To a tamne (03.09.26)
60 dnjow po Dunaju płuwał – wot jeho žórła w badensko-württembergskim Donaueschingenje hač k zaliwej do Čorneho morja – je Drježdźanski ekstremny płuwar Joseph Heß. Zawčerawšim zakónči swoju poslednju etapu w rumunskim měsće Sulina. Na swojej turje přez dohromady dźesać krajow je jeho team přewodźał, kotryž wuprawu sportowca jenož z kameru njedokumentowaše, ale tež wodowe proby nazběra. Z datami chcedźa kartu zanjerodźenja Dunaja z mikroplastikom zhotowić.
20 000 do 25 000 eurami zamołwići w narodnym parku Sakska Šwica kóžde lěto za wotstronjenje škodow wudawaja, kotrež wopytowarjo zawostajeja. K tomu słušeja grafitije na skaliskach, skóncowane abo z nalěpkami polěpjene pućniki abo „rězbarstwa“ dla wobškodźene štomy.
Mjenje domow za azylantow
Drježdźany (dpa/SN). Lěto a mjenje požadarjow wo azyl w Sakskej dla redukuja tuchwilu ličbu přebywanišćow za nich. Porno předlětu je so ličba městnow wo 850 na dohromady 3 350 znižiła. Tuchwilu je 1 477 městnow wobsadźenych. Budyski wokrjes je lětsa přebywanišćo w bywšim Sprjewinym hotelu při Budyskim spjatym jězoru zawrěł. Aktualnje přebywa we wokrjesu 582 požadarjow wo azyl. Před lětom běše jich hišće 1 745.
Poskitk w Dobruši mytowany
Lipsk/Dobruša (SN). Turistiski poskitk na knježim dworje w Dobruši je mjez mytowanymi lětušeho krajneho wubědźowanja „Lubušk hosći 2026“. Po wčera wozjewjenej statistice mjenowaneho turistiskeho barometra Sakskeje nalutowarnje běše wón w kategoriji „prózdninske by-dlenje“ najwuspěšniši w Sakskej. Knježi dwór w Dobruši dósta najwjace pozitiwnych pohódnoćenjow hosći w interneće.
Politiski aktiwist winu přiznał
Kaž hladarka zwěrjatow Lisa Schlegel móža so wopytowarjo ...
Kónc za VW w Šwikawje?
Nowu dźěłarnju poswjećili
Rusku jako nitkićaharja wuslědźili
Přepinarnju pola Janšojc nadpadnyli
To a tamne (02.09.26)
„Lake Amerika“ ameriscy wužiwarjo kartow nětko w nawigaciskej app předewzaća Apple čitaja. Prezident USA Donald Trump běše jězor Lake Ontario na mjezy Zjednoćenych statow a Kanady kónc awgusta z dekretom na tute mjeno „překřćił“. Po internetnym giganće Google tež Apple jako druha ameriska firma wukazej Trumpa sćěhuje.
Prezident Ukrainy Wolodymyr Zelenskyj je zastupnikow mjezynarodnych partnerskich statow kritizował, dokelž su so do lětnjeho dowola podali, mjeztym zo je jeho kraj wo swoju eksistencu wojował. „Ruska je tutón čas za nadpady na ukrainsku infrastrukturu wužiła“, wuzběhny wón wčera n w Kyjiwje.
Klingbeil hosćićela kritizował
Asheville (dpa/SN). Financni ministrojo najwjetšich industrijnych narodow schadźuja so tuchwilu na dwudnjowskim wjeršku G20 w Asheville, w zwjazkowym staće USA North Carolina. Zwjazkowy financny minister Lars Klingbeil (SPD) kritizowaše tam hosćićela, kotryž běše tež ruskeho financneho ministra Antona Siluanowa přeprosył. Wón mjenowaše přeprošenje „pospyt USA, poćahi z Ruskej normalizować. Wo normalnej situaciji z Ruskej pak scyła rěčeć njemóžemy“.
Na kemšach za měr mjelčeć
Zehdenick (dpa/SN). Andreas Domke, farar w Zehdenicku, namołwja duchownych, so w septembrje na prědowanskim stawku na Božich słužbach wobdźělić. „Z tym kemše njezapowědźimy, ale je přetorhnjemy“, piše wón w socialnych syćach. Za ewangelskeho fararja je akcija „mjelčenje za měr“ znamjo, z kotrymž chce na temje wójna a brónjenje skedźbnić, kotrejž dźeń a bóle towaršnostne a politiske debaty postajujetej.
Žadyn alkohol na dwórnišćach
Merz po puću we wuchodźe
Quedlinburg/Kühlungsborn (dpa/SN). Zwjazkowy kancler Friedrich Merz (CDU) je wčera swoju podpěrowansku turu za kandidatow CDU we wólbnym boju na wuchodźe Němskeje zahajił. Z načolnym kandidatom saksko-anhaltskeje CDU Svenom Schulze wopyta wón Quedlinburg a wuzběhny tam hladajo na sylnu AfD w zwjazkowym kraju, zo „njesmě so Saksko-Anhaltska z eksperimentom njemdrych wobydlerjow stać“.
Do toho běše Merz Kühlungsborn w Mecklenburgsko-Předpomorskej wopytał. Tam jeho pasanća wuhwizdachu a jemu wótře „wójnski škarak“ abo „Pinocchio“ nadawachu. Njeměra dla dyrbjachu poprawom planowany statement Merza před kamerami wotprajić.
