To a tamne (09.07.26)
K jatbje na čas žiwjenja je Berlinske krajne sudnistwo wčera paliatiwneho lěkarja zasudźiło, kotryž bě mjez 2021 a 2024 dohromady 15 pacientow na swojich domjacych wopytach morił. Nawjedowaca sudnica wuzběhny wosebje hrózbny fakt: 41lětny němski staćan njeje na smjerć chorym ludźom ćerpjenje wolóžić chcył – jeho motiwacija bě nutřkowne spokojenje, kotrež při morjenju začuwaše.
Jimi Blue Ochsenknecht dyrbi njezapłaćeneje zličbowanki w tirolskim hotelu dla znowa před sudnistwo. Zličbowanku we wobjimje 14 000 eurow z lěta 2021 je wón loni, po tym zo bu zajaty, zapłaćił. Z pokutu běše krajne sudnistwo w Innsbrucku pad ćežkeho wobšudnistwa poprawom loni zakónčiło. Statne rěčnistwo pak je wuspěšnje přećiwo wusudej na powołanskim sudnistwje skoržiło, tak zo proces přećiwo Ochsenknechtej dale dźe.
Lěwica a AfD njejstej partneraj
Magdeburg (dpa/SN). We wčerawšim wusyłanju sćelaka ZDF „Markus Lanz“ je Saksko-Anhaltski ministerski prezident Sven Schulze (CDU) koaliciju CDU z AfD abo Lěwicu wuzamknył. Po wólbach krajneho sejma dnja 6. septembra wón „ani k AfD ani k Lěwicy wo hłosy prosyć njepóńdźe“, wón wuzběhny. Najnowše woprašowanja pokazuja, zo tuchwilna koalicija CDU, SPD a FDP swoju wjetšinu zhubi. Strona AfD pak dóstawa aktualnje najwjace hłosow a prócuje so sama wo knježerstwo.
Rutte za partnerstwo z USA
Ankara (dpa/SN). Najebać eskalacije konflikta mjez USA a Iranom je generalny sekretar NATO Mark Rutte na zeńdźenju statow zwjazkarstwa w Ankarje wuzběhnył, zo so wšitcy čłonojo NATO k partnerstwu z USA wuznawaja. Tute partnerstwo je tež w zajimje USA, wón podšmórny, wšako móhła NATO nadpadam ruskich atomowych podnurjakow na Zjednoćene staty zadźěwać.
Nigel Farage mandat złožił
Prawicarsko-nacionalnu politikarku Marine Le Pen je powołanske ...
Zeleni přećiwo reformje
Zastojnik ICE migranta zatřělił
USA a Iran z nadběhami pokročujetej
Washington/Teheran (dpa/SN). Wójsko USA je minjenu nóc na iranske nadpady na tankowcy w Hormuskim přeliwje reagowało a něhdźe 80 wojerskich cilow w Iranje bombardowało. Mjez nimi běchu powětrowe wotwobaranske systemy Irana a něhdźe 60 wójnskich łódźow iranskich rewoluciskich gardow. Nimo toho knježerstwo USA ze swojimi sankcijemi na iransku naftu pokročuje, kotrež běše w zwisku z dojednanjom wo přiměrje wusadźiło. Nowych nadpadow dla su płaćizny za naftu na mjezynarodnych wikach zaso stupali.
US-ameriske wójsko rozprawja wo nadpadach Irana na zwjazkarskej stataj Kuwait a Bahrain w golfowym regionje. Po informacijach iranskeje statneje powěsćernje Irna su rewoluciske gardy 85 městnosćow wójska USA atakowali, mjez nimi areal mariny pjateje wójnskeje floty před Bahrainskim přibrjohom kaž tež lětarsku bazu ameriskeho wójska w Kuwaiće.
Do kamjenja zbite
Argentinska dramatisku hru na kóncu zwjertnyła
To a tamne (08.07.26)
Eksploziji w Damaskusu
Damaskus (dpa/SN). Prěni raz po 15 lětach přebywa francoski prezident Emmanuel Macron na statnym wopyće w Syriskej. Po informacijach syriskeje organizacije za čłowjeske prawa dožiwichu wobydlerjo stolicy Damaskusa w nocy krótko za sobu dwě detonaciji, jednu z njeju blisko hotela, w kotrymž Macron přenocuje. Wuchowanske mocy a chorobne awta běchu hnydom na městnje. Oficialne informacije wo přičinach eksplozijow kaž tež wo móžnych škodach abo woporach dotal njepředleža.
Ruske lětadło wotpopadnyli
London (dpa/SN). Britiske bojowniske lětadła su wčera nad sewjernym Atlantikom ruske patruljowe lětadło wotpopadnyli. Zakitowanske ministerstwo w Londonje zdźěli, zo běše ruska mašina britiskemu nošakej lětadłow přeblisko přišła a nimo toho wjacore sonarne boje (Sonarbojen) wotćisnyła. Na namołwu, swoju poziciju změnić, njeběše ruska wobsadka reagowała.
Liebich dyrbi w Němskej do jatby
