To a tamne (16.06.26)
Hape Kerkeling, znaty němski komikar a awtor, je w online-peticiji, w kotrejž jeho jako zwjazkoweho prezidenta namjetuja, dotal 100 000 wot 200 000 trěbnych hłosow docpěł. Na prašenje, hač sej přicpěwa, najwyše statne zastojnstwo w Němskej woprawdźe wukonjeć, wón praji: „Hdyž sej ludźi bliže wobhladam, kotřiž tuchwilu we wodźacych funkcijach na swěće skutkuja, zwažu sej haj prajić!“
Somaliskemu sudnikej Omarej Artanej, kotremuž njeběchu USA zajězd do kraja dowolili, zapłaći FIFA połnu mzdu, tež hdyž so na swětowym mišterstwje w kopańcy njewobdźěli. Kelko sudnicy dokładnje zasłuža, zhonja hakle na kóncu turněra, zdźěli koparski zwjazk. FIFA je Omara Artana nimo toho jako sudnika supercup-finala mjez mustwomaj Paris Saint-Germain a Aston Villa dnja 12. awgusta in Salzburgu powołała.
Natwarja solarnu připrawu
Vatikan (B/SN). Najmjeńši stat swěta so bórze kompletnje ze solarnej milinu zastara, podkładźe hižo wot lěta 2025 płaćiwe zrěčenje z Italskej. Twar hoberskeje fotowoltaikoweje připrawy, kotryž je bamž Franciskus nastorčił, nastanje na płoninje 420 hektarow – dźesać króć tak wulkej kaž je 44 ha wulka ležownosć Vatikanskeho stata. Z připrawu móže Vatikan samo Rom dźělnje sobu zastarać.
Cyrkwinske wuměłstwo
Linz (B/SN). Dekanka na fakulće za filozofiju a wuměłske wědomosće uniwersity w Linzu prof. Ilaria Hoppe zwěsća, zo je cyrkwinske wuměłstwo zaso jara aktualne. Wuměłcy su so stajnje hižo z nabožinami zaběrali, kaž Wassily Kandinsky, Marc Chagall, Tilmann Riemenschneider abo Michael Triegel. Kak wuměłcy swoje twórby zhotowjeja wotwisuje wot nadawkidawarjow.
Nabožinska mnohotnosć
Malinkowa nowa społnomócnjena
Wojerecy (AK/SN). Pod hesłom „Mój čas je w twojimaj rukomaj“ swjećachu wobdźělnicy minjeny kónc tydźenja we Wojerecach 80. Serbski ewangelski cyrkwinski dźeń. „Njejsmy jenož digitalnje zwjazani. Woprawdźita zwjazanosć je wot čłowjeka k čłowjekej žiwa“, podšmórny sobotu fararka Jadwiga Malinkowa ze Slepoho na zahajenskim nyšporje dnja. Cyrkwinski dźeń je Serbow a přećelow z cyłeje Łužicy kaž tež z Drježdźan abo Lipska zjednoćił. We wodźenjach po měsće zeznachu woni serbske Wojerecy. Sigrun Nasdala a Werner Sroka wobdźělnikam zajimawosće města spřistupništaj.
Płaćizny wolija spadnyli
New York (dpa/SN). Dojednanje mjez USA a Iranom w zwisku ze zakónčenjom wójny je so hnydom pozitiwnje na płaćizny wolija na swětowych wikach wuskutkowało. Płaćizna referencneje družiny nafty Brent spadny wčera wo nimale štyri procenty na něhdźe 84 US-dolarow za barrel. Płaćizna US-družiny wolija WTI spadny podobnje sylnje na 81 US-dolarow na barrel.
Rusku łódź zadźerželi
London (dpa/SN). Britiske wójsko je wčera w Doverskim přeliwje łódź njelegalneje ruskeje floty za transport nafty zadźeržało. Wo tym informuje britiski premierminister Keir Starmer na platformje X. Wojerska operacija traješe šěsć hodźin. Nimale 244 metrow dołha łódź „Smyrtos“ jězdźi pod kamerunskej chorhoju a běše z ruskeho přistawa startowała, britiske zakitowanske ministerstwo wčera zdźěli.
Na deportacije spominali
W francoskim Évianje zahaja dźensa hospodarski wjeršk G7. W ...
Köpping za lěpši škit dołžnikow
Kyjiwski klóšter so palił
Iran a USA zakład za přiměr stworiłoj
Wólby krajneju sejmow w fokusu
Schwesig (SPD) a Schulze (CDU) chcetaj ze swojej prominencu wolerjow zdobyć
Wismar/Dessau-Roßlau (dpa/SN). Na swojimaj stronskimaj zjězdomaj minjenu sobotu stej Saksko-Anhaltska CDU kaž tež Mecklenburgsko-Předpomorska SPD swój kurs hladajo na přichodne wólbny krajneho sejma lětsa w septembrje postajiłoj. Dokelž AfD we woběmaj zwjazkowymaj krajomaj we woprašowanjach tuchwilu jasnje najwjace sympatije za sebje zběra, zhladujetej wobě stronje z wěstej nerwozitu na wólby. W Saksko-Anhaltskej leži AfD z 42 procentami před CDU, kotraž ma 25 procentow. W Mecklenburgsko-Předpomorskej ma AfD 35 procentow před SPD ze 27 procentami.
