„Němska tu zaso je“
Merz a Klingbeil z wuslědkami wjerška inwestorow spokojom
Berlin (dpa/SN). W hospodarsce špatnych časach w kraju wo inwestorow wabić – to běše ideja zwjazkoweho knježerstwa, kotruž je z wjerškom inwestorow zwoprawdźiło.
Něhdźe 200 nawodow předewzaćow z tu- a wukraja bě na dwaj dnjej do Berlina prošenych, zo bychu mjez druhim wot zwjazkoweho kanclera Friedricha Merza (CDU) a zwjazkoweho financneho ministra a wicekanclera Larsa Klingbeila (SPD) zhonili, čehodla je za nich spomóžne, swój kapital w Němskej inwestować. Naposledk mjenowany zwurazni z miknjenčkom samo jara direktnje, wo čo jemu dźe: „Chcu waše pjenjezy.“
Za swobodu wobchodow
Pólska: Wolóža wotehnaće
To a tamne (21.10.26)
Technologiski koncern Google dyrbi třidimensionalne wobrazy priwatnych ležownosćow w swojich nawigaciskich posłužbach Google Earth a Google Maps wotstronić, jeli wobsydnicy z wozjewjenjom přezjedni njejsu. Po skóržbje nana a wobsydnika swójbneho domu blisko Frankfurta nad Mohanom su sudnicy ciwilneje komory tamnišeho krajneho sudnistwa rozsudźili, zo zranja zwobraznjenja powšitkowne wosobinske prawo.
Roboter z mjenom CA-1 dźěła jako nowy kuchar w kantinje kaserny Zwjazkoweje wobory w schleswigsko-holsteinskim Alt-Duvenstedće. Wulka lěpšina za dohromady 900 wojakow je, zo móža sej swój wobjed kóždy čas skazać. W chłódźenej, sydom kwadratnych metrow wulkej rumnosći zwari nastroj Mnichowskeje firmy Circus Group w běhu někotrych mjeńšin čerstwu jědź.
Na zymsku słužbu přihotowani
Budyšin (SN). Hač do kónca oktobra maja přihoty za zymsku słužbu w lětušej sezonje dokónčene być. Tole wuchadźa z informacijow Budyskeho krajnoradneho zarjada. Dohromady 100 sobudźěłaćerjow je w zarjedźe za zymsku słužbu zasadźenych. Woni dźěłaja w cyłkownje pjeć nadróžnych mištrownjach, a to w Budyšinje, Biskopicach, Wojerecach, Kinsporku a Kamjencu.
Tute nadróžne mištrownje maja w zymje cyłkownje něhdźe 1 650 kilometrow dróhow wot sněha a loda wuswobodźić. To je 238 km zwjazkowych dróhow, 610 km statnych dróhow a 796 km wokrjesnych dróhow. Za zymsku słužbu steji sobudźěłaćerjam dohromady 25 rumowanskich a sypanskich jězdźidłow k dispoziciji. Po potrjebje maja móžnosć, sej přidatnje 15 jězdźidłow cuzych firmow wupožčić. W składach wokrjesa leži něhdźe 6 300 tonow sypanskeje sele a hdyž je potrjeba, tež hišće dalšich 1 500 tonow jako rezerwa.
Wjetšina KI njewužiwa
Nürnberg (dpa/SN). Dwě třećinje wšěch zawodow w Němskej stej so w druhim połlěće 2025 wužiwanja kumštneje inteligency (KI) wzdałoj. Institut za přepytowanje dźěłowych wikow a powołanjow (IAB) bě so naprašował. Nimale 90 procentow zawodow, kotrež KI njewužiwaja, nimaja prawu ideju, kak technologiju w swojim zawodźe zasadźeć. „Dźěl potenciala KI njeje hišće zwužitkowany abo do konkretneho nałožowanja přesadźeny“, rjekny wědomostnik IAB Christian Kagerl.
Hegseth Netanjahuwa zetkał
Tel Aviv (dpa/SN). Zakitowanski minister USA Pete Hegseth je so we wobłuku swojeho wopyta w Israelu spontanje z premierministrom Benjaminom Netanjahuwom zetkał. Zakitowanske ministerstwo so wo tym wuprajiło njeje. Hegseth a Netanjahu staj so něhdźe tydźeń do wólbow w Israelu zešłoj. Tute drje budu chětro napjate, wšako mataj Netanjahu a jeho kontrahent Gadi Eisenkot we woprašowanjach jenak wjele hłosow.
Namjetuja nowu jězdźenku
W Mecklenburgsko-Předpomorskej jedna předsydka krajneho zwjazka SPD ...
Płót při njezbožu skóncowany
Ludźo rabat njepytnu
Protesty tež Němsku jimaja
Zwjazkowe knježerstwo so scenow kaž w Francoskej njeboji
Paris/Berlin (dpa/SN). Zwjazkowe knježerstwo nima strach, zo so zdźěla namócne protesty w Francoskej kaž žołma po cyłej Europje rozpřestrěja. „Tutón strach njedźělimy“, wotmołwi rěčnik knježerstwa na prašenje, hač zwjazkowe knježerstwo z paneuropskej mobilizaciju liči. Rěčnica wonkowneho ministerstwa zdźěli, zo z wulkimi starosćemi do Francoskeje zhladuja. Pokiwy za jězby do kraja su přiměrili. „Wonkowne ministerstwo poruča ludźom skedźbnje po kraju pućować a so demonstracijam njebližić.“ Měrliwe demonstracije drje su demokratiske prawo, tola namóc nima „w našich demokratijach na pućach žanoho městna“, rěčnica podšmórny.
