochowarjow dawkow swoju prognozu za lěta hač do 2026. Najebać wěsćeny hospodarski minus změje Zwjazk wjace dochodow. Stat profituje mjez druhim z wysokeje inflacije. Jeli so twory podróša, stupaja tež dochody z dawkow, kotrež maja so na nje płaćić. Wosebje nadhódnotowy dawk statej wjele wunjese. W prěnich dźewjeć měsacach tutoho lěta dochody njewočakowano derje stupachu. Wot januara do septembra je stat něhdźe dźesać procentow wjace dawkow kasěrował hač loni w samsnej dobje.
Klětu pak liči zwjazkowe knježerstwo energijoweje krizy dla z woteběracym hospodarskim wukonom wo 0,4 procentow.
Dale a wjace ludźi protestuje
Za politiskeho wědomostnika njeje wuwiće překwapjenka
Drježdźany (dpa/SN). Po słowach Drježdźanskeho politiskeho wědomostnika Hansa Vorländera je wjele přičinow, čehodla ludźo we wuchodnej Němskej sylnišo přećiwo stupacym energijowym kóštam protestuja hač w zapadźe. „Strachi před přichodom a njespokojnosć su we wuchodźe sylniše, dokelž tudyši wobydlerjo hižo wjele krizow a přewrótow dožiwichu“, wuswětli wón němskej powěsćerni dpa. Wšelake skupiny su w jednotliwych regionach nažel derje zakótwjene, na přikład prawicarskoekstremnej zjednoćeni „Swobodni Saksojo“ a „Swobodni Durinčenjo“. Tež strona AfD zamóže stajnje znowa wjele ludźi mobilizować.
„We wuchodźe mamy takrjec politiske předewzaćelstwo. Protest je tu derje etablěrowany. Tu su struktury, wosoby a organizatoriski know-how“, politiski wědomostnik wujasni.
