Serbske Nowiny

pjatk, 17 apryla 2015 14:00

Ideje jej ženje njewuńdu

Njesprócniwe tworjenje ludoweje wuměłče Irmgard Kulejoweje hódnoća wot wče­rawšeho we Wojerowskim domje Domowiny. Pod hesłom „Irmgard Kulejowa – moje modele dyrbja žiwe być“ wustajeja wobrazy ze štyrjoch lětdźesatkow, kotrež su we wobsydstwje Choćebuskeho Serbskeho muzeja a komponista Detlefa Kobjele. Na wotewrjenju přehladki pokazachu tež wurězki filma wo 87lětnej Bukowčance. Pask Siegma­ra Schulza a Jörna Hirscha ma bórze jako DVD wuńć. Foto: Jost Schmidtchen

pjatk, 17 apryla 2015 14:00

Krótkopowěsće (17.04.15)

Bróžeń zaso natwarja

Pančicy-Kukow. 3. oktobra 2009 wotpalenu bróžnju na Kukowskim klóšterskim dworje w Pančicach-Kukowje chce klóšter Marijina hwězda zdźěla zaso natwarić. Twarskej próstwje je gmejnska rada­ na wčerawšim posedźenju přihło­so­wała. Nowotwar nastanje na hišće eksi­stowacych zakładnych murjach pódla wobstejaceje bróžnje a ma so ně­hdyše­mu napohladej připodobnić.

Štyrjo kandidaća za biskopa

Drježdźany. K wólbam noweho biskopa Ewangelskeje krajneje cyrkwje Sak­skeje w meji maja štyrjoch kandidatow. K zahajenju nalětneje synody jich dźensa pomjenowachu. Su to Drježdźanska fararka Margrit Klatte, farar Carsten Rentzing z Markneukirchena, Dietrich Bauer z krajneho cyrkwinskeho zarjada a krajny młodźinski farar Tobias Bilz.

Kak z wukrajnikami rěčeć

štwórtk, 16 apryla 2015 14:00

Serbscy atleća w dobrej formje

5. hórski běh na Čornobóh

Mjeztym hižo 5. běh na horu Čornobóh wotmě so minjenu sobotu. Na wubědźowanskich distancach 1,7 km, 3,5 km, 8,2 km a 15,7 km doběža 299 atletow do cila, mjez nimi tež jědnaće serbskich. Start a cil běštej při wyšej šuli w Kumwałdźe.

Serbscy wobdźělnicy wuwojowachu sej slědowace městna: dwě cyłkownej druhej a w starobnych klasach (sk) trójce prěnje, jónu druhe, trójce třeće, jónu pjate, dwójce sedme a jónu 8. městno.

štwórtk, 16 apryla 2015 14:00

Wćipny być so bjezdwěla wudani

Hač pohlad na njebjo, cyrkej, domske, puće, wódnišća, zwěrjata abo ludźi – kóžda fotografija ma něšto wosebite na sebi. A hdyž motiwy z kameru zapopadnješ, su wone na přeco zwěčnjene. „Fota mje inspiruja. Wosebje wšelake warianty njebja­ z mróčelemi so mi lubja. Krasny napohlad tež je, hdyž so słónco chowa a nam swoje poslednje pruhi sćele“­, powědaše mi Alena Belkotec z Hózka po předstajenju knihi „Wćipni być“ dźens tydźenja w Budyskej Smolerjec kniharni. Alena je šulerka Ralbičanskeje wyšeje šule­ a rady wo swojim kocorje Kazimiru w Serbskich Nowinach rozprawja.

štwórtk, 16 apryla 2015 14:00

„Tu jara derje dźěłaja“

„Nastupajo dźěło přichodnych měsacow je mi prašenje serbskeho sydlenskeho ruma wažne. Rozšěri so wón abo njerozšěri so?“Martin Gorholt

Přewšo zajimowany je braniborski krajny­ społnomócnjeny za naležnosće Serbow, statny sekretar Martin Gorholt 17. hłownu zhromadźiznu Domowiny w Haslowje sćěhował. Wšako bě prěni raz na tajkim naročnym serbskim podaw­ku. Prjedy hač Gorholt zaso do Pod­stupima wotjědźe, je so Axel Arlt z nim rozmołwjał.

Sće prěni braniborski krajny społnomócnjeny za naležnosće Serbow, kak sće so do zastojnstwa zažiwił?

M. Gorholt: Sym wjele po puću, zo bych so zeznajomił na městnje ze skupinami, kulturu a šulemi, w kotrychž serbšćinu wuwučuja. Spytam styki na městnje wudźeržować a zdobom dźěło w krajnym knježerstwje koordinować. To je derje zaběžało.

Što su Waše ćežišća w dźěle z młodymi ludźi­mi?

