To a tamne (21.09.26)
Dohromady 2,93 tonow kokaina je policija z Ekwadora blisko města Manta sćazała. Z tym su přećiwo strukturam wikowanja drogow zachadźeli a tomu zadźěwali, zo kartele drogi ilegalnje dale předawaja. To piše policija na platformje X. Drogi słušeja pječa organizaciji Los Choneros, měni nutřkowny minister John Reimberg. Kokain je něhdźe 75,7 milionow eurow hódny, měni policija. Reimberg trochuje hódnotu na něhdźe 104 milionow eurow.
W Mnichowje swjeća wot zašłeje soboty kóždolětny oktoberski swjedźeń. Wčera, njedźelu, dožiwjachu tam pak wjacori wopytowarjo njeluboznu překwapjenku: W karuselu dyrbjachu ludźo wjacore mjeńšiny dołho w powětře wutrać, dokelž bě technika zaprajiła. Dohromady pjeć mjeńšinow wisachu tak z hłowu najprjedy w powětře, zdźěla wohnjowa wobora.
Wjele rjemjeslnikow w Sakskej
Kamjenica (dpa/SN). Kóždy wosmy dźěławy w Sakskej dźěła w rjemjeslniskim powołanju. Z tym je swobodny stat jasnje nad cyłoněmskim přerězkom, sakska regionalna direkcija Zwjazkoweje agentury za dźěło wčera zdźěli. Sakska ma runja Saksko-Anhaltskej 11,8 procentow rjemjeslnikow a je z tym w zwjazkowym přirunaju na štwórtym městnje. Na prěnim městnje je Durinska z 12,3 procentami. W sakskim přirunanju stejitej Zhorjelski a Rudnohórski wokrjes w statistice prědku: Tam dźěła kóždy šesty w rjemjesle.
Breitenbuch za spjeće Łobja
Drježdźany (SN). Sakski wobswětowy minister Georg-Ludwig von Breitenbuch (CDU) je so za planowane spjeće Łobja pola Děčína wuprajił. Tuta naprawa, kotruž planuje čěske knježerstwo za lěto 2029, změje wulke dobroty za swobodny stat hladajo na ekologiju rěki a jeje spušćomniše wužiwanje za łódźnistwo. Rizikow za přirodu, kwalitu wody a wobstatk rybow dla je sakske knježerstwo spjeće Łobja dotal stajnje wotpokazało.
Zwadna inwesticija Red Bull
Za dźensnišu wojersku paradu w iranskej stolicy Teheranje je ...
W Sakskej ćěriwo wosebje drohe
Wólbny bój na wjeršku
Lěpša prognoza za hospodarstwo
Rozpadnje Wulka Britaniska?
Keltiske narody Wulkeje Britaniskeje su „memorandum dorozumjenja“ podpisali a chcedźa referendum wo swojej njewotwisnosći přewjesć. Je pak situacija tak jednora, kaž medije pisaja?
London/Cardiff (SN/LuNo). Ministerski prezident Wulkeje Britaniskeje Andy Burnham je so wo furore postarał, jako praji, zo rady nowy referendum wo šotiskej njewotwisnosći wupisa, jelizo změje tónraz wuhlady na wuspěch. Posledni pospyt Šotow w lěće 2014 njeje so radźił: 45 procentow Šotow bě tehdom za awtonomiju, 55 procentow přećiwo njej.
160 lět zwisk Choćebuz-Berlin
To a tamne (18.09.26)
Modelka Gloria-Sophie Burkandt, najstarša dźowka šefa CSU Markusa Södera, je knihu wo swojej generaciji napisała, kotraž póndźelu pod titulom „Generacija KI – w nowym swěće čłowjescy wostać“ wuńdźe. W předsłowje piše 27lětna, zo wěnuje ju „wšěm tym, kotřiž wědźa, zo smy runje w času wulkeje kulturneje změny žiwi, a kotřiž su zwólniwi dokładnje připosłuchać, wuknyć a mosty twarić“.
Najwjetši mórski park wětrnikow w Němskej je energijowe předewzaće EnBW wčera wotewrěło. Wón leži w Sewjernym morju něhdźe 110 kilometrow před kupu Helgoland. Dohromady steji tam 64 wětrnikow danskeho zhotowjerja Vestas, kiž maja cyłkownu kapacitu 960 megawattow. Předewzaće EnBW je něhdźe 2,4 miliardy eurow do projekta inwestowało.
Kongres sankcije schwalił
Washington (dpa/SN). W USA je po senaće nětko tež kongres zakoń sankcijow schwalił, z kotrymž chcedźa sylniši ćišć na Rusku wukonjeć. Nimo direktnych chłostanskich naprawow přećiwo ruskim politikarjam a firmam wobmjezuje zakoń tež ruske eksporty wolija a płuna, z kotrymiž kraj swoju wójnu přećiwo Ukrainje financuje.
Wolij nimale dwójce tak drohi
Berlin (SN). Rozestajenja w golfowym regionje wuskutkuja so tež na płaćizny tepjenskeho wolija. Běchu-li płaćizny po cyłej Němskej před něšto měsacami hišće regionalnje jara rozdźělne, su so wone mjeztym na wysokim niwowje mjez sobu přibližili. Po informacijach platformy Tecson za płaćizny tepjenskeho wolija płaći kupc w Němskej tuchwilu přerěznje nimale 180 eurow za 100 litrow wolija. Minjeny tydźeń bě to hišće 155 eurow, před lětom pak z něhdźe 95 eurami něhdźe połojca.
Mibrag pisa čerwjene ličby
