To a tamne (04.06.25)
200 lět stary kondom z erotiskim pomolowanjom pokazuje Amsterdamski Rijksmuseum w swojej najnowšej wustajeńcy k stawiznam splažnosće a prostitucije. Kondom zhotowili su 1830 prawdźepodobnje ze slepeho črjewa wowcy. Na nim zwobraznjena je scena rjadniskeje knježny z třomi mnichami. Wustajeńca dokumentuje, zo so ludźo při wšej zabawje hižo přeco tež splažnych chorosćow a njewotpohladneje samodruhosće bojachu.
Plyšowe zwěrjatka na dróze su we Wilhelmshavenje zasadźenje policije zawinili. Wobsadce policajskeho awta běchu wčera wječor wjacore tajke zwěrjatka napadnyli, kotrež bě drje něchtó z wokna ćisnył. Zastojnicy zwěsćichu 13lětneho w toho bydlenju, kiž bě so při rumowanju stwy rozsudźił, zwěrjatka z woknom wotbyć. Pod dohladom policistow smědźeše wón wšitke zaso zezběrać.
Koalicija rozpadnyła
Den Haag (dpa/SN). Knježerstwowa koalicija w Nižozemskej je w zwadźe migraciskeje politika dla rozpadnyła. Populist Geert Wilders je wšitkich čłonow swojeje radikalneje prawicarskeje strony PVV z knježerstwa wotwołał. „Žane podpismo pod naš azylowy plan. PVV koaliciju wopušći“, wón zdźěli. Přichod knježerstwa je njewěsty. Prawdźepodobnje dóńdźe k nowowólbam. Wilders chcyše mjezy kraja za wšitkich migrantow zawrěć a to w nuzy samo z wójskom přesadźić.
Baerbock w UNO wuzwolena
New York (dpa/SN). Bywšu němsku wonkownu ministerku Annalenu Baerbock su z přemóžacej wjetšinu za nowu prezidentku hłowneje zhromadźizny UNO wuzwolili. Na žadanje Ruskeje wotměchu so wólby tajnje. 44lětna politikarka Zelenych dósta při wothłosowanju najwjetšeho gremija UNO 167 hłosow, 14 čłonskich krajow je so hłosa wzdało. Sydom krajow wupraji so za prěnju němsku kandidatku Helgu Schmidt.
BSW sudnisce zwrěšćiło
Čłonojo narodneje koordinacije sobudźěłaćerjow kubłanskeho ...
Komuny měli sobu rozsudźić
Moskwa ma namjetaj za měr
Bórze zaso woborna winowatosć?
Berlin (dpa/SN). Dołhodobnje budźe Němska wobornu winowatosć do wěsteje měry zaso wukazać dyrbjeć. Wo tym je komander diwizije za škit domizny, generalny major Andreas Henne přeswědčeny. „Zo bychmy zakitowanja potrěbnu kritisku infrastrukturu škitać móhli, trjebam wjace wojakow, hač móžu tuchwilu dóstać“, rjekny Henne nowinarjam. Po tuchwilnym planowanju ličba dobrowólnych hišće dosaha. Mjezy dobrowólnosće pak su bórze docpěte. Potom měli wěste winowatostne elementy płaćić. Kak móhli te wupadać, general w rozmołwje njepřeradźi. Prěnich dobrowólnje wobornu słužbu wukonjacych drje hišće lětsa do wójska zwołaja.
Unija CDU/CSU a SPD chcedźa po swojim koaliciskim zrěčenju model woborneje winowatosće zawjesć, kotryž złožuje so najprjedy raz na dobrowólnosć. Tutón kompromis wotpowěduje žadanjam SPD. Unija bě sej žadała, wobornu winowatosć zaso postajić. Zwjazkowe knježerstwo z Angelu Merkel (CDU) na čole bě wobornu winowatosć 2011 zběhnyło.
Nadźija z potajnstwa
LND na REWE team challenge
Załožba organow dla dźakowna
Eisenach (dpa/SN). Ministrojo za strowotnistwo Sakskeje, Saksko-Anhaltskeje a Durinskeje su wjacore chorownje tychle třoch zwjazkowych krajow za jich angažement na dobro darowanja organow wuznamjenili. Sobudźěłaćerjo Kamjeničanskeho klinikuma, klinikuma KMG w Sömmerda a chorownje Altmark w Gardelengenje su so na wosebite wašnje za to zasadźowali, rěka w zdźělence Němskeje załožby za darowanje organow (DSO). Ta je chorownje zhromadnje z ministerstwami na swjatočnosći na hrodźe Wartburg w Eisenachu počesćiła.
Loni bě w 130 wobdźělenych chorownjach mjenowanych třoch krajow cyłkownje 130 darićelow organow, štyrjo wjace hač lěto do toho. Cyłkownje su 343 organow wuwzali, załožba za darowanje organow zdźěla. Z tym je ličba darjenych organow w Sakskej, Saksko-Anhaltskej a Durinskej snadnje woteběrała. 2023 bu 351 organow darjenych. Tež po wšej Němskej ličby stagněruja: 2 854 organow su zwólniwi 2024 darili, tři mjenje hač 2023. Wjace hač 900 ludźi w Sakskej, Saksko-Anhaltskej a Durinskej na darjeny organ čaka.
impresum
Serbske Nowiny wudawaja so w Domowina-Verlag GmbH Ludowym nakładnistwje Domowina
Jednaćel: Syman Pětr Cyž
Ludowe nakładnistwo Domowina tzwr spěchuje Załožba za serbski lud, kotraž dóstawa lětne přiražki z dawkowych srědkow na zakładźe hospodarskich planow, wobzamknjenych wot Němskeho zwjazkoweho sejma, Krajneho sejma Braniborskeje a Sakskeho krajneho sejma.
Šefredaktor a zamołwity redaktor w zmysle
nowinarskeho zakonja: Marcel Brauman 577 232/233 Wyša redaktorka: Bianka Šeferowa 577 230
tel.: 03591 577 232 faks: 03591 577 202 e-mail: www.serbske-nowiny.de
Adresa redakcije a nakładnistwa: Sukelnska 27, 02625 Budyšin
Adresse der Redaktion und des Verlages: Tuchmacherstraße 27, 02625 Bautzen
Serwis za abonentow: 577 263
Předań nawěškow: Jadwiga Šołćic 577 266 e-mail:
Ćišć: DVH Weiss-Druck GmbH & Co. KG, Lejnjanska 14, 02979 Halštrowska Hola, wjesny dźěl Hory
Vertriebskennzeichen: 2 B 2560 B