štwórtk, 16 apryla 2015 14:00

Do kina (16.04.15)

16.4.–22.4.2015: Der Kaufhaus Cop 2: wšědnje 14:30 hodź. (nimo štw, pó a srj) a 19:45 hodź. | pj a so 22:15 hodź. Fast & Furios 7: wšědnje 14:45 hodź. (nimo štw, pó a srj), 16:30 a 19:30 hodź. | pj a so 22 hodź. Halbe Brüder: pj a so 22 hodź. Der Nanny: wšědnje 16:45 a 19:30 hodź. (nimo pó) American Sniper: pj a so 21:45 hodź. Honig im Kopf: wšědnje 16:45 a 19:15 hodź. Shaun das Schaf: wšědnje 14:45 hodź. (nimo štw, pó a srj) a 17:30 hodź. (nimo pó) Gespensterjäger – Auf eisiger Spur: nj 12:30 hodź. Home – Ein smektakulärer Trip: nj 12:45 hodź. | w 3 D Cinderella: wšědnje 14:15 hodź. (nimo štw, pó a srj) Asterix im Land der Götter: nj 12:30 hodź. | w 3 D

Kino-ekstra: Selma: pó 17:15 a 20:15 hodź.

štwórtk, 16 apryla 2015 14:00

Policija (16.04.15)

Wječorne stróžele

Kamjenc. Chětro stróžiła je so zawče­rawšim wječor mać w Kamjencu. Jeje pjećlětna dźowka njebě so z hrajkanišća na Bebelowym naměsće domoj wróćiła. Po wšěm zdaću bě ju mać njewobkedźbowanu wostajiła. Krótko po 19 hodź. in­for­­mowaše 40lětna policiju, na čož wjacore wobsadki awtow za holčku pytachu. Na Macherowej wuhladachu ju skónčnje hromadźe z dalšim dźěsćom a dowjezechu dźowku zbožownej maćeri.

štwórtk, 16 apryla 2015 14:00

Pokiwy (16.04.15)

Dźensa na Maćičnu akademiju

Budyšin. Dr. Pětš Šurman a dr. Alfred Roggan, wědomostnaj sobudźěłaćerjej Choćebuskeho Serbskeho instituta, přednošujetaj dźensa, štwórtk, w 19.30 hodź. w Budyskim hosćencu „Wjelbik“ na Žitnej 7 na temu „Znankstwa serbskeje žywjeńskeje a twarskeje kultury. Zeugnisse sorbischer/wendischer Lebens- und Baukultur“. Přednošk budźe w delnjoserbskej a w němskej rěči, zastup je darmotny. Zajimcy su wutrobnje witani.

Jurij Koch čita ze swojeje knihi

Hórki. Spisowaćel Jurij Koch přeproša zajimcow jutře, 17. jutrownika, w 19 hodź. na čitanske zarjadowanje na Hórčanskim Smolic statoku. Awtor před­staji tam swoju knihu „Wětrnik na třěše“ a čita z njeje swoje dopomnjenki na młode lěta. Wječor wobrubi­ Tomasz Nawka ze spěwami a na dudach. Zastup je darmotny. Wšitcy su wutrobnje witani.

Trudla Kuringowa přednošuje

Łazkowski lěs kćěje w najrjeńšej nalětnjej pyše. To je wězo za kóždeho profesionalneho, ale tež amaterskeho fotografa dar a zdobom­ wužadanje. Štóž ma kameru a chwile, tomu móžemy rjane lěsne motiwy za kónctydźenski wulět jenož poručić. Snano­ poradźi so tež – štož njeje so našemu fotografej zešlachćiło – sorny na wobrazu zapopadnyć. Foto: SN/M. Bulank

štwórtk, 16 apryla 2015 14:00

Krótkopowěsće (16.04.15)

Myto Viadriny Templinej

Frankfurt n. W. Wojowarjej wo woby­dlerske prawa a publicistej Wolfgangej Templinej spožči spěchowanske koło Europskeje uniwersity Viadriny za zasłužby w němsko-pólskim dorozumjenju lětuše Myto Viadriny. Kaž uniwersita w Frankfurće nad Wódru zdźěli, je Templin hižo w 1970tych lětach styki z pólskej opoziciju nawjazał, zo by w NDR opoziciju po pólskim přikładźe wutworił.

Wokoło Lipska zemja ržała

Lipsk. W kónčinje mjez Lipskom a Halle je dźensa rano zemja ržała. Seismiska stacija registrowaše we 8.38 hodź. rženje sylnosće 3,3 na Richterowej skali, kaž Sakski­ krajny zarjad za wobswět, ratarstwo a geologiju zdźěla. Wobydlerjo začuwachu rženje 60 kilometrow daloko. Po dotalnych wobličenjach bě zemje­rženje 20 kilometrow hłuboko.

Prezentuja hišće raz biokarpa

nawěšk

nowostki LND